食飯

Open Now

Now Closed

串燒咖哩湯好食，但呀婆鞋口霉雞肉毁所有🥵⋯⋯而且漏單錯單嚴重～・・・・・・・・・・・・・・・・・・・・🍜 泰北咖哩湯麵 HK$80・味道：一入口成個口腔充斥住好香甜微辣嘅咖哩同椰奶，蛋麵同雞髀吸晒啲湯底精華，惹味，好讚的人氣菜！・口感：面頭嘅炸麵脆卜卜。🥹耐何一大敗筆係，個雞髀真係好老，一絲絲會攝牙罅又霉嘅雞肉，好似浸咗喺個湯十幾年，個湯底幾好食都唔會想再食第二啖雞肉٩(ŏ﹏ŏ、)۶🍛 泰式雞肉香料飯 HK$80・味道：香料飯係油飯加炸蒜，唔係好食到其他香料味，但本身個飯底油香充足，好食嘅。雞肉蘸個酸辣汁好惹味香口，想像到嘅好食。・口感：雞肉同上，太老喇真係⋯⋯呀婆腳皮仲好過佢呀大佬，係會食到皺眉嘅老同霉肉🥴飯底偏濕。🐷 燒豬肉串 HK$78 👍🏻・味道：豬肉同肥肉相間，咬落滿滿油脂香。而且上咗層蜜糖燒，香甜微焦。辣汁可以中和油膩，同時味道夠辣夠刺激，兩款食法，一樣好食。・口感：燒到滿口油脂焦香，肉夠嫩滑，係想一啖接一啖嘅好食！🥭 芒果沙冰 HK$38・味道：腰芒香甜，係冰感較重。・口感：腰芒切太入，飲到好多芒果一絲絲嘅纖維。・・・・・・・・・・・・・・・・・・・・🤰性價比：中～🤰9衝

Kin Kao即係泰文「食飯」嘅意思，店內嘅裝修充滿泰國地道風味🇹🇭食物選擇好多，粉麵飯、沙律、飲品全部都係泰國地道美食👍🔎湯粉可以揀河粉/金邊粉/米粉/蛋麵 🥘泰北咖哩湯麵 $80湯底有十分濃稠，有好重嘅椰香味🤤咖哩味都好濃，但唔會辣👍仲有大大舊雞髀🍗好入味之餘，肉質都非常嫩滑😋一夾就拆到d肉出嚟配合埋粗身嘅蛋麵，有咬口亦都好掛湯🤩🌟 Lamlam脷指數 😋😋😋😋😋 (5/5)🍜泰國牛肉船河 $ 88湯底味道好濃郁，多種香料，但唔會過咸👍而牛肉份量都足夠配埋泰式嘅河粉，麵質爽口之餘都好滑🤩🌟 Lamlam脷指數 😋😋😋😋 (4/5)🥤青檸沙冰 $38味道正常，酸酸地好開胃，份量好足夠🌟 Lamlam脷指數 😋😋😋 (3/5)🌟整體評價: 食物好高質，推介食湯麵，湯底好濃郁，加埋好多香料，食到真正泰國嘅味道💯🌟 Encore指數 ⭐️⭐️⭐️⭐️⭐️ (5/5)

-{灣仔特色泰北菜🥘}嗰日原本諗住去書展點知太多人😂就轉戰去左食飯😂😂😂🤤泰北咖哩湯麵🤤($78)咖哩椰汁味好重😋而且個雞好大嚿食落好淋🥰而啲麵好彈又好掛湯😙成個麵好高質😛👖褲評: 8.3/10🤤泰式豬手飯🤤($78)啲汁有啲滷水味咁😆豬手都好淋😉點嗰個汁就酸酸地不過唔點好味啲🥳不過份量少啲 啲飯偏硬身 撈滷水汁好夾！👖褲評: 7.5/10🤤蟹肉奄列🤤($88)食左1/3都係得蛋🥲再食就發現啲蟹肉偏左一邊 之後蟹肉味都有但淡左啲 個醬係似甜醬咁😌👖褲評: 7/10🤤芒果糯米飯🤤($40)啲芒果好酸😅不過個飯暖暖地 食落好有咬口😇不過個芒果太酸🥲👖褲評: 5/10店員好似全部都係泰國人~裝修好地道feel☺️不過野食一般般 最推介係個咖哩湯麵😜同埋啲水有椰汁味 飲落有啲怪👀性價比: 7/10服務: 7.8/10環境: 7/10

平價正宗泰菜推介💁🏻‍♀️三人行食咗4樣主食加甜品都係每人$108真係好抵食 重要係好好食❗️唔使去泰麵排隊咁辛苦啦 仲要平好多🤑泰式船麵 Thai Boat Noodles | $68 (配飲品)船麵湯底極香濃 富層次的味道配料有豬肉片同豬肉丸非常出色地道的船麵 絕對不比samsen遜色重點係價錢平好多😏泰北咖哩湯麵 | $68 (配飲品)超有驚喜的湯麵 十分推介😍咖哩湯底較厚身掛麵一流咖哩味香濃充滿椰香 辣度偏低唔食辣的都絕對可以一試唯獨面頭的脆條沾腍了口感不太理想隻雞腿都淪為大配角 煮得好腍肉質較為鞋但味道搭夠好入味青木瓜沙律 Green Papaya salad | $60份量好多大大份 青木瓜絲好爽口醬汁酸甜帶輕微的辣 好開胃蟹肉奄列 Crab omelette | $88奄列火喉恰到好處 煎至金黃色 邊位脆外面香裡面有滿滿的蟹肉 再配個微辣的醬汁超好味芒果糯米飯 Mango sticky rice | $38芒果甜到呢 真係有泰國的水準糯米飯暖暖的 好軟糯上面仲有少少脆脆好正份量較細 真係可以一人叫一份🤣