Bamboo Thai (如心廣場一期)

Open Now

Now Closed

📍Bamboo Thai​💬軟殼蟹米紙卷🦀軟殼蟹炸得好香脆，入面包住芒果、牛油果、青瓜同胡蘿蔔絲，好足料。​💬火山排骨🌋必點！餐廳招牌菜，賣相好吸睛👀嗌咗小份量都有好多排骨，肉質好嫩，點埋泰式酸辣汁，好開胃，口感一流！​💬泰式火車頭和牛炒飯🍛和牛份量都多，炒飯炒到粒粒分明，好有鑊氣，好好味！​💬泰式肉碎生菜包🥗食泰菜必點～肉碎同埋香料味香道適中，不過不失​💬飲品嗌咗椰林飄香🥥同熱帶風情🥭兩杯都好好飲！分別係椰子同埋芒果味沙冰～​

餐廳環境寬敞乾淨，食物質素不錯。當中比較吸引的是‘’火山排骨‘’，大大件的排骨配上清新的湯汁，真的很美味，餐廳更細心的奉上膠手套和濕紙巾，方便顧客用手撕開排骨，品嚐其地道風味。‘’柚子蝦沙律‘’也很美味，泰國柚子甜甜酸酸的，並沒有一絲苦澀味，令人十分開胃。另外“泰式生蝦刺身”也很新鮮、鮮甜。其他的菜式也不錯，上枱速度正常，熱度也足夠。

好耐冇食泰國嘢啦，又想搵間坐得舒服少少嘅泰國餐廳，喺如心廣場發現有一間環境都幾好，而且座位闊落，幾適合同朋友仔一邊傾偈一邊享受食物。今次淨係影咗呢兩頁嘅餐牌，因為係呢兩頁到我已經搵到我好想食嘅嘢🤣🤣前菜方面叫咗清新柚子蝦沙律 $78，聽個名就知好清新啦🤣🤣蝦有3隻，好彈牙。柚子略為有點碎，還可以接受。味道酸酸甜甜好開胃。👍🏻👍🏻👍🏻泰式肉碎生菜包 $88，份量都幾多，肉碎好夠味，生菜約有8-10片。將肉碎放喺生菜上面，包住一齊食真係好好味😋泰式生蝦刺身 $148，生蝦有八隻，很彈牙，秘製醬汁酸酸辣辣。

✨炎炎夏日無咩胃口❓呢間幫到你😆！呢間已經有三間分店既［Bamboo Thai］,佢地除咗有個好吸睛又好啱打卡既火山排骨之外,原來其他食品都幾好味,我個人都好推介‼️.💬火山排骨 $118 (小)因為想試多啲野,所以叫咗個細既,未到之前一直都覺得佢好似煲湯骨😆,不過食過之後覺得又幾好食喎,不過成盆排骨其實係靠個汁吊味,又真係幾開胃幾好食既👍🏻！唔係得個樣😆！.💬泰式肉碎生菜包 $78呢個好食,之前食過好多間呢個肉碎生菜包,我個人覺得佢地既肉碎調味整得惹味又好食,十分推薦💯！.💬泰式生蝦刺身 $148好耐無食生蝦刺身,呢個好新鮮!加埋啲蒜片辣椒同埋啲醬汁一齊食唔錯!✅.💬泰式大蝦炒金邊粉 $112金邊粉炒得幾好,碟底無咩油,炒得好爽身,唔會炒到一嚿嚿,大蝦新鮮彈牙,加埋啲花生碎,辣椒碎,酸酸地又辣辣地咁,惹味又開胃!好食✌🏻!.💬軟殼蟹米紙卷 $88呢個米紙卷既米紙偏煙軔,軟殼蟹卜卜脆食既時候仲脆口,加埋啲芒果絲、牛油果絲同青木瓜絲好清新,整體味道中規中矩無咩特別！我個人覺得外層米紙太難撕開😆！.💬泰式燒豬頸肉 $88豬頸肉唔會乾,加埋啲醬汁一齊食成件事昇華晒！惹味👍🏻！..📍 Bambo

非一般泰菜！好有驚喜嘅新派菜式...泰好食...食完已經想再食😜卡位私隱度高😎座位好舒適！服務質素好仲好有效率！讚👍🏽兩個人叫咗：泰式肉碎生菜包🥬：每逢食泰菜都係必點！豬肉碎炒香加上微微辣的確好惹味😋呢度仲有配埋脆咯咯豬皮夾埋生菜一齊食，口感豐富我鍾意❤️清新柚子蝦沙律 🥗：同個名一樣好清新😜超多柚子，啲柚子又甜勁多汁！大蝦配埋索晒味嘅木瓜絲，好味道😋泰式火車頭和牛炒飯🍚：味道會濃味啲但啱哂我口味，和牛夠哂多，肉嫩一啲都唔韌👍🏽火山排骨🍖：全晚重中之重就係佢啦🤩🤩一入到餐廳見到枱枱都有一碟，一定係招牌菜啦！果然係有原因...堅係好好食💯酸酸辣辣嘅汁加上大量葱茜蒜，排骨炆到好淋好入味，唔洗用力就已經離晒骨，開胃又唔油膩，完美🤗我哋叫咗細size都係$118，上菜以為係大size添！好鬼抵食😬😬

今日同男友出左荃灣行街兼辦年貨，行到餓餓地諗住搵野食，就醒起早幾日同閨密黎過見到開左好多新餐廳既如心廣場🍜🍛🍝男友話想食泰國野，所以揀左呢間，裝修好靚好有風情👍👍雖然佢有抵食少少嘅set lunch，但係我哋都係揀咗main menu嘅嘢，因為我有太多款式想試🙈結果我地叫左​份泰式肉碎生菜包，軟殻蟹米紙卷，細既火山排骨同埋招牌蟹肉臘腸炒飯🙊泰式肉碎生菜包有濃郁既香料味，香茅味尤其突出👍 肉碎唔會太肥亦唔會太辣，生菜非常新鮮爽脆，配埋勁脆口但唔油膩既油炸配料一齊食，男友話加晒分！👏👏軟殻蟹米紙卷咬落食到好香甜既芒果，軟殻蟹依然保持脆口，搭配爽脆既青瓜同紅蘿蔔一齊食，口感豐富又健康👍火山排骨賣相無得頂！！😯 面頭有滿滿嘅蒜蓉同蔥勁香，個汁酸酸地好開胃，排骨夠淋，而且部分排骨仲會連住軟骨，索晒啲汁又係另一種風味😋😋招牌蟹肉臘腸炒飯炒得好香好出色💯 有穫氣兼粒粒分明🤤 臘腸完全唔覺肥膩，露荀爽脆～一開始仲以為一定會眼闊肚窄食唔曬，點知太好食最後我哋都清曬啲嘢，不得不佩服自己😂