金撈老鴨湯刺身火鍋專門店 (Closed)

曾經在國內品嚐過正宗的老鴨湯，這幾年封關冇辦法再一嚐滋味，慶幸在香港也有一間專門製造老鴨湯的火鍋店，而且味道絕對拍得上國內知名食店。前菜先來一個椒鹽粟米，炸得乾身之餘可以配上一杯冰凍啤酒，又或者一面喝湯一面來一件也是絕配。如果係熟客仔又響OpenRice出過食評，記住問店員攞優惠，大大條活魚刺身立即奉上。火鍋料也絕不失禮，安格斯牛頸脊肉質亂畫有牛味，比得上有評級的牛肉，如果不怕肥的朋友，脆炸午餐肉是必點的項目，正式或是放湯同樣美味。唐生菜也絕不欺場，每一棵都有揀過，絕對無壞菜在其中。除此之外，雖然打邊爐很少會叫丸類，但鵝肝墨丸一定要必點，內裏包含着切粒的鵝肝，貨真價實。

推薦活魚刺身+椒鹽魚骨刺身新鮮，魚肉爽口，加錢可以將魚骨炸脆做椒鹽魚骨，送酒一流老鴨湯惹味濃郁，先喝湯後打邊爐，所有材料已經好鮮味。雖然枱上有勁多蔥、蒜、辣椒、沙嗲醬等火鍋調味料，但基本上都冇用過麻辣皮蛋都好正，鍾意食辣的不妨一試

今晚同公司同事聚會，諗住睇下公司附近有d咩野食啦，搵搵下就搵到呢間火鍋店啦！佢地見我地咁多人，就安排左間房俾我地啦！一黎到就叫左佢地個招牌金撈富貴老鴨湯同埋花膠重濃湯雞鍋。佢地呢到主張係先飲湯，後打邊爐。一飲落去就覺得味勁濃，飲落去就知一d味精都無！之後再叫左佢地個牛肉拼盤！牛味好濃！佢地仲送左個活魚刺身俾我地tim！今晚食飯真係好滿足！

服務員熱情及態度貼心，勇於介紹不同的食材。首先，松茸老鴨湯底一流，未飲個香味已經非常吸引！😍湯底又香又濃，鴨肉可以兩食！鴨肉可點自家整辣醬，又可以與湯一齊飲！活魚刺身連金箔，非常新鮮！支持五一黃金周🖐🏻☝️

樣樣都好好味，個湯用左幾個幾個鐘煲，好清！飲左幾碗，唔油，又有個祕製醬，少少辣，好正！牛嘅部位又特別。第二度無。又唔貴，樣樣都正，好有heart，服務又好。活魚又正，真係生猛嘅，又可以加錢椒鹽，好正！然後，份量好大，食唔晒，脆鯇又新鮮。又有鴨血，又多特別嘢，日本水晶寬粉。揸車黎都方便，附近都易泊車