泰屋

Open Now

Now Closed

收工同朋友食泰菜一上去都坐滿晒人非常熱鬧醃肉碎生菜包 88肉碎香辣惹味充滿泰式風情的香料配試清新爽脆既生菜🥬酸酸辣辣非常開胃炭燒豬頸肉 82爽口彈牙 香口又惹味外層香脆 炭香四溢再配上泰式酸辣汁食泰國菜必叫！泰式生蝦刺身 108作為前菜小食生蝦新鮮 肉質厚肉彈牙配埋生蒜同辣椒一齊食加生蝦蘸汁 好食😋原個菠蘿海鮮炒飯 98材料豐富有青口魷魚仲有粒粒菠蘿飯底帶有少少甜味 色香味俱全珍多冰 35 菠蘿冰 35 最後加上特色野飲 🧃

今日放工太肚餓，決定就近係旺角食個晚餐。但因為時間尚早，仲係𝟓點尾，周圍嘅餐廳仲未開始做晚市，一路行一路搵，終於係彌敦道𝟕𝟐𝟔搵到間叫「泰屋」嘅餐廳坐底食個晚餐。我本身其實唔係好食得辣，但偏偏又幾鍾意食泰國野。每次都好似挑戰緊自己味蕾咁。今次因為太餓啦，所以叫咗好多野食。𝐎𝐫𝐝𝐞𝐫:⧐炭燒豬頸肉 | $𝟖𝟎⧐馬拉盞炒通菜 | $𝟕𝟐⧐黃咖喱牛筋腩 | $𝟗𝟐⧐印度油酥餅 (𝟐件) | $𝟑𝟔⧐醃肉碎生菜包 | $𝟖𝟓⧐泰式生蝦刺身 | $𝟏𝟎𝟖⧐泰式奶茶 | $𝟑𝟎⧐𝑺𝒂𝒘𝒂𝒅𝒆𝒆 𝑻𝒉𝒂𝒊 𝑺𝒑𝒆𝒄𝒊𝒂𝒍 | $𝟑𝟖炭燒豬頸肉燒得好香口，入口脆脆地，配埋個醬料勁好食，唔會太油膩。馬拉盞炒通菜係每次食泰菜我一定會叫嘅菜色，其實佢有幾種煮法揀，仲有飛天／蒜蓉，不過我個人都係鍾意馬拉盞炒多啲。呢間炒得幾好食，唔會太重味精味，唔錯！另外叫咗個黃咖喱跟牛筋腩，配咗個印度油酥餅，油酥餅點咖喱食真係一流，而且佢啲牛筋腩好重牛味，好正。醃肉碎生菜包係我每次食泰菜都要面對嘅一個極大挑戰，因為好多地方都整到好辣好辣，次次食完都辣到食唔到落去。但呢間唔會，小小辣、重酸味，係我好推介嘅一個菜式。泰式生蝦刺身

放工同朋友嚟到旺角食嘢 旺角真係好多嘢食 成日都使唔曬啦今晚就想食下啲泰國當去咗泰國 鍾意食蟹嘅我都唔知點選擇有幾個蟹嘅餸菜我就點咗一個幾特別嘅農夫包咖哩軟殼蟹食 貪佢唔使剝殼咁煩啖啖肉 頭盤食咗泰式生蝦刺身嗰醬汁都幾辣啲蝦好咬口好彈牙 另外試咗個泰式香芒炒牛仔褸都幾特別 因為我都幾鍾意食羊肉加埋芒果去炒都幾得意飲品梗係我最愛嘅芒果沙冰啦咖哩送個油飯都幾開胃 老闆服務招呼一流呀餐廳都幾受歡迎晚上都好多人不過都唔使等好耐位就有啦 地方大座位多 下次仲想試埋佢個炒飯同湯麵呀下次星期再去啦

疫情關係好耐冇見過我啲朋友！難得約出黎食飯，梗係要搵間坐得舒服、食物質素好、份量大、又大眾化價錢d既餐廳啦。🤓今次揀左🇹🇭泰式餐廳 - 「泰屋」🗾泰屋地點方便，泰屋位於旺角726呢楝大廈，成楝大廈好多餐廳。1845黎到餐廳，可能因為時間仲早，所以都冇咩人，餐廳地方都算幾闊落。- (推薦指數 最高 : 😋😋😋😋😋)開胃前菜泰式生蝦刺身 (推薦指數 : 😋😋😋😋)🦐生蝦新鮮爽口，調味調得唔錯，酸辣多蒜🌶辣得幾惹味，岩哂我依啲唔太食得辣嘅人👍🏼醃酸辣鳳爪 (推薦指數 : 😋😋😋)無骨辣鳳爪爽口，配泰式酸辣醬，開胃首選主菜青咖哩牛 (推薦指數 : 😋😋)怕辣嘅我，揀左青咖哩。青咖喱椰汁味都幾重，要唔太辣嘅，依個青咖喱辣度就岩岩好🌶，但啲咖喱偏稀身。牛肉就淋淋地，我不太推介。咖哩入面都有唔同配料，西蘭花🥦、紅蘿蔔🥕、洋蔥🧅 etc. 。咖喱配埋蒜蓉包絕配😍香蔥蒜蓉包(4件) (推薦指數 : 😋😋😋😋）蒜蓉包外脆內軟，再用黎蘸咖哩一流！食泰國野點可以唔叫咖喱配埋蒜蓉包😜冬蔭功鮮蝦湯(細) (推薦指數 : 😋😋😋😋）冬蔭功湯辣度同酸度都岩岩好，酸酸辣辣好開胃，再配埋啲泰式香料，味道十分好。湯既配料

食完好飽既小食之後，同男朋友九點先正式食晚飯，我地揀左食泰國菜。我地叫左四樣野：泰式生蝦刺身、醃肉碎生菜包、泰式粉絲雜菜煲同冬蔭公鮮蝦湯，全部都唔係主食，哈哈。泰式生蝦刺身有六隻，用杯裝住啲生蝦，好得意。生蝦鮮甜，爽口彈牙。醃肉碎生菜包得到盛讚，豬肉好香，充滿豬油香，洋蔥同豬肉溶為一體。生菜好難得俾好多片你包住食，值得一讚。泰式粉絲雜菜煲有唔同蔬菜補充纖維，又有粉絲做主食，唔錯。冬蔭公鮮蝦湯(細) 幾好飲，酸酸辣辣。湯入面唔會有勁多香料要你一路飲一路𦧲返出黎，正。

每隔一段時間就想食泰菜， 今次到地點方便的旺角彌敦道泰屋，之前已經與朋友食過很多次的， 因為食物有質素， 所以在旺角區一想到食泰菜就會來這裏。 每次吃泰菜一定點的泰式生蝦刺身$108， 然後隨意點了馬拉盞炒通菜$72， 黃咖哩羊腩$88， 干炒泰式蛋包金邊粉$88。✨泰式生蝦刺身～生蝦大大隻啖啖肉而且爽口新鮮，非常喜歡生蝦的口感及醬汁， 配上辣椒，蒜片和薄荷葉， 很好味的。✨馬拉盞炒通菜～ 味道鹹香可口， 必食的泰菜款式。✨干炒泰式蛋包金邊粉～ 金邊粉炒得剛好不濕 不乾 ， 入口煙煙韌韌，酸酸甜甜 ，再拌上 配料 ， 簡單卻很醒胃。✨黃咖哩羊腩～ 羊腩嫩口但帶點騷味，黃咖哩比較不辣，一樣好吃， 比較適合想淺嘗泰風味的朋友。泰屋是一間價錢適中， 菜式保持水準的一間泰國菜館，適合喜歡吃泰菜的朋友。😊

今晚來到旺角逛街，打算吃晚飯時發現旺角真是太多選擇，對於有選擇困難的我真不知該如何是好。然後朋友就提議到這棟大廈找餐廳食飯，因為這裡有著各式各樣的菜色，總會有找到喜歡的，所以今晚就無意走進了這間餐廳。坐下後馬上研究食物，但是餐牌裡的選擇太多，花了好一段時間才做好決定。生蝦刺身當然是吃泰菜必點的，蝦非常大隻又爽口，十分好吃。平常都喝冬蔭公湯所以就決定換一下口味，試一下椰子雞湯，原來口味也是有點酸酸辣辣的，但是就多了椰子味道，但相對冬蔭公湯我比較喜歡這個。這個是我整頓飯最愛的，白鱔肉非常厚，而且很鮮味，塗上醬汁去烤跟白鱔很配，真的十分好吃😍光看賣相已經知道了，鱸魚的尺寸很大，魚肉鮮甜，魚肉慢慢吸收了青檸湯後更添加口味，縱然已經很飽了，但是也停不了的吃。整體來說，價格合宜，每樣菜份量充足，也都很好，下次配對會再來光顧👍🏻

平時講開食泰國嘢就一定會聯想到九龍城，但今次朋友介紹泰國好野係旺角，位置很方便，地鐵附近，10分鐘就到。呢度好旺呀，七點零中到，坐滿九成座位。泰式生蝦餐廳職員將泰式生蝦佈置得十分精美，有別一般一碟甘上，朋友都忍不住相機食先，虎蝦肉質厚實，口感爽口，配搭餐廳提供的泰式辣醬，連同生蒜頭片和辣椒，咀嚼後，辣味慢慢滲出，十分美味。噴火指數爆燈呀！原個菠蘿海鮮炒飯從食物的相片可以看見，餐廳所提供的海鮮十分足料，海鮮都先經過處理及烹調，很入味，炒飯粒粒分明，很有咀嚼口感。雜菜濕河我們還點了雜菜濕河，蔬菜新鮮爽口，而不同菇類增加口感，濃濃的汁是濕河的精華，而河粉與外面不同，相對闊身，很滑潤，但又不會像糊狀。泰式甜品有4款甜品套餐，會比單叫更加化算。各款口感均軟棉棉，我最鐘意椰汁班蘭，煙韌如軟糖的口感，甜度適中。青檸梳打每次食泰國嘢，我必定叫青檸梳打，泰國食物偏向濃郁，而青檸梳打帶點酸可以避除油膩感，平衡返味道。而朋友點了椰汁紅豆，有香濃椰香，配合紅豆，十分美味。

通常去食泰國菜啦都會去九龍城，不過今日行街今晚呢見到有間泰國菜係旺角，去試吓啦，睇落都好似唔錯。青木瓜沙律$78個沙律裏面都幾多配料，個味道酸酸甜甜仲有少少辣，都幾開胃架。泰式生蝦刺身$108呢個鮮蝦刺身，辡辡地刺激一下先，如果唔係太食得辣嘅就唔好點晒佢哋個汁，睇得出佢裝飾都好有心思，放落啲杯仔度感覺幾特別。 醃肉碎生菜包$82我覺得呢個生菜包呢真係有泰國嘅味道，好香口辣辣地，都係一啲開胃，碎肉嘅份量都好足⋯⋯泰式珍寶拼盆$128裏面有蝦餅、魚餅、素春卷、雞中翼，各有四個，啱晒幾個人一齊分，食落去佢哋嘅味道都好好食。炒芥蘭 $72本身係想食炒飛天通菜，但竟然賣晒，咁唯有食其他啦，呢個嘅味道都OK嘅，不過我想食通菜。泰式鹹青檸雪碧$32本身我以為會有啲咩唔同，不過可能比較酸少少囉，其他同我平時飲開冇乜分別。龍眼冰$32好多龍眼，飲落去幾好飲。整體而言食物質素呢系幾好嘅，幾適合一班人放工去聚餐，款式都幾多種類。