泰道 (Closed)

復活節假期冇旅行去唔緊要！fafafoodie 揾左個好似置身於泰國既餐廳食😍係西貢，望住沙灘吹住海風食泰國菜🏖️真係好chill好似去旅行咁～～餐牌好大本好多選擇，見好多一大班人黎聚會，可以share多啲野食🤤#香茅辣拌蝦沙律 🦐🦐🦐🦐🥗好香香茅味，用左十幾隻蝦足夠多人share，仲加左啲紫洋蔥蔬菜去拌個沙律，冇想像中辣，只係微微辣仲帶點甜味，開胃既沙律HKD188#泰式燒豬頸肉 🐖❣️大大份豬頸肉，唔會太肥，點泰式醬汁食夠惹味😗HKD138#串燒沙爹雞 🐤沙爹可以2串2串咁叫幾好😊豬牛雞都有得揀，試左沙爹雞，係有燒過既味道👍🏻唔係炸😛雞肉唔鞋夠嫩，沙爹醬唔辣有花生香HKD46#青咖哩素蝦 🦐🥣❣️叫左咁多肉，試一下素食先～青咖哩有微微椰香，辣度好足🌶️🌶️🌶️全餐最辣係佢🔥好惹味😉但小心辣親😜素蝦彈牙，質感似魚蛋帶點jelly 口感好好咬🤩HKD128#蒜蓉包 🥖🧄蒜蓉味好香，唔會烘到乾晒😊外面如果再脆啲仲正！蒜蓉包就咁食好食，點咖哩食都好食🤤HKD38#泰式炒河 (豬) 🍝❣️炒河有濕炒乾炒，仲可以揀豬牛雞😉乾炒河大大碟夠鑊氣，豬肉有咬口，仲有好多款蔬菜一齊炒好豐富😊HKD138#椰青 🥤清甜

屋企人生日, 緊係要同佢食好D! 今次上網搵左間有靚景又有正宗泰西美食既餐廳, 令大家都食得好盡興!1. 泰式燒豬頸肉 ($138)燒豬頸肉非常足料, 超級厚切!佢既份量好足, 兩層都係豬頸肉, 唔會得一層, 下面就勁多椰菜個種~炭燒味好出, 再配埋個汁, 絕配!2. 濕炒海鮮河 ($138)海鮮河好足料, 入面有唔少蝦, 青口, 魷魚, 仲要係勁大盆!!!!我地見到個盆上菜時仲有煙出, 熱辣辣食好開心, 每條河粉都浸滿醬汁, 好夠味!3. 鴨肉生菜包 ($158)平時食開豬肉生菜包, 今次見到有鴨肉, 就即刻點左黎試下~每一塊生菜都非常新鮮及大塊, 鴨肉非常多, 配埋香料好惹味~我地食到後期因為鴨肉太多, 係一塊生菜夾勁多勁多肉, 超正!4. 香茅辣拌蝦沙律 ($188)呢個沙律真係不得了!!平均每人食到5-6隻大蝦, 仲要係好新鮮~醬汁既味入晒蝦到, 幾醒胃~5. 芒果糯米飯 ($68) (備註: 生日牌係我自備😆😆)因為屋企人唔想食蛋糕, 所以我就係甜品到加左塊牌, 無諗過又幾夾, 幾靚!芒果夠甜, 糯米飯粒粒分明, 感覺上令人好似去完泰國做SPA後食到既芒果糯米飯, 再望埋個靚

聞說西貢有一間隱世靚景餐廳。座落於海灘旁邊。可以一面吹住海風，一路睇住其他人玩滑浪風帆同玩水，再享受住陽光食泰菜。佢嘅食物都好有質素㗎。椰青$58泰國生蝦$118，合共7隻蝦肉鮮甜肥大，配上泰式辣醬食過返尋味👍🏻泰式炒肉碎$118原本係想叫生菜包但係一問之下，原來泰式炒肉碎同生菜包的肉碎係有少少唔同所以今次想試吓泰式炒肉碎食落其實味道差唔多但齋食肉碎有啲dry所以下次會叫返生菜包辣椒膏炒青口$168青口有少少腥扣分泰式燒豬頸肉$128水準之作豬頸肉肥肥地，油脂感十足外圍烤好脆配埋醬汁一流👍🏻芒果糯米飯$68芒果夠甜糯米飯煙煙韌韌椰汁香滑夾埋一齊係享受👍🏻總結：- 特別推介泰國生蝦、泰式燒豬頸肉同芒果糯米飯。好啱一家大細喺嗰度享受一個充滿陽光同快樂嘅午飯👍🏻

疫情仍然反覆，在市區食肆開餐，每次食完都急急腳走，今晚為好友慶祝生日，一定要搵間坐得舒服嘅餐廳，所以我揀左在西貢墟附近嘅泰道在西貢食飯一般都唔會去西貢市中心，因為人多車多同市區無分別，泰道位置鄰近市中心，但卻自成一角，由市中心坐的士過黎都唔使五分鐘，自己楂車黎就更方便，門口就有一個大停車場餐廳面積很大，設有室內及露天座位，露天座位一字排列，眺望整個沙灘景色，令人有很放鬆的感覺今晚剛巧還有漂亮月色觀賞，少不免要和朋友自拍一下餐廳食物種類繁多，泰國餐廳應有的食物都有提供椰汁冰及椰青椰汁冰椰味香濃，飲得出無溝水或花奶，椰青大大個即叫即開，椰肉新鮮到可以用匙羹刮出來食泰式燒雞(半隻)店員提醒需要等三十分鐘，因為是即叫即燒，燒雞上桌時飄出陣陣炭燒味，燒雞皮烤得香脆，微微燒焦，雞肉仍保持嫰滑炸蝦餅泰式炸蝦餅簡直就是我至愛，蝦膠夠彈牙而外皮炸得非常香脆，一碟有八件，夠晒份量泰式燒豬頸肉豬頸肉薄切，即叫即燒，能夠做到外皮脆而豬頸肉保持鮮嫰，每片肉仍保留肉汁，燒烤功夫十分好豬肉生菜包生菜整齊排列在碟上，片片大細都差不多，豬肉碎用芫茜香料炒得乾身，特別地加左泰式炸豬皮，令味道更加豐富泰道食物質素好，而且款

一行4人沙下玩完獨木舟食飯，餐廳位置剛好就腳。有book位但唔記得要求坐室外，員工都配合到，下次一定會記得落remarks!!第二次黎食，依然比本厚厚menu難到，諗左10分鐘食啲咩，跟住上菜好快！晚餐當日係Halloween，兩杯沙冰都有節日氣氛！唔記得影晒所有野食，但豬頸肉好味，菠蘿炒飯炒得好乾身，咖喱海鮮好大盤，叫左一客薄餅同蒜蓉包都未點晒啲咖喱。串燒沙嗲豬牛雞、泰式炒雜菜、芒果糯米飯同椰汁西米糕就正常發揮！質素咁好，服務都唔差，一定會再有第三次的~

五月三日，一個炎熱的週末，山長水遠入去西貢。可能大部份香港人都趁着一連四天假期，加上疫情放緩，政府又放寬限聚令人數，於是入去西貢唞唞氣，所以碼頭一帶擠滿了人。有人在海鮮酒家用餐、亦有人搭船出海西貢半日遊。在碼頭逛了一會，沿着海旁漫步入去沙下村，揀了「泰道」開餐。室內裝修既不講究、也沒有明顯泰國風情；甚至有點粗獷味道，亦沒有掛上泰皇照片或畫像，以香港的泰國餐廳來說，可算罕見。餐牌款式相當多元化，香港標準泰國餐廳常見菜式差不多全部有齊：燒烤、咖喱、海鮮等等。差不多每次食泰國菜，一定會叫泰式燒豬頸肉（$138）。燒豬頸肉是港式燒烤，也是香港每間泰國菜館必有菜式；印象中，反而在泰國沒有這一款燒烤，可能泰國的食肆不會將這一塊豬肉獨立切出來吧？所謂泰式，重點在於一小碟醬汁，每間泰國菜館都會自家調製。豬頸肉表面燒得夠焦香，不過，咬下去偏太軟腍，少了豬頸肉應有的彈性咬口及結實肉質。醬汁加入大量香料，酸、辣、鹹、香氣齊備，味道複雜。醬汁優於豬頸肉。鴨肉生菜包（$148）的鴨肉碎很惹味，分量亦算很多；水份稍為多了一點，如果可以再乾身少少會更加好。唔知點解只得三幾片生菜，剩低很多鴨肉碎，要叫碗白飯撈飯。芒果