金邊粉泰國菜

Open Now

Now Closed

帶屋企人尼食過，同老公都尼過幾次，本身都想試下粉嶺其他泰國餐廳，但都係對呢間比較有興趣，每次食都冇令人失望！今次同老公兩個再去撐枱腳，叫左一個2人餐-$178，雖然話套餐包兩杯野飲，但都係要加錢既😳😳呢個令我有少少意外，食左幾次我今次先知…每杯都要+$6，都唔緊要啦，同老公叫左兩杯普通野飲；不過佢地幾好既，有免費例湯飲，都係足料好味！另外再叫左份薄餅+咖哩焗軟殼蟹，每次必食既！薄餅係我鍾意食，軟殼蟹係老公鍾意食！份2人套餐都夠2個人食，我地最後食唔哂，要打包拎走份軟殼蟹同薄餅，冇計，真係想食，就打包埋比屋企人一齊食👍🏼整個上菜速度都係快既，我諗點完餸等左大概15分鐘左右，都陸陸續續上台👍🏼Total成餐食左4道餸+份薄餅=$375（連埋兩個外賣盒）

📍粉嶺 金邊粉泰國菜呢間泰國餐廳係聯和墟開咗幾年，一直深受街坊歡迎。今次一行三人叫咗一個二人套餐，再加多2樣小食。二人套餐 $178𓇠 泰式炸蝦餅 𓇠好細心剪開咗8塊，蝦餅厚身🦐炸到金黃香脆，同泰式酸辣醬係最佳組合！𓇠 馬拉盞炒通菜 𓇠醬汁惹味，帶少少辣，唔會太鹹，但炒得唔夠鑊氣𓇠 全隻菠蘿炒飯 𓇠賣相好靚！雖然唔係用真菠蘿蓋而係用咗菠蘿碗上枱🍍用咗好多配料炒，青口、臘腸、菠蘿、提子乾、蟹柳、紅蘿蔔、青瓜、肉鬆同青豆，但飯炒得唔夠乾身。𓇠 泰式炭燒豬頸肉 $88 𓇠薄切上，醃得好入味，燒焦邊好香口，配埋酸辣汁食可以減低油膩感，最推介呢樣，必食😋𓇠 椰汁青咖喱雞配薄餅 $78+$25 𓇠青咖喱有啲似冬陰功酸酸地，唔太辣，用豆角、香葉、辣椒🌶️香茅同青檸煮成，雞肉份量算多。我地叫咗薄餅點咖喱食，有2大塊，薄餅鬆脆，但有少少油。個人比較鍾意厚身薄餅，煙韌啲同可以點多啲咖喱🍛 𓇠 椰汁珍多冰 $10 𓇠食泰國菜點可以唔飲珍多冰！有幾片椰子肉同珍多，有口感，甜度適中，椰汁味濃🥥套餐加$10好抵飲🤩▪️類別：#yinkifoodie_🇹🇭🔺味道：3.5/5🔹服務：3/5🔸環境：3.5/5

每年中秋節飯都食中菜，食到開始有D悶，而且每蓬節日前一星期都會加價，所以今年屋企人就提議轉食泰菜。由於就屋企人既關係，結果係屋企附近揀左間較多評論既泰式餐廳。酸辣鳳爪 $58夠酸又夠蒜，唔錯既開胃小菜泰式蒜蓉包 $25一客有6塊，每塊都舖滿蒜蓉牛油，焗到金黃又香脆，必食!! 泰式沙嗲串燒 @$12我地點左1打，分別豬、牛、雞各4串，三款都唔錯，唔會燒到乾爭爭、硬掘掘；泰式炸蝦餅 $78足足有三大件，份量比相像多；蝦餅厚肉、彈牙、有蝦味，唯一美中不足係炸得唔夠金黃，所以只係少少脆泰式炭燒豬頸肉 $78有少許炭燒味，肉質係比較淋既口感泰式菠蘿海鮮炒飯 $78呢個炒飯賣相有點奇怪….不過味道唔算差，可以接受泰式炒金邊粉 $58呢個炒粉色水唔錯，不過味道一般，個人覺得調味唔夠，油膩感偏重，最好味既係入面既炒蛋，好有鑊氣同蛋香。冬陰明爐烏頭 $158冬陰湯比較酸、少少辣，分量好多，裝10小碗都無問題；烏頭多肉，又唔腥。咖哩焗軟殼蟹 $158我見有好多食評都讚呢個好味，所以我地都點左一份，果然唔單止軟殼蟹大大隻，仲要炸得幾脆!! 薄餅 $25咖哩既密友，有咖哩又點可以無薄餅呢。一客有兩塊，煎到外層

好少特登走入黎粉嶺，今次咁岩同親戚去南涌玩水，晚餐順便就喺呢區附近解決。但估唔到都有正野喎👍🏿開飯前要食個沙律先！柚子開胃，啲蝦食落有鮮味，唔錯啊有人唔食辣，所以叫個青咖哩試下。椰奶味夠哂濃香，豬肉煮得淋，青椒無奈只能做配角haha用料十足既粉絲，有誠意！味道都算唔錯，但蛋炒得有點乾喇雞肉唔夠鮮味，飯身既雞油唔多，扣分👎🏿以上三道菜屬於$168二人套餐。特別想講下蝦餅同炒飯，前者上菜時熱辣辣，食落啖啖蝦，爽；後者又係落足料，真係多到食唔哂啊！童年回憶，甜甜的好喜歡呢🤤雖然佢有飯但都姑且當佢係甜品啦。芒果太酸喇，食一舊已經放棄；糯米飯加椰汁夠哂杰，但係口感相當足夠免費既甜品，欣賞佢呢份誠意，味道其次今晚真心食得又平又飽又滿足，好開心啊！如果香港多啲平靚正既餐廳選擇就好喇😌