泰爸爸

Open Now

Now Closed

呢間泰國餐廳🇹🇭嘅價格以係奧海城來講算抵食，價錢比出面泰菜平，但絕對真材實料，由泰國人主理，侍應都係泰國人，服務態度非常好。餐廳有分室內同露天座位，露天都好Chill下。兩個人叫咗一餸一菜一飯，食到勁飽好滿足。💜鮮菠蘿海鮮炒飯 $98 （🌕🌕🌕🌕🌕/5）勁足料有蝦、魷魚、青口、鮮菠蘿，用料新鮮，配料仲有肉鬆、腰果、提子乾、臘肉，多種材料夾埋口感豐富，而且份量超多，CP值極高。💜泰式黃咖喱薯仔雞 $88（配泰式薄餅$45）（🌕🌕🌕🌕🌕/5）黃咖哩香味濃郁，椰香同香料味幾出，帶小辣。雞肉同配菜足料，雞肉肉質鮮嫩，薯仔同洋蔥等配菜都入好味，叫左一份泰式薄餅配咖喱，薄餅香脆同埋有8小塊，薄餅索滿咖哩汁超好味😋💜泰式炒通菜 $72 （🌕🌕🌕🌕/5）炒得好有鑊氣，但唔會太腍，炒得爽脆剛剛好。小辣得黎好香口，夠哂惹味。🍴整體評價：✅性價比高✅高質泰菜✅服務態度好✅適合情侶👩‍❤️‍👨閨密👯‍♀️大伙兒👨‍👩‍👧‍👦💰人均消費：$150

同朋友去奧海城行街，見到霓虹燈以為酒吧，原來係食泰菜，價錢比出邊平少少，好在佢有室內亦有室外，室外好有feel，啱晒一大班慶祝或者食生日飯。由於係室外，食食吓都見到好多有帶寵物嘅都唔驚平時唔可以入商場餐廳，都可以係室外享用，寵物就可以喺度陪主人🥰泰式炒通菜 好新鮮好爽，唔會炒到林哂，加埋啲惹味蝦醬蒜蓉，正！👍🏻泰式生蝦刺身呢個必點菜式，生蝦爽口，加埋生蒜頭，蘸埋佢獨有青辣椒醬，真係會一口接一口🥰泰式煎蠔餅呢個平時我大排檔都會嗌，不過佢呢度多咗泰式辣椒醬，蠔餅又脆又飽肚，啲蠔仔雖然係細size，但好飽滿，呢個蠔餅都用幾多油去煎，但其實佢個底有啲芽菜，一齊食感覺中和左，就冇咁油膩了。咖哩軟殼蟹+ 泰式薄餅我最鍾意食，唔使剝殼就咁食！咖喱用咗好多料，又充滿椰香味，份量都幾多，另外軟殼蟹又有炸過，最後都嗌左份薄餅去蘸，每一口都食到香濃醬汁，非常搭配，好滿足啊！芒果沙冰+ 原個鮮椰青芒果沙冰略嫌太清，可能我鍾意重口味。椰青就唔錯，啲肉最後又可以筆嚟食埋👍🏻

又一個朋友要離開香港🙁離別前夕約佢去奧海城食晚餐，都唔知下次幾時可以再相聚了餐廳可以揀坐室內/室外位，室外感覺好chill，頗有旅行度假感覺不過我地都想嘆冷氣就無坐出去喇<冬陰功海鮮湯> (小) $88冬陰功湯好夠熱，湯底酸辣，由於有海鮮的關係令湯頭更帶有一分鮮甜，海鮮配料包括蝦﹑雜菇及車厘茄等，爽口彈牙，份量可以兩至三人分享<泰式炒通菜> $72炒通菜夠鑊氣，翠綠吸睛，爽脆之餘帶點微辣。真喺好鍾意食泰式炒通菜，調味同平時食開既好唔同<泰式香茅燒雞（半隻）> $98雖然只喺點咗半隻泰式香茅燒雞，但上碟時個份量多到嚇親😂燒雞外皮烤得香脆，肉質出乎意料的嫩滑juicy，燒雞跟咗兩個醬汁，除了常見既泰式甜辣醬，仲有個偏酸辣的醬汁，推介酸辣醬汁，同燒雞更夾！

奧海城有唔少餐廳, 我同男朋友都好鍾意食泰菜, 上網見到三期底下而間泰爸爸種類多, 價錢合理, 就一於試下。餐廳有室內同室外座位, 見到唔少人都有選擇坐室外, 感覺都幾chill, 有養寵物既朋友應該都可以選擇坐室外, 不過當晚實在太熱, 所以都係揀左室內。香芒軟殼蟹米紙卷 $82有8件, 都好大件, 芒果香甜, 蔬菜都爽脆, 但好可惜主角軟殼蟹存在感十分低, 冇咩味道, 皮都有少少厚, 唔算太好食。泰式炒通菜 $72男朋友最愛, 好食, 唔會太辣, 軟硬適中。泰式青咖哩雞 $88雞既雪味有啲重, 青咖哩夠香, 配菜泰國茄子唔好食。原個鮮椰青 $33新鮮,清甜, 都幾大個, 飲得滿足, 椰肉爽甜椰汁沙冰 $30正常, 唔會太水白飯 $12青咖哩配飯一流

聽聞餐廳由泰國人主理，一於試下係咪有泰國風味先。天氣涼涼地，本身想坐室外，不過落雨，雖然有野遮頭，但感覺無咁爽，都係坐入面。常見泰國菜都有，價錢合理。樣樣小食都想試，一於黎個泰式拼盤，有炸蝦餅、炸魚餅、春卷、串燒雞各兩件，配埋甜辣醬（上）、沙嗲醬（中）、甜酸醬（下），店員建議蝦餅可點甜辣醬，魚餅就點甜酸醬，其他餐廳通常得一款甜辣醬，呢度就較講究。三款炸物大大件，香脆唔油膩，而串燒雞好嫩滑，唔柴皮，全部都好食。食通菜最怕就係炒到腍晒，好彩呢碟夠鑊氣，鹹香爽脆。燒雞表面燒得剛好，皮香肉嫩，有肉汁，雖然香茅味唔突出，但配埋酸辣汁夠晒惹味。金邊粉賣相幾靚，又大碟，蝦雖然得三隻唔算大隻，但金邊粉先係主角，味道同泰國食到ge差唔多，每條粉都岩岩好掛到汁唔會過多，夠乾身，正啊。茶香夠，唔會甜到漏，平衡得唔錯。好清新，椰香夠濃，又唔會死甜。

今晚同個朋友出咗奧海城果邊，原本都唔係好諗到食咩，但見到有間地舖食泰嘢嘅「泰爸爸」，就決定食佢～🛶泰式拼盤 $138拼盤包括咗炸蝦餅、炸魚餅、春卷同埋串燒雞。多人嚟食時好啱揀呢個拼盤做小食～佢份量都算多。蝦餅同春卷正常發揮嘅好食！炸魚餅我好耐無食過，點埋個甜甜辣辣嘅醬👍🏻而串燒雞肉好嫩，就咁食已經好正！連埋個甜甜地嘅沙嗲醬更加無得彈！鮮蝦炒金邊粉 $88食得泰嘢好多時都會叫返個炒金邊粉，而呢個金邊粉好足料！好多蝦～🦐🦐🦐泰式香茅燒雞（半隻） $98香茅燒雞肉質好juicy！唔會韌，而個醬汁都係微微辣。泰式炒通菜 $72食得多肉就點返碟菜，味道唔錯！通菜好入味，辣辣地，係油咗少少～最後再點咗兩杯嘢飲。椰汁沙冰 $30平時嘅椰汁沙冰多數都會好甜，但呢杯相對地唔會好甜，反而變得有清甜嘅感覺！值得推介！泰式凍奶茶 $28呢度環境同食物質素都好ok，有機會都要再嚟食過！