新泰東南亞餐廳 (Closed)

同男友媽媽提前食母親節飯 男友搵餐廳食姨姨最中意既泰菜特登走到灣仔食泰菜 話呢間評分高一定好食.男友貫徹一貫大食王既行徑 瘋狂叫左成檯野食 唔好嚇親.小食拼盤（蝦餅、魚餅、春卷、肉碎生菜包）蝦餅有蝦味 魚餅有魚味又彈牙 春卷惹味你估食X有X味咁易？好多咬落去得粉味咋😂蒜蓉炒貴妃苗又幾入味 但係當晚其他餸實在太精彩 呢碟食剩好多串燒雞肉不得了 燒得個邊又焦焦地 咬落去肉汁又多 沙爹醬好食 錦上添花菠蘿炒飯蝦球粒粒大粒無欺場 彈牙爽口 粒粒飯炒到分明 提子乾又多 好味冬蔭魚湯呢煲湯比一般冬蔭功淡 因為有條魚一齊煲 多左浸魚既甜味 一路飲住冬蔭功湯啖啖魚肉 人生一大享受醃無骨鳳爪沙律無出面既咁辣 比出面凍 爽口彈牙好多香芒牛油果軟殻蟹春卷芒果加春卷都算正常 加埋牛油果同軟殻蟹成件事fushion晒紙卷薄得黎又實 咬落唔散 好食泰式柚子蝦沙律大大舊柚子啖啖肉 仲有魷魚 辣辣地 一流椰青最後成千幾埋單 係好貴 但係好食乜都抵💕

前陣子去完泰國旅遊，回來好一陣子都不想吃泰國菜了。現在過了那倦怠期，外出吃飯就選了一家泰國菜。店面挺大的，裝修也很有泰國味。還有芭堤雅沙灘風情的卡位，不過我們來晚了，沒坐上。泰式柚子蝦沙律（$98）味道酸酸的，柚子肉很大塊，量也很足。蝦子大概有五六隻吧，也爽口，整體很開胃。燒生蠔（$108）蠔還是挺大隻的，表面是芝士，中間是蒜頭，下面的蠔肉。蒜香是永遠不會錯的選擇，蠔肉不會乾，不老。雖然蒜蓉味很濃，但還是能吃到蠔的味道。越式燒春雞釀香茅黃飯（$168）除了春雞黃飯，還配了一小堆沙律，有貴妃苗，媽媽挺喜歡這個沙律的，很解膩。春雞裡面塞滿了飯，雞肉還算滑，粉粉嫩嫩的，黃飯香茅味足，飯偏軟。店員還很貼心幫我們把雞分成四份。

輪到J小姐生日月，佢上個月先去完泰國，問佢生日想食乜，佢話好難忘記泰國嘢，所以要食泰國菜，kk太介紹就話去呢間……到達前睇下食評評價不錯……我地比預約時間早到半個鐘，這裡地方不錯，卡位四個人坐都闊落，因為條街太熱，早一點到叫杯嘢飲，佢地飲椰青、沙冰，我叫了香茅茶試下，好香香茅味，如果加少許蜂蜜，應該更加美味……我地先叫了四款前菜~蛹蝦、青木瓜沙律、柚子蝦沙律、魚餅蝦餅春卷拼盤，呢幾樣賣相都好靚，亦都幾好味，尤其柚子蝦沙律，酸味味，食倒“舊舊”柚子肉，吾錯吾錯，魚餅蝦餅熱熱的，香脆好味，但春卷就硬咗啲，卷蛹蝦的脆脆，脆卜卜好好食……淨係食前菜已經飽了一半，之後叫主菜~蜜糖豬肋骨、泰式炒蝦金邊粉及炒菜苗，個豬肋骨味道都好味，不過就冇乜肉食，金邊粉就麻麻地，冇乜味，蒜蓉炒菜苗我好鍾意，覺得好食……最後，點個咗甜品拼盤，真的睇得又食得，有椰汁黑、白糯米飯，熱熱的，淋上椰漿真係好好味，還有黃色綠色椰汁糕，煙煙靭靭，好好食，有一款綠豆椰汁糕是凍的，有椰絲似大菜糕質感、椰汁西米糕也不錯……這裡環境不錯，服務都ok，食物品質也不錯，這樣開開心心又過了一晚……

雖然今日返風凍左, 吾揀打邊邊, 去食東南亞泰國菜都幾溫暖!先黎牛油雞翼$68有大量洋蔥, 及炸蒜鋪面, 上菜時就牛油味樸鼻而上, 但入口就冇牛油味, 反而炸蒜和微辣, 帶出來有點似避風塘烹調方式, 都好惹味！再黎串燒(雞牛豬各2串)$88 燒得恰到好處的串燒配沙嗲醬, 肉脆多汁, 沙嗲醬有點椰香味, 認真夠泰式風味~泰式柚子蝦沙津$98有大蝦, 魷魚, 腰果, 紅蔥頭, 蝦乾仔,配上調配過既柚子醬汁, 微辣帶甜, 很開胃的菜色。日本南瓜焗海鮮飯168原隻日本南瓜雕空, 加蝦, 青口, 魷魚, 南瓜粒, 飯粒掛上淡橙色汁, 應用南瓜蓉及椰奶炒過, 很香椰味! 加上面頭少少芝士焗到香噴噴！

帳幕座位很有特色，很有私人空間，座位加了攬枕，同朋友來輕鬆傾一晚都得。餐廳除了有泰國茶，更有東南亞地區的菜式，味道幾濃重又帶香料味。串燒（雞、牛、豬）$88，我地揀左每款各兩串。雞肉及豬肉都較嫩淋，燒得唔乾仲有點肉汁。雞肉有彈性，豬肉唔鞋。沙嗲醬汁味道調得好，香濃惹味，微辣易接受，仲多份香料味。牛肉較有趙口，也乾身點，但肉味重，也很夾沙嗲醬味道。每串都有3-4舊肉，份量頗多。泰式柚子蝦沙律 $98，同樣大大份好足料。有大蝦、魷魚、柚子肉、蝦仔乾、乾蔥、腰果、辣椒及香料，味道豐富有層次，甜味偏重帶辛辣，咸味輕輕，雖然越食越辣，但辣味快散去，加上柚子肉多汁又清爽，令海鮮更好味。冬陰雞煲 $168，都有5-6碗，仲有火爐熱住上菜，慢慢食都唔怕個湯變凍。雞件多肉又嫩滑，好夠香茅味，而且頗酸又夠辣，的確味道濃重又刺激，滋味得唔想停口，而且香料用很多，很有泰國口味。

又到灣仔食飯，唔知啲乜野好？當時上Openrice研究下啦！係相片睇到有帳篷既卡位好特別，於是我就打電話訂位，我同服務員講想坐卡位，但被拒絕了！原因帳篷卡位係比4位客人坐，所以冇希望了！不過都唔緊要，上到去，座位相距都幾寬敞，傾下密計都唔容易比隔離聽到，私隱度都幾好。但估唔到平日都咁多人食，坐滿有7成人啊！【香芒軟殼蟹米紙卷】米紙軟綿包住蔬菜軟殼蟹，食落感覺好清新，一啲都唔覺膩，食多幾件都唔覺劑，幾好。【泰式柚子沙律】好多柚子，仲有腰果，甜甜酸酸味道，好開胃，作為前菜，打開個胃口先！【串燒沙爹】 $78/6串（豬、牛、雞）每一串都幾大串，肉質淋，入味，沙爹醬都惹味，就係醬汁較少，唔夠用！呢個價錢都算抵。【麵包焗咖哩軟殼蟹】側邊麵是偏硬身，點咖哩醬食用，軟殼蟹件數都多，起碼有6～7件，咖哩汁唔辣，重椰汁味，較結身，比較難點麵包食。【蒜蓉炒貴妃苗】貴妃苗食落都幾幼嫰，不過有少少草青味，大至上都OK。【紅豆冰/椰青】（$32/40）紅豆冰OK，椰青價錢算平，可能我吩咐要多椰肉，所以椰青比較老，椰青汁唔夠清甜，不過都可以。2個人食左$633