Mee...lemongrass (Closed)

諗住去GU行下，見到旁邊有間食泰國菜的餐廳，價錢相宜，款式都幾多，所以我地之後黎左食晚餐先介紹小食吧! 豬頸肉同蝦餅都係我中意食既野，見到餐牌有，我同朋友當然點黎食啦～～ 蝦餅 $68 蝦餅一客有4件，size唔算太大，但熱辣辣新鮮炸起，口感脆口彈牙，蝦味濃，點上泰式醬更開胃～ 炭燒豬頸肉 $76 豬頸肉燒到外層微焦，肉質粉嫩，食起上黎唔算太肥，油膩感不太重。 炒金邊粉 $72 金邊粉炒到條條分明，唔會痴埋一舊～～ 金邊粉旁邊有青檸、花生碎、砂糖、辣椒碎可以自行調味，味道甜甜地，幾好食。 不過我認為旁邊既2隻蝦有D格格不入，如果換成蝦球會比較好。 甜品原先點了芒果糯米飯，但我地太飽了，改為千層糕～ 椰汁千層糕 $32 最中意食煙煙靭靭既野，原本想叫芒果糯米飯，但太飽了😝😝好彩呢個千層糕都唔差，斑蘭味幾重，但略嫌椰汁味太薄弱了🙈一客4件，都好抵食！😋 飲品我幾中意個紫米冰！ 泰國豆奶紫米冰 $38 飲品大大杯勁抵飲，2個人share就岩岩好，黑糯米同豆奶好夾，唔會過甜，而且有種似食糖水既感覺😝 餐牌:

又打八號波，但吾想係屋企食，落銅鑼灣睇下有咩食。諗住去皇室堡睇戲，順便見到呢間喇沙泰國菜好似係新開就試下啦。泰式蠔仔蛋 $82 ，不過圖片只供參考，圖中既蛋炒得好滑咁，係鮮黃色的，吸引到我叫。但實物係蛋炒得過老，啡啡地色，好在味道調得好，蠔仔都大大舊。香葉蝦仁米紙卷6件 $62 ，比想像中細舊，勝在皮薄餡豐富，味道開胃。炭燒豬頸肉 $76，豬頸肉夠肥美，肉質幾好，烤得剛好，肉邊脆脆的，仍保持肉汁👍🏼香芒椰汁糯米飯 $42，有四小舊芒果糯米飯，芒果夠甜，但糯米飯既質感麻麻🤔 吾夠煙靱。泰國豆奶紫米冰 $38 ，呢個好正呀！😍 吾止外表靚仔，仲要係我中意飲既豆奶, 配上紫米，好似飲緊紫米糖水咁🤤 可以兩個人share飲，好抵飲👍🏼好喜歡這個碗❤️

今日一個人行街見到呢間食店係食馬來西亞嘢想起好耐都冇認真食過馬拉菜，就被吸引左坐低進食佢在商場地庫角落，所以環境比較和寧靜，其實覓食既時間最好係中午飯和下午茶中間時段，因為有兩款餐牌俾你選擇但有時太多又好容易有選擇困難症，我到最後都係選左個招牌喇沙、一個小食和泰國飲品。MEE…喇沙，有豆卜、大蝦、蜆、蟹柳、魚蛋、魷魚、蛋、雞絲，喇沙送上來未食已經聞到陣陣椰香味首先試個湯，辣辣地、甜甜地，好濃好杰椰香豆卜索左個湯好嘢味，大蝦好爽魚蛋、魷魚好彈牙，蜆肉好鮮甜，原來一碗喇沙裏面係有米粉和麵一啖有兩種口感好難形容，而且有噤多配料配搭，真係回味無窮！無骨酸辣鳳爪沙律，望落裏見到好多隻鳳爪食落去酸酸味味少少辣，鳳爪真係少少骨都冇而且夠凍好彈牙爽口，越食越想食！泰國豆奶紫米冰，送上來見到佢既設計好有心思，另到飲既人都開心而且適合喜歡拍照既人post相呃like和懶人唔使用手去倒豆奶，因為飲到去某個位，豆奶會自動倒出，好方便講返呢杯飲品其實除左睇得，個豆奶味道都好濃而且加埋杯內既紫米煙煙靭靭，真係perfect match今餐真係捧著肚走

今天在銅鑼灣皇室堡附近做野，銅鑼灣中午時段人山人海要搵個位都難，幸好較早時段沒有book位也搵到兩個位✌🏻這間"Mee... lemongrass"位置方便，午餐還有很多選擇，一於入去試一試。Mee... 喇沙，大蝦，蛽肉，蟹枊，魚蛋，豆卜，雞蛋- 料頭豐富十足每樣兩件，椰汁味香濃，米粉加油麵把濃濃的湯汁沾滿，實在一絕！海鮮也十分新鮮。招牌無骨海南雞飯 - 油飯顏色不是撈得很均勻，海南雞肥瘦適中，肉質嫩滑，酸蘿蔔絲爽脆醒胃，湯是用雞煮的湯很清甜。沙律是用柚子做微微辣，酸酸甜甜很開胃泰國豆奶紫米冰 - 泰國豆奶較厚身，甜味適中，紫米柔軟👍🏻Mee...魔法梳打 - 藍碟花加檸檬汁馬上變色就像魔法一樣，又有得玩又有得視覺享受