Four O Five Coffee & Eatery

Open Now

Now Closed

去開觀塘，梗係要搵下有咩好野食啦！女仔都係比較中意打下卡Four o Five 呢間cafe就岩哂啦！地方寬敞，有梳化坐，坐得好舒服👍🏻👍🏻👍🏻炎炎夏日，先叫兩杯沙冰飲吓，兩杯都好出色。Oreo忌廉沙冰夠晒濃，好夠朱古力味。鹹檸柚子蜜沙冰，好特別巧妙地將鹹、酸、甜三種基本滋味完美結合。冰涼的沙冰質地清爽。柚子汁的酸甜爽口，再加上適量的鹽分,完美平衡了整體風味。鹹與甜的交織,既清新爽口，又不失飲品的層次感，絕對是在炎夏解渴的清涼好選擇。 All day Breakfast份量好大，好中意落醋嘅沙律菜🥗薯餅金黃鬆脆，啲菇炒得好香，牛油果同鬆脆嘅麵包完美結合，加埋個好滑好香既炒蛋，令人食唔停口，好滿足。虎蝦帶子意粉，將肉質鮮嫩彈牙的虎蝦和肥美多汁的帶子與爽口既意粉完美結合。每一口都能品嘗到海鮮的甜美鮮美，意粉吸收了海鮮的精華，形成了一種獨特而迷人的味道。想再食個大甜品，但已經食唔落，於是試下檸檬撻，檸檬酸酸甜甜，食落去好舒服，唔會有飽飽滯滯嘅感覺，餅底鬆脆，呢度啲甜品係出色嘅👍🏻

主菜：牛油果軟殼蟹意粉$138，軟殼蟹🦀色澤金黃，口感好香脆，帶鹹香味道，非常惹味。飲品：熱朱古力跟餐+$34，味道濃郁，拉花靚靚。海鹽Kiri芝士奶桂花烏龍茶$39，芝士味濃，襯托淡淡桂花香，好有層次感😊甜品：伯爵茶珍珠梳乎厘班戟$118，比想像中大很多，賣相讓人驚豔，仲有多款口味可選👍，空氣感十足，口感鬆軟，散發著伯爵茶香味，唯一可挑剔的 就是珍珠有少少硬，唔夠煙韌。法式檸檬撻$42，酸酸甜甜，味道好清新，而且餅底鬆脆，十分推薦！小食：南瓜蟹肉小飯波$68，與甜品相比，這款小食就較為遜色，南瓜或蟹肉的味道都不太突出。整體餐廳環境舒適，甜品即叫即做，很有水準，價位正常，特別推薦梳乎厘班戟👍

今日收工先醒起，3.14 係白色情人節。突然間想食下檸檬撻，搵下觀塘區有咩餐廳有檸檬撻食。原來選擇唔多，呢間係其一，餐廳位置係工廠大廈裡面，其實有啲難搵。青醬雞肉燴飯 配 熱鮮奶咖啡 $120扮到好浪漫咁，加咗啲花辮成件事昇華咗。岩鹽燒牛舌芯 $68其實一般質素，唔特別，唔難食。冇賣相手工自家製炸肉丸 $68呢個真係好HEA做，只係一個豬肉加啲炸粉去炸。唔難食。法式檸檬撻 $42有啲特別，個creamy 個檸檬餡，好水狀，有小小乳酪味，微微地酸帶甜味。兩個人，1個飯、2個小食、1杯咖啡、1個甜品，人均消費唔貴 $150一個人。

Gathering 熱門地點又點少得觀塘，餐廳種類選擇又多，有西餐中餐Cafe shop等，好岩約埋三五知己聚埋一齊😋今次我就同朋友去到觀塘成業街嘅工廠大廈內嘅一間餐廳，餐廳主要以白色及卡其色為主，俾人有一種柔和嘅感覺，而且餐廳嘅空間都好大，環境加分！因為臨近聖誕節，餐廳都加入聖誕元素，有聖誕節氣氛🥰餐廳除左會提供Pasta & Risotto & Coffee 之外，亦都有日式Pancake & 爆漿蛋糕 & 聖誕主題甜品等等😋樣樣都好吸引，好想每樣都食少少😎明太子大蝦燴飯 $128粉紅色嘅明太子醬與飯粒混合一齊食，每一啖都好Creamy😋帶有濃濃的明太子香味，燴飯中的蝦肉大大粒，食落去爽口彈牙😋😁溫泉蛋卡邦尼煙肉意粉 $75卡邦尼意粉係最受香港人歡迎既意粉之一🍝濃郁既芝士香氣🧀再配上咸香嘅煙肉🥓 意粉中間嘅溫泉蛋🥚一切落去，蛋黃流出🤤每一啖意粉都有溫泉蛋香的！正👍吉士焦糖梳乎厘班戟 $108日式梳乎厘班戟厚實挺身，口感軟綿，入口即溶嘅梳乎厘班戟，配上自家製嘅吉士醬，而且蛋香十足，帶有超濃郁嘅奶香味，甜甜地。大大嘅滿足。🥰🥰🥰波霸流心Tiramisu $78先講講面頭嘅珍珠伯爵奶茶醬

觀塘工廈一直都是我覓食尋寶的好去處，這次又發掘了一個新驚喜-Four O Five Coffee and Eatery臨近聖誕，餐廳裝飾了一個聖誕小角落，環境不錯。餐牌的價錢也很吸引，沒有加一，新開張還有九折優惠。⭐️溫泉蛋卡邦尼煙肉意粉$98醬汁濃稠適中，意粉軟硬得宜，加入煙肉令整道意粉既有鹹香亦惹味，而且並不覺得膩。⭐️凍鮮奶抹茶 香氣馥郁兼帶有淡淡的茶香，比例剛好令人不覺得乾澀，入口順滑。⭐️南瓜雞柳飯$88份量十足，既有營養又帶有甜味的南瓜配搭嫩滑的雞柳，竟是意想不到的絕配。⭐️吉士焦糖梳乎厘班戟$108誠意推介絕對值得一試，2大塊厚身但鬆軟輕盈的梳乎厘班戟，入口時尤如棉花糖一般，甜度適中，店家還貼心地附有爆谷伴碟。⭐️炸魚薯條配塔塔汁$58經典小食之一，亦屬意想不到的驚喜。魚柳肉質厚實飽滿，炸得外脆內嫩；再配有香脆粗切薯條，實屬經典組合。⭐️士多啤梨梳乎厘班戟$118賣相精美，蛋香味香濃，口感鬆軟綿密；入口時空氣感十足，尤如躺在一片浮雲上。⭐️法式檸檬撻$26最後來一個法式檸檬撻作為是日晚餐的總結，酸酸甜甜的檸檬內餡配搭上香口鬆脆的撻皮，自帶有一種清新口感。