昌記

Open Now

Now Closed

山長水遠黎到 跑馬地 就係為左試下 昌記 有幾掂 ! 昌記好易搵 跑馬地電車總站落車 行五分鐘就到 ! 上去市政大廈 2/F 入到最入 就係昌記 ! 唔好去錯呀 !!! 嘿嘿 !! 一去到 侍應姐姐就話無通粉 ! 即刻有少少 失望 . . . 因為一早已經寫底左係記事本 黎昌記要食 雪菜餐肉通 + 油砂厚多 最後我地決定叫 ::: 雪菜肉絲米粉, 後加餐肉 ! ( 因為呀 SO 力推 ) 油砂厚多 ( $10 ) 芺容旦雞扖飯 ($33) 包飲品 有咩評價 ? 雪菜肉絲米粉 - 好好味既雪菜 , 新鮮 , 係綠色個隻雪菜 ! good ! - 我唔鐘意食米粉 , 但昌記米粉好好味 , 好淋 ! - 美中不足 = 點解無通粉 ?!?! 油砂厚多 - 好好味 味道好特別 - 一黎到就即刻食 個厚多好新鮮 一定唔係隔夜 提示 : 呀so話食油砂多個時 , 千其唔好用刀去搽勻牛油同砂糖 , 因為咁樣只會攪到個多士味道不勻 , 其實只需要 (燈) 一 (燈) d 砂糖落隻碟就得 ! 芺容旦雞扖飯 - 芺容旦材料好豐富 有旦汁 好香嫁 ! - 雞扖都好大

雖然山長水遠,終於都係去整返件油砂厚多牛油+砂糖+厚多,沒有難食的道理不過要整得好吃,還是要點心思,下點功夫咁厚一件包,要烘得又脆又軟,唔易架冇叫野飲都乾哽晒成件,就解釋到佢幾好味不過今日既重點係服務或者大部份人都唔會對茶檔服務有咩期望,ME TOO~所以預期以外既親切令我今餐食得好開心坐低左之後,來了一枱四人,老闆客氣地問我可否轉枱,轉枱在茶檔冰廳實屬平常,當然樂意行個方便,老闆就一連講左四正次唔該/唔好意思件厚多食到一半另一伙計走過來同其他熟客吹水,見我淨咬個包,問我係咪淨係叫左多士,有冇叫野飲/其他野食心諗:唔通嫌我食得太少,賺得雞碎?哈哈,當然唔係,佢驚我有野漏左單,得知我乾哽一件厚多,仲主動問我要唔要杯水或茶仲話比杯熱啲既我算係唔話得喇~~食飽飽,又滿足地結賬下次再去食其他