程班長台灣美食 (Closed)

呢日忽然心血來潮想食台灣野，男朋友推介我試呢間「程班長台灣美食」！ 「程班長台灣美食」係一間由台灣人經營嘅台式餐廳，各類台灣麵食、便當、夜市小食、台式飲品都可以係呢度搵到！食物質素相當高，價錢唔貴，真係又平又靚又正！ 星期六餐廳開舖無耐我哋去到已經好多人，12點頭開始要等位~不過上菜速度都幾快，同埋餐廳裝修唔係適宜長坐嗰種，所以都唔會等好耐~ 🧡紅燒半筋半肉麵（$55）試過好多間餐廳嘅台灣牛肉麵，我最鍾意呢間個湯頭，味道好香濃，但因為無落味精，所以飲落好舒服！牛肉都煮得好腍，好重牛香味，咁嘅質素先至$55，性價比相當高！ 🧡蚵仔煎（$36）佢個蚵仔煎真係不得不試，份量好大，煎得好香，蠔仔好鮮好嫩，入面夾咗勁多生菜，啖啖都可以食到，超正！ 🧡泡菜香豆腐（$28）泡菜酸甜解膩！香豆腐外脆內嫩，個醬好好味，配個豆腐一流！ 🧡玉米起司蛋捲餅（$36）呢間餐廳個蛋餅比較特別，餅皮係用手抓餅，個人就麻麻地鐘意，太dry同埋搶咗芝士味！ 🧡山粉圓（跟餐+$10） 黑糖水沖山粉圓，唔會好甜，都幾潤喉！

朋友之前黎食過勁推薦，所以呢日專登帶小弟黎試😂我地呢日6點幾黎到，門口已經排左條長龍😱等左15-20分鐘就到我地喇～小弟都好中意去台灣旅行，最近我諗大家都好想去旅行😔入到去餐廳即刻有好濃烈既台灣味😍唔止因為店員都係台灣人，餐廳既裝修亦都好有台灣風味😌不過就坐得逼左少少~~紅燒半筋半肉麵 - $55一飲個湯底就更加覺得自己好似去左台灣咁！！d味好地道，好正宗！牛肉同牛筋既份量都幾多，牛肉都幾淋～湯底好香濃不過就有dd油，整體都算唔錯，真係好地道😍泡菜香豆腐 - $28呢個豆腐就同係台灣夜市坐係度食個d臭豆腐一模一樣，只係呢個豆腐唔係臭豆腐😂😂豆腐炸得好香脆，好好食😍😍😍旁邊既泡菜酸酸地好開胃👍🏻👍🏻雖然依家無得去台灣住，但係可以食到咁好食又咁地道既台灣菜真係可以頂住先😂下次要再去食過！

在同事熱切推介之下終於試了這間位於荔枝角工廈內位置相當隱蔽的一間台灣小食店，據聞店員全是台灣人，食物保留台灣原味。店內不大，卻坐滿了人，門外大排長龍，另設一室作等候室，在內先選好要點的小食，選擇真的很多，樣樣都想試。最後三人點了一個手工麵及六個小食，手工麵相當彈牙，湯底濃郁，店內標示麵條每日新鮮製造，由於數量有限，為求更多人可嘗到，故不設加底，食客需留意。小食方面，我特愛他們家的台灣腸，大腸包小腸及豆乳雞。台灣腸味香，一口肉一口蒜，滋味無窮。大腸包小腸為糯米飯包台灣腸，糯米香軟，飯中加了醬，很香口。豆乳雞除惹味外，表層穌脆，雞肉軟口。我也喜歡他們的冬瓜茶，少少甜，說不出的清，甚為止渴。看見他們店獲得不少獎項，實至名歸。我相當之推介，並有意再光顧，且帶朋呼友去嘗一嘗。

剛從高雄回來🇹🇼 記掛古早味😜 就去程班長開飯，無黎一排又進化咗😃 原來已經設咗個等候區，唔駛齋係出面只排長龍😘七點零黎到⏰ 等咗無十分鐘已經可以入坐，揀好嘢食就出去收銀比錢，呢啲次序係🇭🇰係唔會有😝先黎既係滷肉飯🍚 你係會忍唔住用力撈晒肉碎，菜同飯，等啲肉汁肥油滲入飯粒間🐷 古早味，我個人既定義係家常味道既用心經營既昇華泡菜香豆腐，炸豆腐沾上赤紅色辣醬🌶️夾埋啲酸菜一齊咬，既有炸脆既咬口，又有霸氣既酸菜🥬 仲有陣香口辣味🙌雞腿湯麵無情情又迫人加個滷蛋🥚，麵身未算特別靚(可能高雄個牛肉麵太深刻），但乾得黎有肉汁既雞腿🍗咬落去外脆內軟，難以忘懷既古早味💞蚵仔煎🍳係個人favorite❤️ 不過程班長既就一般，蠔仔算夠，但塾底個菜個人麻麻地🙄豬手🐖等咗陣先到，但上枱真係熱到出晒煙🌫️ 兩舊大大豬手炆到淋滋滋，但中間筋又唔不失咬口😮程班晒經歷過無理急意批評，又有比人假投訴政府部門上晒門搞😐但都依然可以堅持繼續，台灣最美風景係人，希望香港亦一樣❤️❤️最後埋單兩個人唔駛200，真心抵食，唔怪得長期有人排隊👯‍♂️👯‍♀️

我期待左食程班長好耐，今次終於食到喇不過入面地方雖小但有4部冷氣(要帶定外套啊)嗌左炸豬扒麵肉質夠淋，味道及賣相普通，不夠酥香，份量少牛肉牛筋麵肉質夠淋，味道及賣相普通紅燒牛肉麵肉質夠淋，麵質有口感，不過湯底沒有牛肉味蔥抓餅賣相完全不行(好似俾人食過咁)，味道十分普通。泡菜香豆腐味道一般，沒有豆香。蚵仔煎蠻飽肚，冇乜蚵仔，味道普通不及台灣夜市冬瓜茶過甜。茉香綠茶同烏龍茶就係一個茶包加滾水，套餐加8蚊唔抵整體而言，我覺得名過於實，並冇傳聞中好食。只適合過下口癮