金坊泰國美食

Open Now

Now Closed

金坊既下午茶簡直係糧尾救星，叫左成枱野食先百令蚊！跟茶餐送既黃咖喱配蒜蓉包 + 青咖喱配印度薄餅 — 兩款都好好食 蒜蓉包又香又脆；薄餅外酥內煙韌，配埋咖喱汁好正！主食叫左冬陰功豬頸肉扎肉湯河 — 除咗有份量頗多既豬頸肉同札肉，配料仲有秀珍菇。河粉好滑，而個冬蔭公湯酸酸辣辣 又好香蕃茄味，充滿泰國風情～另外叫左泰式肥牛遊船湯米粉，呢個比較濃藥材味，可能唔係個個人都接受到，我就覺得輕手啲會再好食啲～重點黎啦～原來金坊係可以半價加小食，真係超級無敵抵食，喪叫都唔肉赤！碎肉生菜包（細）半價左只係$9，但份量都唔算少，起碼都包到4-5舊，而且味道都好好味！香茅雞翼$4有兩隻！酥脆好食，真係好良心價，自己煮仲貴另外叫左泰式炒通菜$14，真係食過最抵既炒菜😭 好爽嫩惹味，性價比一百分另外大大杯港式凍奶茶都係+$2，茶同奶既比例好好，係好飲既奶茶🥹兩個人叫到成枱餸先$115，大家經過荃灣不妨試吓

即興的嚟到荃灣，經過呢度又即興的進入試試。食個陣係下午4點左右，下午茶時段所以啲菜式都有個優惠價錢，而我又好鍾意飲冬蔭公湯，每到泰國餐廳我都必定會叫嚟飲，亦好想試盡所有冬蔭公！海南雞飯亦係必食之選。每間餐廳都有啲野係最拿手，任何餐廳都會有，而呢間泰國餐廳就一定係個醬汁，因為佢個醬汁係非常出色！任何菜式都係！我叫咗沙律、湯、飯、菜，都感覺到佢地啲醬汁係非常入味，非常好味！啲醬汁咁好食，也建議四個人去食會比較好，因為好想試多啲佢唔同嘅菜式，下次都一定會再去再試！！非常值得推薦！！

有事來荃灣，隨便吃了這裏的下午茶時間套餐。食物基本上味道偏鹹、簡單，但是價錢優惠。我們點了：「冬蔭公豬頸肉扎肉河粉」：偏酸跟鹹，豬頸肉跟扎肉普通，但是很大一碗「香葉肉碎蛋飯」：少辣，偏鹹。份量多「泰式炒通菜」： 辣辣的，炒得不錯「炸雞中翼」：脆口、味道好