泰坊 (Closed)

觀塘區實在太多餐廳選擇，所以每次喺Openrice都只會揀D熱門餐廳，今次我好認真咁睇哂Openrice位置觀塘區嘅所有餐廳😅，發現到呢間泰式小店食評數量雖然唔多，只有五十零個，喺Google Map更無佢嘅資料，但食評內容唔差，以質取勝😏，所以決定在此舉行中秋飯局。泰坊柚子沙律 $78個沙律汁有好多蝦米同蝦乾仔，少少鹹、又有口感，我幾中意🤤。柚子無拆到好碎，仍然大大舊，所以唔會吸到好多醬汁，可以食番柚子原味。香辣乾炒海鮮河粉 $78呢個出乎預料嘅好味😲，有鑊氣得嚟，又唔會好油!! 😋海鮮居然有帶子、同界花魷魚，幾有誠意。配埋彈牙闊河粉、少少辣椒，變得更惹味。泰式豬手 $78呢個好癲!!! 😱 估計有一隻豬手嘅量，喺其他餐廳應該賣過百蚊，但呢度只需$78!!😳 豬手炆到好淋、唔痴牙、好有香料味。🤤青咖喱雞飯 $68雞肉份量好多，另外仲有泰國茄子、白豆角，用料豐富。咖喱唔辣，亦唔算好甜，點包或配飯都好味😏，不過略嫌稀左D，如果杰身少少會更好。蒜蓉飽條 $28/四件呢個一定係即叫即整，等左3個字先上枱，而且好辣口。底部烘到脆卜卜，麵包中心依然軟熟。蒜蓉牛油舖滿每個角落，每啖都係牛油香，好邪

一試難忘的泰式料理話說觀塘呢間泰坊又係我超鐘意既餐廳🤣🤣，今晚同屋企人一齊食，佢地都話好正，食到舔舔脷😍。泰式生蝦$48食滿$150可以用優惠價$48換購，非常抵食，老闆未介紹完我即刻話要一碟🤣。認真新鮮，點埋泰式辣醬更有風味😍。乾炒海鮮河粉$86河粉係用闊面，河粉炒出黎條條分明，一上台就聞到陣香味啦。而且配料甚多，有帶子蝦同埋魷魚，仲有芥蘭蘿蔔絲等等，夠鑊氣，好惹味！泰式豬手 $86其實碟豬手我哋係當小食，但冇諗到上枱咁大碟，真係超級驚艷😍😍。豬手軟淋入味，入口即溶☺️，連小朋友都好鍾意食。芒果糯米飯 $76嚟得食泰式嘢點會少得芒果糯米飯🍚，首先芒果真係好甜，糯米飯係綠色嘅，係黎自斑斕葉，味道亦都算正宗😋。人均100左右就可以食到咁正宗嘅泰國美食，真係超抵食，一定要分享俾大家，一定再同朋友過黎😋。