五目屋

Open Now

Now Closed

可以

係灣仔附近返工嘅朋友推介依間小店，今日係附近經過，就同男朋友入黎試下😋😋餐廳裡面好光猛，唔算大但坐得唔算逼。牆上仲有一幅餐廳創作嘅壁畫。我哋第一個主食，那當然唔少得吉列豬扒蛋包飯😋吉列豬扒炸到好香脆，唔會覺得好油膩，好厚身，食落去口感鬆軟。蛋包飯嘅雞蛋好滑好濃香，食落好正🤤另外一個主食，我哋叫咗流心芝士漢堡扒蛋包飯。個漢堡扒真係冇得頂，調味啱啱好，加上漢堡扒中間有爆汁嘅流心芝士，食落去真係特別滋味，我哋真係食唔停口。另外，我哋都叫咗芝麻雞翼。雞翼炸得好香脆，唔會好乾，中間啲肉質好嫩，咬開嗰陣肉汁流晒出嚟🤤另外一個小食，我哋叫咗大阪醬燒章魚丸子。章魚丸子食落唔會成口粉，細細粒，啱晒貪食嘅我🤣另外，我哋都叫咗一份牛乳蟹肉可樂餅，都好好味😋嘢飲方面，我哋叫咗兩杯柚子檸檬梳打。飲落好清新，唔會好甜，真係夏天嘅最佳解渴飲品。

午市時段，港島地區特別多人，難等位之餘又唔知上菜要幾耐。 我和同事第2次過來，2次都一去到就有位，可以即刻入去坐。坐位簡單乾淨，兩旁牆上有大大的日式圖案。現在流行電話點菜，這間店雖然細，但都有電話自助落單，方便簡單。我們叫了2個飯，及2個小食。首先是流心芝士漢堡蛋包飯，我們跟侍應講要少飯，特別要求無問題。碟飯來到份量都算大碟，咖喱汁多，切開漢堡扒有芝士流出，味道都OK。蛋夠滑，咖喱味不會好濃厚，食落不會太流，女士來說都合適！而吉列豬扒蛋包飯，吉列豬扒外層炸得脆口，粉醬不會太厚，豬扒不會硬，出面其他有些店的豬扒肉很少，最邊那塊只食到炸皮沒什麼肉，但這兒沒有這回事，厚度都適中，不會太薄！而且鋪滿半碟，賣相很好！👍至於五目炒野菜，比想像中好食！多菇，菜爽！味道夠，亦不會太油！讚！👍最後是豆腐沙律，豆腐比想像中細，因為餐牌的豆腐是一整件，而上菜的比較似切了片的，雖然不是薄切，但跟餐牌的相還是有點出入，希望店家留意！味道都OK！價錢在這區來説不算貴，總體都值得比個LIKE！ 有改善空間，值得再幫襯！