泰COOL (鴻圖道) (Closed)

依間就係小編早排摸門釘嘅嗰間泰國餐廳。宜家佢哋開返堂食當然要即刻去支持吓啦~今次係小編第二次幫襯，都係同上次食一樣咁高質😆依度每張枱都好大張，卡位座位又夠闊，所以都坐得舒服！冬蔭功湯河 $78配料可以揀海鮮或者海南雞，個人認為海鮮可以一直浸喺啲湯度索汁，應該會夾過海南雞，所以就揀咗前者😋海鮮份量比想像中多，種類有青口、蝦同埋魷魚。其他配菜就有蕃茄粒、雞髀菇、生菜同芫茜。餸菜足麵底多，所以食完都飽肚👍麵都好索湯底。不過湯底雖然係冬蔭公湯，但係無咩辣味，可能係想迎合返香港人口味啦~所以如果鍾意食辣嘅就可能覺得唔過癮喇！香芒蟹肉炒飯 $88成日喺泰國餐廳食炒飯都係食菠蘿炒飯🤣今次叫芒果炒飯感覺都幾特別~飯量同樣好足，偏乾身唔會覺得好油膩！大大粒甜甜嘅芒果肉，加埋幾粒酸酸嘅番茄仔，連埋蟹肉嘅淡淡鮮味，撈埋飯一齊食都好開胃！串燒拼盤（細） $88依個拼盤好啱食肉獸🤓有豬牛雞各兩串，同埋四片燒豬頸肉。另外仲有兩款醬汁可以點，不過小編實測唔點都夠味！全部食落都好惹味，唔會太乾身。最好食嘅係豬頸肉，推薦大家唔想嗌拼盤都可以單點依個試試🤤泰式炸蝦餅 $58蝦餅有三件，會切開一半咁上。咬落外脆內軟，炸粉都

原本想食另一間泰國菜，可惜已滿，最後book了泰Cool，那𥚃人非常多，若不是預先訂位，是需要排隊等候。地方真係好大，坐位也很舒服。服務員工也很有禮貌提醒埋單，因為外面真有很多人排隊。個人推介：冬蔭原隻大蝦海鮮湯、炭燒豬頸肉、炒通菜炭燒豬頸肉爽口大大件，配上醬汁更惹味，吃完也把醬汁留下，沾上其他小食同樣好味！冬蔭原隻大蝦海鮮湯：各種海鮮配料令湯味更濃郁，感覺是這餐主角，個個friend都讚好，這辣度人人也能喝，不錯選擇。簡單一道菜，菜味沒被調味料蓋過，否則炒通菜通常只得咸味，但泰COOL炒通菜有菜味。

平時好少特登去觀塘，一黎工廠區無乜野行，二黎多車又多人，唔想四圍迫。適蓬星期五要到觀塘做野兼係度收工，所以趁機覓食。我知道工廠大廈有唔少抵食餐廳，質素亦唔差，不過感覺唔夠空曠，所以今次無揀到收藏左既工廈餐廳，最後去左間💛泰菜。已經記唔起上一次食泰菜係幾時，只知道朋友想食蝦餅，而我就想食軟殼蟹咖哩。今次除左點左呢兩款外，再加個串燒拼盤。泰式炸蝦餅(三件) $58新鮮炸出，非常熱氣!! 分量同價錢成正比，不過蝦肉唔夠彈牙，同埋可能油溫唔夠高，加上”鯨”油唔夠耐，食落油膩感較重。串燒拼盤(大) $108大同細SIZE只係相差$20，但串燒多3串，識揀一定揀大SIZE!!串燒有6串，分別豬牛雞各一；三款串燒既底味都一樣，分別在於其質感，雞比較滑，豬同牛都較乾身。拼盤中仲有燒豬頸肉，兩個人食岩岩好，肉質唔乾，但切得太薄，無爽口感。中意食辣既朋友一定要點個醬，佢D辣係慢慢滲出黎，而且都幾辣下。咖哩軟殼蟹(兩隻) $148呢度無薄餅，只有蒜蓉多士，但我唔想再汲取太多熱量，所以無加到多士(跟咖哩價$30)。軟殼蟹比我平時食既偏細隻，而且食落無乜蟹香，有點失望….咖哩係偏甜口味，配粒粒分明既白飯都唔錯。