老虎岩餐室 (Closed)

本身係燒賣關注組都不時見到呢間老虎岩，必試最出名既芫荽燒賣🙈估唔到連牛腩都整得咁出色😍🐮🐮🥘咖哩牛腩跟薄餅 $61呢間最特別既地方係點餐時可以指定要【崩沙腩】/【爽腩】/【坑腩】😳愛牛之人可以跟自己口感揀最鍾意既部位🥰今次揀左崩沙腩，入口柔軟，肥瘦均勻，煮到勁腍，索晒啲咖哩汁好惹味，畫龍點睛既係塊薄餅😆脆脆地點埋咖哩汁，十分香口👍🏻大食啲既朋友仲可以加$10要碗白飯撈埋啲咖哩汁🤣炸芫荽燒賣（4粒）$18本人絕對唔係芫荽控🫣不過見佢咁出名點都要試下，出奇地真係幾好食🤤炸既芫荽味應該岩我呢啲新手，少少既清新感幾香，聞到隔離枱叫左蒸芫荽燒賣既芫荽就濃啲，各有各好😋另外炸燒賣外脆內軟，唔會炸到外皮太乾硬，燒賣係手打，口感彈牙👍🏻沙茶安格斯牛肉飯 $53沙茶味好香濃，有丁點兒既辣味，屬bb級，既香口又岩食唔到太辣既朋友👧🏻安格斯牛肉切成薄片，有咬口，唔會好似其他茶記用鬆肉粉醃到淋晒，加上牛肉同沙茶醬好夾，幾惹味😋凍黑糖仙草奶茶 $18真心驚喜😍呢杯茶底香濃，唔會太甜，入口香滑，粒粒仙草係港式果隻，滑嘟嘟得黎彈口，豐富晒成杯奶茶既口感🧋

沙茶安格斯牛肉麵配太陽蛋、腸仔、鮮油多 ($52)賣相看似沙嗲牛麵，相當港式，點睇得出係用安格斯牛肉？仲拎隻蛋遮住，咁低調更加令人想試試佢😚煮過嘅沙茶醬濃稠掛汁，完美覆蓋薄薄的肥牛，味道好夾，相當香口唔食麵都可以選擇 沙茶安格斯牛肉飯 ，牛肉份量黎講唔算多，不過軟腍香口，醬汁撈飯都好惹味。燒賣關注組推介嘅 手工燒賣 每日有五個時段新鮮出爐，雖然等唔到出爐時間，都叫左4粒蒸燒賣 ($12)，呢隻皮正，好似一層薄膜咁，不規則形狀更加突顯出手工燒賣獨特之處。餡料厚實彈牙，味道較淡，配豉油啱曬。