Video
Read full review
2015-11-20
1096 views
都唔知幾多年無黎喇，好掛住您啊！撞啱秋刀祭，正呀！最衰今次 walk-in 無預先訂枱，只得 60分鐘食，好趕呢！多年無到訪，當然要細心閱讀一下 menu 啦！有刺生、壽司、串燒、鍋物、炸物、冷盤、沙律、等等，真係花多眼亂，樣樣都想試。包羅萬有，雖然我個胃好似有無限空間，但無底深潭都有滿既一刻麻，要考慮清楚先 order 喇。巧遇秋召祭點都要叫返款秋刀食吓，賀一賀佢 ﹗再由頭盤食起，刺生、壽司、湯、鍋物、炸物，正呀 ﹗Order 完望一望，坐旋轉壽司 bar 太窄喇喎，點夠放野食呀，又坐得唔舒服，見到有 order 枱即轉啦。安康魚肝豆腐，以前都只係齋食魚肝配醬油，依度菜伴滑豆腐、海膽、魚籽都係第一次。味道濃郁甘香而黏黏的魚肝撞上滑溜清甜豆腐，非常有feel！淋上淡醬油，味道異常地配合，多種口感同香味，涼涼的係齒舌間打滾，實在太美味！Good starting ﹗適逢秋刀祭梗係要食時令秋刀啦！先黎原條秋刀刺生，青年期既秋刀超級肥美！魚油澎湃鮮甜，質感滑溜彈牙有咬口！配上日本萬能蔥、薑蓉、鮮山葵蓉，鮮味提升到另一高峰！以前食過既秋刀刺生不提也罷，完全唔係依個境界呢！好味到不得了，感覺震撼
巧遇秋召祭點都要叫返款秋刀食吓，賀一賀佢 ﹗再由頭盤食起，刺生、壽司、湯、鍋物、炸物，正呀 ﹗Order 完望一望，坐旋轉壽司 bar 太窄喇喎，點夠放野食呀，又坐得唔舒服，見到有 order 枱即轉啦。
安康魚肝豆腐，以前都只係齋食魚肝配醬油，依度菜伴滑豆腐、海膽、魚籽都係第一次。味道濃郁甘香而黏黏的魚肝撞上滑溜清甜豆腐，非常有feel！淋上淡醬油，味道異常地配合，多種口感同香味，涼涼的係齒舌間打滾，實在太美味！Good starting ﹗
適逢秋刀祭梗係要食時令秋刀啦！先黎原條秋刀刺生，青年期既秋刀超級肥美！魚油澎湃鮮甜，質感滑溜彈牙有咬口！配上日本萬能蔥、薑蓉、鮮山葵蓉，鮮味提升到另一高峰！以前食過既秋刀刺生不提也罷，完全唔係依個境界呢！好味到不得了，感覺震撼直插心臟。食到乾乾淨淨，連骨都想損埋。條骨可否炸炸去再煲個麵豉湯呢？唔好浪費麻。一條絕對唔夠喉！不過為左試更多其他佳餚，冷靜啲、停一停、諗一諗。
烤鰹魚，魚味特級香濃，跟蔥花薑蓉同吃可以增添清爽味道。魚油就稍為遜息，烤過既魚肉質感結實，纖維就比較瘦削。中間仍然保持鮮嫩泛紅，柔軟帶滑，不過不失啦，一試無妨。
極上吞拿魚腩壽司，今晚無最靚既極品就係佢喇 ﹗只賣剩大 toro，梗係要啦！粉紅色吞拿魚腩係肥美既證明，魚油超級豐富，香甜到不得了，滑不留口，入口溶化，緊緊包住每顆飯粒，浸入每一顆味蕾！好食到合埋眼、打冷震，再不其然發出吾一聲既美味滿足聲音！超幸福啊 ﹗質數非常好既手握壽司飯，乾爽嚥韌飽滿彈牙既壽司飯粒，酸甜道十分 balance，清香醒胃而不嗆不澀。Size 一口剛剛好，而且只散口，唔會散係手，力度柔韌有餘，好功夫！難得難得！元氣、元祿、築地、旭川、等等，好多壽司餐廳都不能相提並論。
佐賀和牛壽司，一睇就知高檔貨，脂肪程平均雪花狀，好靚啊！厚薄得宜，如果太薄會食試唔真味道及質感。牛脂清香帶甜夾雜住淡淡嫩牛味，感覺舒服憩靜，肉質棉滑細緻，滑啫啫在口中跣左跣右，正呀！
他他牛壽司，雖然唔夠和牛滑溜，但牛味強烈，配上日本萬能蔥、薑蓉及鮮山葵蓉帶出一陣清香感覺，帶出多層次既味道跟質感。外層燒得香口，裡面淡紅鮮嫩，牛味突出，juicy 得很，每一啖都肉汁激射，無得頂！每次必選。
油甘魚腩壽司，眼見色澤艷明又立立令，但今次有點瘦噃，油脂欠奉，香甜味有點削，唔係當灶季節？好采尚算棉滑，配上高質壽司飯都不過不失既，滿意。
海膽軍艦，壽司飯好靚，紫菜乾身脆口，一咬烈一聲撕開。海膽鮮味濕潤，但帶有微微腥味呢，免強夠香甜既，混上醋飯咸香紫菜互補不足，過關。之前係千里禪食過彈牙赤海膽，返唔到轉頭喇！好掛住呢，掛到輾轉反側啊 ﹗
鱈長蟹腳壽司，食過即劏活鱈長蟹真係返唔到轉頭啊！雪藏蟹腳又鞋又乾又無鮮味，大條就夠大條喇，慘！勁點青葵芥辣豉油先得，濕濕地易入口好多，哈哈。
原條穴子壽司，點上少少鰻魚醬，燒得香口，勁軟棉嫩滑又濕潤，size 好壯觀。啖啖肉卷住高質手握壽司飯，成舊啪入口，超好食呀！意料之外既美味之選，食得過 ﹗
軟殼蟹天婦羅，真正既天婦羅啊！可遇不可求，好多用硬屈屈炸蟹當係天婦羅囉，激死。天婦羅炸粉薄薄一層，像霚又像雲般溫柔地包住軟殼蟹，約隱約現。不用猶豫一口大啖咬落去，極至香口鬆化，絕對唔會有乾硬感覺。軟殼蟹外脆肉嫩帶肉汁，鬆軟肥美又鮮甜多肉，仲帶少少甘香蟹膏，請鼓掌！咪走雞，必食 ﹗
串燒併盤，紫蘇葉燒雞肉較特別，肉嫩帶少少甜味又帶少少紫蘇葉既香氣，幾好味。燒墨魚粒，爽彈有咬口，仲帶濃厚墨魚鮮味，好正！燒和牛配生蒜，生蒜辛中帶甜配上軟棉味濃多汁既和牛，好好味！燒雞中翼都合格既，外皮好香口，只是乾左少少。燒松葉蟹腳，有蟹味，但又乾又鞋，麻麻地。
鹽燒秋刀魚，黎一個好頭好尾，開始秋刀刺生、埋邊壓軸燒秋刀。從來未食過咁肥美嫩滑既秋刀魚！勁新鮮，燒到約 7 成熟，魚油豐富到立立令，皮香肉嫩魚味濃！非常好食！食左咁多年秋刀魚，Top 1 就係佢 ﹗
咁大膽趕我走，話晒都大客仔喎。八點夠鐘要還枱呢，我都未食夠，未飽喎，仲有好多野未試呀！原條秋刀魚刺生、鹽燒秋刀魚，滿分 ﹗他他牛、佐賀牛、原條穴子、極上吞拿魚腩，滿分 ﹗安康魚肝豆腐、軟殼蟹天婦羅、墨魚粒串燒、和牛串燒，滿分 ﹗
安康魚肝豆腐
54 views
0 likes
0 comments
原條秋刀刺生
43 views
0 likes
0 comments
原條秋刀刺生
34 views
0 likes
0 comments
原條秋刀刺生
33 views
0 likes
0 comments
烤鰹魚
33 views
0 likes
0 comments
極上吞拿魚腩壽司
28 views
0 likes
0 comments
佐賀和牛壽司
31 views
1 likes
0 comments
他他牛壽司
39 views
0 likes
0 comments
油甘魚腩壽司
26 views
0 likes
0 comments
海膽軍艦
26 views
0 likes
0 comments
鱈長蟹腳壽司
51 views
0 likes
0 comments
原條穴子壽司
77 views
0 likes
0 comments
軟殼蟹天婦羅
49 views
0 likes
0 comments
鹽燒秋刀魚
39 views
0 likes
0 comments
串燒併盤
79 views
0 likes
0 comments
Post
