Brick by Brick

Open Now

Now Closed

位於中環後巷小店，入店即感受到老闆親切友善，每款菜式都堅持唔落味精推廣健康飲食。我的確欣賞老闆無俾香港速食文化影響，更著重食物的品質。🤩火熱砂煲香濃肉骨茶配白飯🍲🍚泡在肉骨茶的材料有豬軟骨🐷、金菇、香菜、豆卜、辣椒🌶️等。而油炸鬼和手工蒜香米餅則用另外的碟子盛着。還有一碗白飯和蒜泥醬。店主強調絕不落味精，也不加糖，茶濃惹味，而且已撇油，用瓦煲盛載，香濃撲鼻。肉骨茶吸收了豬軟骨的精華，味道清香，藥材苦味不強烈，豬軟骨燜得軟腍腍，容易入口🥰。我們仲可以將蒜泥醬舀進湯裏，再拌勻，這樣味道會更濃😋喝肉骨茶喝得津津有味。珍寶大蜆海蝦喇沙湯麵🍜蜆同蝦🦐全部都大大隻😋好新鮮，喇沙的味道香濃特別，而且完全融入蝦同蜆的鮮味，全人手調製既湯底，麵嘅口感都剛好，的確抵讚! 👍🏿店主採用天然食材製作，湯底不加額外任何味精，而且不加糖全天然製作，難怪飲完不覺得口渴。泰式香茅班蘭葉薑茶薑茶清新容易入口，薑味剛好，亦有斑蘭的香味，確實是餐後的最佳配搭！話梅桃膠羅漢果茶清潤美顏健康之選，甘甘地清熱又滋潤，話梅味濃又帶羅漢果嘅清甜味，底下仲有滿滿的桃膠，完美! 😜

小弟本身都幾鍾意馬來西亞，前後都叫去過3次，次次嘅感覺都幾唔錯，特別鍾意檳城嘅老味道，亦喜歡馬六甲嘅舊建築。對於馬來西亞嘅食物，大多都鍾意，亦好啱口味，最近就一支公放飯時專登走咗去試喇沙，所以，寫番篇食文分享吓。餐廳嘅名字叫「Brick by Brick」，地址就寫喺 士丹頓街，但實際就喺由俊榮里入，因為餐廳位處大廈嘅地庫，入口設晌後巷，入過嚟就知，短短一條俊榮里後巷查實有多家餐廳。晌呢條後巷嘅餐廳都喺以小店經營，所以，入到餐廳內，地方唔會好大，而目測就大概廿個左右，裝修較西化，一邊磚牆，一邊水泥牆，配以簡單射燈營造一點氣氛。午餐方面，主打喺馬來西亞喇沙及肉骨茶，但亦顧及其他客人需求，亦會提供其他菜式，就好似今日所見，喺一系列日式丼飯。據店員所講，餐牌都會不時更換，此外，小店不設加一服務費，但就歡迎小費。餐點已包咖啡或熱茶，但亦可以加錢轉為果汁或其他特色馬來特飲。秘製馬來西亞咖喱喇沙麵（惹味肥牛堆）$98以喇沙湯底為基本，可以選配鱻魚、肥牛、炸雞或海鮮，當然，價錢有唔同。小弟就揀咗肥牛堆，果然啲肥牛堆到個小山仔咁，並伴有大量銀芽、豆卜、溏心蛋，金黃嘅湯色非常對辦，店員更強調佢哋唔用味精

在中環大館附近幾條街都不難找到好野食。前排同朋友誤打誤撞下走入了寧靜小區，發現了一間非常用心的馬拉菜！店內格調幾舒服，有唔同國家菜式選擇，但馬拉菜應該是當中最出色用心的。非常欣賞這個火熱砂煲肉骨茶（跟白飯），煲的方法充滿馬來西亞風味，飲落去好香好舒服。原來老闆和老闆娘都非常講究食材和健康，所以成份天然，而且煲的期間不會加水，味道濃香得來不會好俗，是用心之作。另外有心思的地方是他們的肉骨茶是用上豬軟骨，用3日時間整的，可以說是慢工出細貨。以他們的價錢來説，心思絕對超班，更不用擔心肉骨茶無肉食到，絕對粒粒都有軟香肉！秘制馬來西亞咖喱喇沙湯麵也同樣有心思，是吉隆坡口味的咖哩喇沙，椰味雖然不太重，但天然的菜蔬香甜、果糖味，配上微辣口感，非常有特色，忍唔住係咁飲湯底！喇沙可以配一款餸，選了脆炸梅子一口雞，脆脆的外皮有點甜甜的梅香味道，內裡肉質嫩滑。和朋友都好鍾意食雞翼，餐廳還有泰式香茅雞翼和馬拉醬雞翼，兩款都非常惹味清新，又不會好肥膩。想不到飲品同樣有心思，泰式香茅班蘭葉薑茶加了lemongrass，飲落去好relaxing，有點似在泰國度假的感覺。而且就算是凍飲也不會太凍，配上微微班蘭香味，的