杏甜品 (豉油街) (Closed)

食完飯想食甜品其實都去過佢尖沙咀果間，今次係旺角見到佢開分店 開心 😃都係咁鬼多人，但唔算排得耐，reception/ staff 都好nice 係你排隊果陣會介紹佢哋既menu 入座嗌左 泰國金標龍眼爽冰！好好味 好香龍眼味同埋啲甜係來自龍眼果隻甜，總之唔會甜死人啦😂仲有嗌左個呂宋芒爽冰 滿意滿意

二訪人氣甜品店Almond dessert之前食過尖沙咀店已經一試愛上😍近日於旺角開設新分店，當然要嚟試下新推出的港式糖水新品仲有多個新賬優惠添🈹🔸招牌杏汁波波爽冰木蓮凍 ✨大大碗的木蓮凍製作🥣需經過多重功夫，當中包括隔渣、火候控制及不時攪拌。師傅對於木蓮籽及水的比例亦控制得宜，令成品口感滑溜，比起仙草有過之而無不及🤤✨配上果味香濃的自選芒果🥭密瓜🍈雙拼無添加鮮果爽冰、口感煙韌4️⃣色小芋圓、爆珠口感的青鑽、招牌香滑的杏汁，食落層次感十足😋✨爲了讓低調內斂的木蓮凍成爲主角，以及配搭的甜品可以相輔相成，配方亦加入仙人草既清涼甘味，做到解渴和降火的功效😚🔸泰國金標龍眼爽冰 每碗用上接近30粒龍眼肉用心製作，真材實料，味道香濃，質感就像沙冰🍧加入椰果及水晶球，口感更加豐富，食落感覺清新健康，亦滿足晒味蕾嘅層次享受😆🔸楊枝甘露小丸子吸吸 經典的楊枝甘露以酸甜的芒果🥭配上Q彈的西米露、金柚，及煙韌的小丸子，層次分明多變👅口感滑潤清涼。雖然飲品有提供飲管，但成杯飲品内芒果肉同小丸子都絕不吝嗇，建議用🥄匙羹𢳂來食會更開心。

夜媽媽想食糖水發現旺角都唔係好多選擇，附近好多都好多人，見呢間分店新開就黎試吓啦 之前喺尖沙咀都見到呢間店，但好多人就冇等到。店面堂食座位唔算好多，座位間都比較擠擁。去到咁岩滿哂，要等一張枱先入得。喺門口睇緊menu時，店員都好用心推介有咩好食。不過可能新開張同我地太夜去到，好多野都賣哂啦 好好彩叫到最後一個椰皇揀左湯圓椰皇，湯圓都有幾種味揀，+$10可以雙拼。我本身揀左花生湯圓，不過可能店員聽錯，比咗芝麻湯圓。不過芝麻湯圓都好味，係食到粒粒芝麻texture同芝麻香，味道唔會太甜，湯圓皮煙韌唔會太淋易散雙皮奶都好滑溜，好香奶味，連埋椰皇一齊食清清地好好食龍眼冰好似以前聰少/聰嫂甜品果個，係有椰果、西米同龍眼冰。西米係爽口彈牙咁，好正 龍眼冰好濃郁龍眼味，一試就知足料