旺泰特食

Open Now

Now Closed

一班人去西貢入camp前，點都要食返餐好嘅😋 我哋去咗碼頭附近食街嗰邊食巷仔泰國菜，叫咗好多嘢每人都只係百幾蚊！價錢合理之餘，啲嘢都算唔錯🤤🧆#泰式拼盤：有串燒春卷魚餅蝦餅，蝦餅幾好食😀👍🏻🍢#沙嗲串燒：有豬牛雞3款肉類揀，我哋3樣都有揀；正常發揮。🐔#海南雞：叫咗半隻都夠食😛 值得一讚嘅係廚師嘅刀功，我夾嗰舊大得嚟好似雕花咁😹🤭🍝#泰式炒金邊粉：味道唔錯，但略嫌餸多過粉，我想夾多啲粉都冇🙂‍↕️🍍#菠蘿炒飯：味道還好。本身FF係用菠蘿載住啲炒飯，結果唔係🤣🌮#泰地道生菜包：我哋都覺得幾好食，不過如果好似我呢啲唔鍾意綠色配料嘅人，就可能要考慮係唔係要開啟偏食mode 😹🥬#脆肉炒芥蘭：幾好食但係好細碟🥹 脆肉就有啲似叉燒🤭整體嚟講味道係唔差嘅。另外仲叫咗好多其他嘢同有啲冇影相，例如：冬蔭功、豬頸肉、雞炒河、芒果糯米飯⋯⋯呢啲都幾好食。今次冇食到青咖喱，如果下次再嚟嘅話會連其他想食嘅嘢試吓😉

一家人6大3小原本book了西貢划獨木舟🚢，因為打風關係暫停。但見到仍然天氣晴朗，無謂嘥咗日假期，於是仍然約往西貢四週圍行下，食個飯。隨意走入西貢啲後街小巷，食個午餐。疫情關係，我哋分左檯坐，我哋呢邊order了以下幾樣share嚟食。泰式炒金邊粉：份量比較細，但味道十分正👍👍清湯雞粉，冬陰功雞粉：是太太、大囡至愛，每次嚟到必叫。泰式燒豬頸肉：豬頸肉薄切，好爽口。個醬汁是精髓，起到點晴作用。青木瓜沙律：好清爽，初初覺得一啲都唔辣，但係越食越辣😋鹽燒黑鯽魚：等得比較耐，即叫即燒，大約要20分鐘。魚肉好嫩滑，個泰式醬汁提味增鮮。地方比較細，坐得唔舒服，但係食物幾正宗，價錢合理。

去過西貢咁多次其實係第一次食泰國菜一行人行到路中心search左一陣就決定走入黎呢間最多人的最好食 係燒肉類串燒燒得好juicy同入味沙嗲汁有粒粒花生豬頸肉的邊都燒得岩岩好真係好香好惹味菜類最推薦咸肉炒椰菜苗咸肉燒得好脆口椰菜苗唔會苦 好脆口好食青咖喱本身味道好食伴薄餅 伴飯 伴麵食麵好襯但係雞肉真係無味同太乾係很可惜的地方澱粉類泰式炒粉絲同粉金邊粉都好食麵質乾身又好入味柚子沙津超不推薦因為實在太苦澀了柚子質素頗為參差比較中規中矩的三道菜色

每次去西貢玩水，4點幾就要去排隊沖涼，6點前要去到旺泰就可以順利入座。呢度有種泰國排檔嘅風味，長期滿座。玩完水當然要飲個椰青，等緊上菜已經暑氣全消。每人先食三串串燒。我最鍾意食燒全翼，雞肉好嫩滑。燒雞腎如果外層可以脆少少就更加好食。沙嗲汁唔辣，少少甜味好開胃。泰式炒金邊粉份量唔大，但係好足料，餸菜仲多過粉。醬汁酸酸甜甜，撈埋我最鍾意食嘅芽菜就更加清爽。豬肉生菜包又鮮又辣，香料十足，好適合夏天食，又係愈食愈有胃口。但係對我黎講太辣喇，只可以食一兩塊。