發記腸粉粥品

Open Now

Now Closed

發記一向出名同多人，再一次去食，水準依舊好先講主角：粥，要咗個魚片粥，首先每一羹“筆”落去，都會“筆”到魚片，好足料，之後個粥底，好香好夠味但唔係落咗味精，應該係啲米煲之前用調味料醃過，所以食落咁香不過，唯一要改善之處係個粥煲得唔夠綿油炸鬼夠脆全店最好食係腸粉，腸粉皮滑一滑，用料又足，蝦大大隻又爽口，仲有叉燒蝦腸呢個選擇，都係賣$20，一次過滿足兩個願望，啱晒想試多啲野但得一個胃既人最好係呢度既腸粉仲可以要求加蛋，加$5佢會幫你蒸腸粉前加隻蛋落去，食落更香，正呀~兩碟腸粉、一個粥、一個油炸鬼，兩個人食到好飽，都係$79埋單，抵食又好食，唯一唔好係坐得逼夾少少同無咩服務，但有好野食，都一定會再去食

粥是香港其中一種傳統飲食, 吃粥的歷史已有數千年之久, 據說經常食粥, 有防病保健, 延年益壽的作用。 因為粥的質地稀軟清爽,一來可減輕消化器官的負荷, 二來有利於營養成分的吸收, 具有低消耗, 生津潤燥, 易消化等優點。現今食粥不再是生病的時候才進食。 形形色色的粥品亦以不同姿態及配搭出現, 更發展至近來用粥來做蒸氣鍋底。 粥對於女生來說更是瘦身的好選擇。潮濕又悶熱的天氣, 胃口不算好, 吃粥是最好選擇。 搬進元朗後, 經常光顧的是“發記”。位於建業街的“發記腸粉粥品”是一間傳統粥麵店, 開設了多年, 主要提供地道粥品、炒麵和腸粉等。 其中以招牌煲仔粥最為馳名, 加上粥店用心做好每碗粥, 所以一路都深受食客歡迎, 經常都有不少食客於門外排隊等候。有段時間, 粥店外設有摺檯, 坐於街頭食粥別有一番風味。 不過基於食環的麻煩條例, 已通通搬回室內了, 剩下的只是供食客等候時的椅子。發記裝潢簡單, 切合一貫老字號的地道風格。 全店只有十多個位, 食客要坐到幾乎背對背, 幸好冷氣夠強勁, 不至食到汗流浹背。菜單全手寫, 每字都整齊公整, 貼於玻璃上。 說得出的粥品都有, 款式選擇配搭多。檯上