Milu Thai มิลู่ไทย (百樂中心)

Open Now

Now Closed

咖喱3重奏 （配蒜蓉包粒） $218好有特色，有齊紅青黃三色咖哩，每款咖喱配合唔同嘅海鮮；每款咖喱都好香濃，海鮮有青口，好彈牙嘅大蝦，扇貝，炸魚柳，炸軟殼蟹，魷魚等等，所有海鮮都好新鮮，份量又多；仲配埋超鬆軟超香嘅嘅蒜蓉麵包粒，點咖喱汁超好味💯柚子鮮蝦沙律 $98料勁多，除正常材料仲加埋新鮮椰子條，魚露汁醬酸甜度剛剛好🉐泰式串燒半打 $108泰式串燒點咗半打，仲可以雞牛豬每樣2串，讚👍🏻，燒得夠焦香，仲要超大串😋蟹肉煎蛋 $118呢個超好食，煎蛋裏面好濕潤好滑，裏面仲有大大嚿嘅蟹肉💯飛天椰菜苗 $98唔算好辣，都唔算好油青檸梳打/柚子梳打 $34銅鑼灣呢間泰國餐廳，雖然唔係好fancy嘅高級泰菜，但係泰菜好正宗好高質，餐廳環境燈光柔和，坐得舒服。店員超友善，上菜速度快，價錢又唔貴💯性價比高嘅餐廳💯

生蝦刺身 乾爽甘甜嘅鮮蝦配上辣椒蒜頭及泰式酸辣青汁，醒胃非常！特別鍾意個泰式酸辣青汁，淡淡香茅味及魚露都十分惹味！蒜蓉牛油雞翼脆炸蒜蓉粒粒加上牛油煎香嘅雞翼，雞皮香脆，雞肉嫩滑多汁，完全無乾爭爭嘅感覺！泰式串燒（半打）點選了豬、牛、雞肉各二，各類肉質不錯又有份量，醃料味道恰到好處，燒烤有香口炭邊，而醬汁方面，香滑又有甜甜的花生味，絕對令串燒更惹味！青檸酸辣明爐烏頭熱辣辣明爐送上，keep住溫度！烏頭魚肉鮮嫩，油份高所以配以酸辣汁就可以減膩！另外酸菜及野菌都吸收了上湯及烏頭嘅精華，勁入味，而我真係好鍾意個魚鮮酸甜湯底 ！泰式蛋包炒金邊粉有擺盤嘅金邊粉，蛋花包起好整齊加上炸大蝦及香茅！金邊粉偏向厚身，沒有很彈牙的感覺，但醬汁惹味加上即炒製作，所以相當有鑊氣！而且非常之足料又大份！龍眼冰有超多龍眼肉，入口清甜，非常推介！

位於銅鑼灣嘅Milu Thai都有唔少人分享，顧名思義餐廳主打泰國菜。平日夜晚嚟到都係full house的，相信唔少人都係比佢招牌火山排骨吸引😻 Milu Thai小食種類都頗多，建議大家多人share可以食多啲！-🎈火山排骨 ($208)以佢份量嚟講性價比真係幾高，有兩塊大排骨，底下仲隱藏左幾塊細排骨。堆埋一齊造成一個小山真係超有睇頭，size大過塊面😹 而且肉質十分嫩滑，煮到好腍啊~ 餐廳仲好貼心咁提供左手套比你，因為大到係無可能優雅咁用刀叉食💁‍♀️ 排骨加上泰式酸辣汁真係超惹味~ 係店内必點的item🉐-🎈生蝦刺身 ($98)一份有6隻蝦，每一隻都跟一塊蒜片同辣椒，有齊生蝦刺身嘅標配。同樣地用咗泰式酸辣汁，係開胃嘅好選擇。-🎈青咖喱軟殼蟹 ($158)呢一份青咖喱係一鍋上的，下面有蠟燭保持溫度，另外有4件蒜蓉包。蒜蓉包好食嘅程度係我會覺得仲好食過main course嘅軟殼蟹，因為真係超香脆蒜蓉味好重！軟殼蟹份量都唔少，蒜蓉包點埋咖喱一齊食係perfect match~-🎈泰式串燒半打 ($98)半打可以自選豬、牛、雞，我哋就要左每樣各兩串~ 串燒最中意就係個沙嗲醬，有花生味先

👍🏻環境:好工業風設計，牆身有很多塗鴉藝術，座位舒服，但枱與枱較密集。👌🏻服務:服務普通，侍應不主動，邊食邊在隔離掃地，有潔癖者要注意。[👍🏻生蝦刺身$98]賣相一流，打卡必叫，因碟放咗乾冰，上菜時會噴煙，成件事很夢幻，生蝦新鮮肥大，配上泰式酸辣汁辣到好過癮。[👌🏻泰式串燒半打$88]有牛豬雞各二串，但燒得不野味，好普通既串燒，會配沙嗲汁。[👌🏻蒜蓉牛油雞翼$68]好香口，但蒜蓉牛油味不出，似炸雞翼多些。[👎🏻炸蝦餅$78]中伏！食唔到有煆味，好似食梗炸麵粉。[👎🏻生菜肉碎包$88]肉碎得一個字辣，少辣般，份量又少，不值得試。打卡可以叫生蝦刺身同燒春雞，其他小食就不必試了！

今晚舊同學聚會, 揀左銅鑼灣樓上食肆集中地既百樂中心食泰菜。當晚係平日晚, 餐廳內已經坐滿8成食客, 地方整潔, 唔算太迫。雖然係銅鑼灣地段, 但價錢方面其實同九龍城既泰菜差不多~其中餐廳推介有呢款【咖哩三重奏】HK$198食泰菜當然少不了食咖哩, 一個價錢可以食到三款唔同既咖哩, 於是就order一試!整個鍋上檯, 有一小火爐興住, 慢慢食, 都唔怕咖哩凍左, 而且還配蒜蓉包粒, 脆脆的, 好似芝士火鍋咁, 可以點咖哩食, 蒜蓉包粒食到最後都冇變林, 正!青咖哩內放了一隻炸軟殼蟹, 點上咖哩還帶微微脆口, 青咖哩帶少少辣, 愈食愈開胃! 相比三款咖哩, 味道最重放著扇貝的是甜咖哩, 扇貝唔太大粒, 但味道鮮甜; 仲有炸龍利柳, 炸皮索左甜咖哩, 皮已經唔脆, 不過索左D咖哩汁, 非常入味, 魚柳很林很滑。至於另一款咖哩味道較淡, 有青口、鮮魷同埋蝦, 鮮魷很爽口, 但嫌蝦不太新鮮, 肉質不爽海鮮份量唔多, 兩個人食都可以KO!【小食拼盤】HK$148本意為小食拼盤細細份, 上檯時份量已令人嚇左嚇。有春卷、蝦餅、魚餅、香葉雞同埋大量蝦片~ 炸物表面不油膩, 很脆口, 香葉雞香口嫩滑;

跟久沒會面的友人晚餐，是要吃得豐富一點。我選了在銅鑼灣的泰菜，它位於餐廳林立的百樂中心。因為未夠七點就到達，我兩也可坐廂座呢！這個是新菜式，看到就知必點其他種類的選擇都很多，價錢算是便宜，看著看著都點了很多！泰菜必吃一定是串燒吧！叫了半打，牛豬羊各兩串，肉量甚多，全都烤得juicy肉質又軟，加上濃花生香的沙嗲醬，兩個字，超正蒜香牛油雞翼應是越南菜式？牛油味不算重，但蒜和雞翼本身都十分香脆，仍然是超邪惡！重頭戲是這份咖喱三重奏，青黃紅咖喱俱全，鍋內放滿不同種類的豐富海鮮，還有燭火燙著，視覺效果相當震撼啊！扇貝、青口、軟殼蟹、魷魚、龍脷魚塊、大蝦等等每款都超過兩件，全部都啖啖肉好足料咖喱用香脆麵包粒點著吃就最好~青咖喱質感較為液體狀，有頗重香茅的味道，感覺清新，微微辣；紅咖喱入口帶甜味，椰奶的味道香濃又creamy，至於黃咖喱是最濃稠，最香口的一款，既鹹香，後段也有甜味。三款各有特色，都好吃炒通菜當然是選馬拉盞！就是喜歡它的味道濃郁鹹香，通菜又爽口這個泰式金邊粉用了蛋包方式呈現，要將蛋皮弄成這樣還保持完整，好高難度啊！這樣的賣相新奇又精緻。上面的炸蝦甜甜的~炒金邊粉要趁熱吃才是最好的，有茄