青花亭 (Closed)

自從有咗黃色經濟圈我地就盡量搵黃店食今次比我地搵到間性價比極高既店鋪頭有兩層主要用木同青花瓷做裝修好靚Lunch set都唔貴 有哂餐湯同飲品仲會有學生優惠啊雖然我不是學生哈哈我哋都因為佢menu吸引所以試一試！洋蔥湯好飲！淡淡洋蔥味亦有好多洋蔥唔會太濃太膩比平時白湯或紅湯更好有誠意跟餐既美式咖啡 有 驚 喜 佢既質素係出面精品咖啡店 $3x杯既質素酸度夠咖啡愛好者更加要來呢度跟餐咖啡也是好咖啡我嗌咗個 西班牙紅蝦意大利飯$65 意大利飯有咬口！好食！個汁係濃濃既龍蝦汁！好鮮味而個蝦不是全熟有少少似刺身輕輕煎過～蝦味不是太濃但個口感似食緊赤蝦刺身好正哈哈老實講咁既價錢仲想點？65蚊！係65蚊但絕對比油尖旺$130一碟既質素更好！好飽！極滿意！而男朋友嗌咗個煎封脆鯛魚佐茴香泥配香草醬雜菌意粉$98一黎到！靚到你睇下鯛魚個魚鱗！！！！炸到好似花瓣咁真係好靚而魚肉好滑！外脆內軟意粉亦十分高質！個醬食得出自己整不是出面好油膩個種香草醬雖然佢無個種咁香口但佢比較杰身就能夠掛哂起每條意粉度好好食呢餐真係好滿意好滿足！無論環境 服務 食物一流不是黃店我也會再來何況呢間店真係黃到爆希望佢能夠有更多同路

以白底藍花嘅青花瓷做主題的餐廳，位於雷生春隔離。裡面以白灰啡色調為主，牆上有一幅青花瓷畫，畫上一個市集景，灰色椅子，木紋枱，門外掛了一些紙鶴，播放輕鬆的廣東歌，這樣舒適的環境讓我可以坐很久。鮮帶子蜜糖芥茉雜菌意大利飯(HK$168)嘩，賣相超靚囉！面頭的2大粒帶子，煎得靚靚的金黃色又好厚肉，鮮甜美味。綠色的意大利飯是軟腍但口感仍是食到一粒粒的，滿滿的香草醬味道，很好味呀～餐湯 (+HK$35)是洋蔥湯，幾多洋蔥片在湯裡，洋蔥甜味，味道都唔錯。奶蓋鮮奶焙茶(+HK$6)大大杯有層次感，厚厚一層奶蓋，香滑口感，甜甜地，好好味。中間有一層冰，用嚟晾起啲奶蓋。低下一層就有鮮奶，最底層是焙茶。把所有野攪勻後，焙茶味道很濃烈，也與鮮奶和奶蓋很配合，正呀～