Sol House Oyster Bar and Restaurant

4.5

595 Reviews

Taste

Decor

Service

Hygiene

Value

17302

Tsuen Wan

$101-200

Copied to Clipboard

532

法國生蠔

5 Recommended $10

$10

xkxblog

Level4

255

法國生蠔（$10@）最少兩隻起，淺嚐要咗四隻。雖然細細隻，但食得出頗新鮮，淡淡海水鹹味帶少少鮮甜，帶子位爽口。以十蚊一隻嚟講，可以一試。午市套餐，有餐湯+餐包或沙律、主食、熱飲。是日餐湯係蘑菇湯，creamy，有菇味，還可以。餐包熱烘烘，外脆內軟，帶有香草味，好味。酥炸魷魚圈（$28）套餐可加配小食，要咗炸魷魚圈，份量OK，即炸，唔油，炸粉算薄帶有少少香草味，味道不錯。烤紐西蘭西冷扒12安士（$118）懷舊鐵板系列，已經諗唔起，對上一次食呢類型嘅鐵板牛扒喺幾時了。鐵板上枱淋汁（揀咗蒜蓉汁），員工提醒用布遮一遮，我仲load咗半秒先醒起（超尷尬）。牛扒約六七成熟，肉質預期之內，結實有咬口，肉味普通。配菜有薯條、粟米、西蘭花。烤鴨髀配南瓜汁意大利飯（$88）南瓜汁意大利飯味道很好，米飯外軟裡面微硬，不錯，南瓜粒有蔬菜質地口感，個人覺得如果再腍啲會更好（反而事頭婆鐘意呢個偏實身嘅口感，話同個飯一軟一硬有對比仲好，well，每個人都有各自嘅偏愛）。烤鴨髀中規中矩，烤得夠香，有鴨味但無騷味，但肉質唔夠嫩。最後餐飲要咗熱咖啡，係即磨咖啡，而且奶仲係熱嘅，很好，加分。整體用餐體驗感覺良好，環境舒服，

Read full review

法國生蠔（$10@）
最少兩隻起，淺嚐要咗四隻。雖然細細隻，但食得出頗新鮮，淡淡海水鹹味帶少少鮮甜，帶子位爽口。以十蚊一隻嚟講，可以一試。

午市套餐，有餐湯+餐包或沙律、主食、熱飲。
是日餐湯係蘑菇湯，creamy，有菇味，還可以。
餐包熱烘烘，外脆內軟，帶有香草味，好味。

酥炸魷魚圈（$28）
套餐可加配小食，要咗炸魷魚圈，份量OK，即炸，唔油，炸粉算薄帶有少少香草味，味道不錯。

烤紐西蘭西冷扒12安士（$118）
懷舊鐵板系列，已經諗唔起，對上一次食呢類型嘅鐵板牛扒喺幾時了。鐵板上枱淋汁（揀咗蒜蓉汁），員工提醒用布遮一遮，我仲load咗半秒先醒起（超尷尬）。牛扒約六七成熟，肉質預期之內，結實有咬口，肉味普通。配菜有薯條、粟米、西蘭花。

烤鴨髀配南瓜汁意大利飯（$88）
南瓜汁意大利飯味道很好，米飯外軟裡面微硬，不錯，南瓜粒有蔬菜質地口感，個人覺得如果再腍啲會更好（反而事頭婆鐘意呢個偏實身嘅口感，話同個飯一軟一硬有對比仲好，well，每個人都有各自嘅偏愛）。烤鴨髀中規中矩，烤得夠香，有鴨味但無騷味，但肉質唔夠嫩。

最後餐飲要咗熱咖啡，係即磨咖啡，而且奶仲係熱嘅，很好，加分。

整體用餐體驗感覺良好，環境舒服，空間感足，員工有禮，食物質素唔錯。

PS：午市仲有88折，即係變相免加一。