Muse Furniture Lab (Under Renovation)

放假最好就係遠離煩囂，去到山旮旯地方過一個休閒的下午。呢間餐廳裡裡外外都有好多打卡位，餐廳室內嘅枱櫈都係透明，同牆上面黑色型格嘅裝修形成強烈對比。食完飯可以慢慢影相，而且室外大草地係陽光普照嘅時候，影出嚟嘅相光線充足，夠哂靚！另外重有一間屋仔放咗一張復古沙發，仲有其他嘅佈置品，成個屋仔都係用嚟影相打卡。— — — — — — — — — — — — — — — — — — —【煙三文魚沙律】$118呢個沙律可以揀柚子汁或芝麻醬，我揀咗柚子汁，酸酸地幾開胃。沙律菜食落都好新鮮好爽口，重點係份量好多，兩個人share 食完都飽咗一半，呢個沙律性價比幾高😄— — — — — — — — — — — — — — — — — — — —【泰式炸蝦餅】$88老公對呢個炸蝦餅讚不絕口，雖然蝦餅比較薄，但係外層炸得夠脆，內裏嘅蝦肉都夠彈牙，都真係好食架！😝— — — — — — — — — — — — — — — — — — — —【燒汁牛仔肉意大利粉】$148呢個意粉配菜都幾豐富，有彩椒、洋蔥、車厘茄等等，一方面食到澆汁、彩椒嘅甜，又食到洋蔥香，味道都幾有層次。意粉炒得乾身而不油膩，燒汁嘅味道啱啱好

自從買左車之後，一直都係度搵一d可以駕車去到同有免費泊車既餐廳進餐，今日就俾我地搵到呢間在錦田既餐廳。餐廳冰冷既黑色外牆同充滿温暖佈置的室內形成強調對比～食物方面前菜：蝦餅分量豐富，厚度啱啱好，炸粉唔會太厚，加埋泰式甜酸醬一齊食，配答一流。主菜：起初以為可麗餅分量會好細好薄，一定唔會夠飽，點知原來餅內有豐富既椰菜絲同沙律醬，加埋薄餅面的三文魚同太陽蛋一齊食，口感豐富，味道出奇地夾。意粉個汁夠Creamy, 好似食緊carbonara咁，青口亦好新鮮，好味～飲品：相比起熟食，飲品反而比較一般，可能點d特色飲品會較有驚喜。用餐之後，可以到餐廳外走動走動。 餐廳外有一大片人造草皮同庭園裝置供食客打卡同俾小朋友放電～