Lost in Thai (Closed)

太子其實係美食寶藏，有好多未被發掘嘅隱世小店🧚🏻‍♂️今日就帶大家試吓呢間新開嘅Lost in Thai🇨🇷，睇吓有冇泰國feel先🥥環境：7.5/10唔講以為係一間Cafe，裝修走牛油果綠小清新路線，舖頭入邊亦都有唔少植物🪴絕對係街邊太多人與車嘅清泉😂食物：7/101️⃣蝦球柚子菠蘿沙律 $78好refreshing嘅前菜，蝦🦐新鮮爽口，柚子菠蘿好juicy，個人覺得用新鮮菠蘿仲正🍍😍2️⃣特色咖喱燴海鮮農夫包 $198睇得食得冇得輸，個咖哩係偏甜嘅泰咖哩，點埋農夫包食好邪惡😈海鮮方面有青口，魷魚，蝦，2個人份量超滿足😍3️⃣泰式炒金邊粉 $78🌟必食推介，呢到嘅金邊粉個醬調得好，炒得乾身，好食過多地方🤩4️⃣泰式奶茶 $35 （熊仔冰+$4)正常發揮，少女心爆棚嘅丁丁當然要加返粒熊仔冰打啦💰性價比：8/10人均$250左右，小店價錢就係平靚正，overall絕對跑贏連鎖泰菜😍

前排經過太子見到呢間泰式餐廳門口好靚 唔知係咪新開 就想試吓 點知已經full house 今次book定位再嚟😈店舖內內外外都好有小清新感覺 以藤木為主 再配以綠色植物裝飾假窗 好似去咗叢林用餐咁🌴🐟酥炸泰式香料鱸魚 💰178餐廳嘅食物選擇非常多 樣樣都想食 店員可能見我太迷茫就介紹吓餐牌 推薦呢個新出嘅鱸魚🐟原本以為佢會好似平時烤魚咁原條上 嚟到先知原來係起晒粒粒魚肉咁去炸 配搭泰式醬汁同蔥等香料 食落酸酸甜甜好好味 食晒啲酥炸魚粒仲會見到條被削去肉嘅魚身 果然原條魚 好足料☺️🍞特式咖喱燴海鮮農夫包 💰198農夫包好軟熟 超吸咖喱汁 咖喱香濃唔辣 超多咖喱汁唔怕唔夠蘸包 海鮮方面有蝦、青口、魷魚 海鮮份量唔多但幾好味 淨化食包已經好夠飽 🥠炸芝士蝦餅 💰88一向都鍾意食泰式蝦餅 但咁大件嘅、加咗芝士嘅 真係第一次食😆熱辣辣炸起 切開係滿滿嘅芝士 仲做到拉絲效果 咸咸哋但唔會好漏 鍾意蝦餅嘅要試試🥰🥭芒果糯米飯 💰52芒果睇落唔係好黃 但食落好香又幾甜 糯米飯都好煙韌 小小哋一人幾啖做飯後甜品唔錯🍹泰式奶茶 💰32+3加$3轉熊仔冰🐻飲品用個碗裝住好特別 熊仔浸浴咁超得意 冰係茶

餐廳有室外室內位置，不過呢啲咁熱的天氣緊係坐入面，室內仲有間房可以book，幾岩成班朋友gathering 食飯，另外室外位置都幾靚，可以打下卡～虎蝦冬陰功湯（辣）冬陰功湯份量剛剛好，大概二人份量，辣度屬於bb辣，湯料都幾足，有大大隻虎蝦再加其他菇類，火山骨食過咁多次泰國菜，都未試過呢款菜式，有哂造型，由排骨疊到高一高，成座山咁，放左芫茜、香茅、魚露、青檸、辣椒等等泰式材料，味道都唔錯，辣度都幾辣，但辣得又幾過癮，酸酸辣辣，令人不停咁想食～～泰式奶茶賣相好可愛，放左隻熊仔冰係杯入面，熊仔冰可以慢慢溶，保持住成杯凍冰冰，而味道又唔會淡左，甜度適中！