I's Land Cafe (Closed)

觀塘一向多工廠大廈cafe食肆，今次因有要事去觀塘，所以就揾吓有無咩特別嘅樓上食肆。星期日好多都無營業，所以我地就嚟咗呢間試吓。平時去開嘅樓上舖都比較細間，今次呢間環境好大，坐得好舒服！價錢都唔算平，同平時出面食差不多，我同朋友分別叫咗廚師精選意大利麵同廚師精選意大利飯。前菜有個蘑菇湯同麵包。個湯入面都幾多蘑菇，幾好飲！麵包同平時食嘅無乜分別，但佢個醬就幾特別，類似平日M記漢堡包入面隻蕃茄醬味，塗上麵包上面幾好食！我叫的軟殼蟹蘑菇意大利飯。入面有芝士但唔會好「漏」，份量啱啱好。軟殼蟹就咸咗少少，但配埋個飯一齊食都唔錯。朋友叫的蠔天使麵，佢話幾好食。跟餐飲品可以加$18轉其他。呢杯玫瑰泡沫鮮奶咖啡幾有玫瑰味，唔會畀咖啡味蓋過。泡沫鮮奶朱古力咖啡反而有點甜。呢度有唔少員工，好快就幫你落單同上菜。同埋個湯定包(忘記了)係有得refill，大家記得問吓！

今日同朋友係餐廳食下午茶！我係網上搵到啲間餐廳，見到環境唔錯，我就訂枱啦！啲間餐廳有幾樣野唔錯既👍🏻。 第一係環境舒服☺️，點解呢🙄？係因為我見到餐廳分為幾部分，其中係夏天既環境，天花佈滿夏天既綠葉🍃，另外一面就係秋天既紅葉🍂，俾我感受到好輕鬆既感覺😌。第二係食品質素好👍🏻，我叫左個忌廉煙三文魚蘑菇長通粉🍝、心太軟同窩夫。長通粉軟硬適中，心太軟好流心唔會嚟到就硬哂仲要外脆內軟又唔會太甜，窩夫上既雪榚嚟到又唔會容哂🍦。第三服務員質素幾好💁🏻。落單既時候，我哋好多要求去態度非常之好🙋🏻。就係啲三樣野都值得讚👏🏻。值得推薦俾大家聚餐既餐廳😉！（本食評乃個人意見，與openrice無關）

今日放假甘系要好好舒下壓，文青一下。去左觀塘的I'S Land Cafe.歎下出名的Cafe，我點左Lunch set，加個甜品，香煎美國頂級西冷拼薯菜，配意式香草包，配羅宋湯，餐飲系泡沫鮮奶朱古力咖啡，甜品系香蕉船，香蕉好甜，同雪糕味好夾，好正。好滿足。看似熟曬的牛扒，一D都唔韌，兩個手巴甘大的西冷牛扒，牛味好濃，好有嚼頭，每一口都會食到牛的原汁原味，小小燒汁，不會蓋過牛原本的味道，配菜薯仔都好正，新鮮薯仔切塊上茄粉炸，出黎效果系外脆內多薯肉，出黎感覺一D都唔油膩膩，好正。好正的羅宋湯，濃濃的牛肉味，各種蔬菜味好濃郁，感覺到良心商家的良心熬製，連埋香草包一齊食好正我無辦法忘懷的Cafe，朱古力味濃，但係又唔會搶左咖啡的味，加左鮮奶增加成杯咖啡的滑度，拉花拉得好靚，證明系下左苦工的，我喜歡咖啡文化，香港人甘忙碌，休息更加需要咖啡文化一下，充下電，再出發。