船皇 (謝斐道) (Closed)

最近工作較多，晚上需要加班，屋企都冇煮飯我食😭但係咁就有機會出去食好西喇🤣話說都好耐無食泰國野，就在公司附近搵間泰國餐廳醫肚先。今次去的餐廳主攻船湯麵、船撈麵和泰式串燒。因為只有我一個人，所以只係點一碗麵，驚食唔哂😂1. 船皇湯麵（蛋麵）（小辣）$58這個湯麵有很多材料，包括炸豬皮、牛腩、牛肉片、牛肉丸、雞絲、雞翼、豬肉、豬肉丸和豬潤，非常豐富🤤湯汁極濃，又甜又辣，配上彈牙的蛋麵，非常惹味好食👍🏻2. 泰仔奶茶（凍）$18這個泰仔奶茶不會太甜，用一個雪過的冰凍碗黎裝，可以唔洗加冰而流失味道👍🏻

泰國菜在我印象之中都是不便宜的，在銅鑼灣逛街的時候偶然被她的橙色招牌吸引住了，細看一下是泰國美食，不用等位之餘價錢也不算太貴，就覺得入去試一下先。坐下來細看餐牌，原來主打的是泰式粉面，哈哈，一直只知道金邊粉，還不知道原來還有這麼多的泰式粉面的種類。· 首先，落單的時候客人可以在四款麵中選擇一類先，我的首選當然就是蛋麵，選好之後不要忘記還是可以根據個人喜好選擇辣度的喔— 大辣，中辣，小辣 ，走辣。 首選的肯定是店舖推薦的招牌菜— 船皇湯麵， 賣相非常吸引，仲有很多不同的餸，有牛肉，豬肉，豬肉丸，雞絲以及雞翼等，其次湯底亦非常的特別以及濃郁，可以感覺到店家很有心思去熬製這個湯底，絕對不是外面只使用很多香料的湯底，吃完之後嘴上都還留有餘味，這58塊錢但是吃到飽肚的價錢，真真值得。 其次我就選擇我的最愛牛肉牛腩撈面，依舊選擇我跟朋友情有獨鍾的蛋麵，再加上小辣，味道濃郁的來又不會太乾身，免除了我選擇吃撈面一直以來的擔憂。員工還非常貼心的提示我們，一定要耐心攪拌均勻之後再吃，其中的牛腩非常讓人流連，軟身的來又不會讓人覺得油膩，而且烹煮的十分入味，牛肉丸也非常爽口，這個真的非常適合牛肉愛好者。最後點

有一段時間冇去銅鑼灣食嘢行過謝斐道見到有幾間新餐廳開左其中見到呢間船皇賣既係泰式船麵，好似幾特別咁，就諗住一於試下啦佢既麵食兩種食法 - 湯麵或者係撈麵而麵底有四種四種辣度加上四種餸既配搭仲有唔同既小食，應該點都搵到啲嘢啱口味今次叫左雞翼雞絲湯麵船皇撈麵泰仔奶茶食物味道方面，個人覺得湯麵比撈面好食可能因爲啲餸味道比較淡，同個濃味既湯一齊食比較可以刺激味蕾不過份量略少，就算係menu入面既大碗，女仔可能啱啱好，但男仔可能要加底先夠食奶茶有泰式奶茶既味道，不過如果同近期喺銅鑼灣開店既泰式奶茶店相比，佢既茶味就較少而比較重奶味店員雖然有啲粗魯但服務都ok如果鐘意食船麵既話都可以一試

泰國美食真係數極數唔完，掛住泰國又未去得住就決定係香港搵下有咩地道泰國野試下先🤣黎開銅鑼灣行街就發掘到呢間船麵專門店試下先！星期六既下午人多要等位係基本，好彩我地已經係下午茶時間去到就少d人潮！排左一陣就可以入去坐啦～餐牌簡單易睇，有好多配搭又有大細碗揀，如果叫細碗就可以試幾款唔同啦！我同朋友太餓啦就叫左咩都有既船皇湯面同船皇撈麵啦！有牛腩、牛肉片、牛肉丸、雞絲、雞翼、豬肉、豬肉丸同豬潤咁多野 岩曬我咩都想試既人啦！跟住仲跟餐叫左泰仔奶茶（凍）+$18而麵食仲有4款選擇！好正啊！我今次就叫左金邊粉黎試～叫完都要等一陣架，應該係即叫即煮 咁就保持新鮮啦！首先講下上面塊炸豬皮！好脆好香味好食啊！而牛丸同豬丸都係好彈牙！牛腩同雞翼夠哂滷水味！我食既係撈面，特別要讚下每條面已經撈勻哂每條都有汁架！平時食撈面好驚黎到仲要自己撈又撈唔勻！撈面既汁岩岩好 好味！而我都有痴下朋友個湯面食下，d湯唔似味精湯，好鮮味，忍唔住飲左幾啖啊！鐘意重口味仲可以自己加配料！另外再講下個奶茶，首先賣相好吸引啦，而飲落去都好滑好香茶味！又無冰唔會飲到後面無哂味！