亞參雞飯 (太陽廣場)

Open Now

Now Closed

同FD行街，未夠6點半，好多間食嘢鋪頭已經排長龍，見到亞森仲有位，行落去試試。我哋揀咗海南雞飯，咖喱豬扒飯，肉骨茶飯同巴東牛肉飯。海南雞飯睇落好正，雞肉好大一份，食落好滑好嫩，OK喎。巴東牛肉飯都OK，牛肉好大一件，分量都算多，不過醬汁甜左少少，食多好膩。肉骨茶飯同咖喱豬扒飯就出左事，咖喱豬扒飯裡面加左秋葵，啲秋葵好似沒煮過一樣，好硬同埋食落口感好奇怪，所以只有豬扒可以食。肉骨茶飯上來就大鑊，86HKD一份，只得4件豆腐，2條排骨，豆腐同排骨仲好細件，4個人都唔知點分好。肉骨茶湯唔錯，飲得出喺加左好多料一齊煲，但喺裡面啲餸就真喺太少，就算排骨貴，比多啲蘿蔔，豆腐都唔算過分啦。哩間餐廳價錢真喺唔平，平均90HKD一份，仲唔包飲品，不如去食另一間亞X好過啦，平平哋60幾已經有飲品同湯啦。

最近太陽廣場開了幾間食肆, 開業兩個月第一次到臨，因喜歡食海南雞所以選擇了亞參。我們要了海南雞飯和喇沙，海南雞飯伴著雞湯、雞油飯、3種醬汁。首先喝了一口雞湯，雞味十分濃郁，再加一口雞飯，飯很入味也不太肥膩，主菜有雞胸及雞肶肉，個人雖然只喜歡雞背部份，但都覺得雞肶好滑,雞胸礙於本身是比較鞋颯颯，所以不會期望太高不過也好入味。要推介嘅係伴碟醬汁，有蔥油、泰式酸甜辣醬和黑豉油，侍應說黑豉油是放在雞飯裏一同吃，但我個人覺得跟雞肉一同吃比較美味，泰式酸甜辣醬不太辣跟雞同吃有點睛的效果，我們是三種醬汁也差不多吃完。接著說一說那碗喇沙，看上去很濃郁,，但食落去就覺得比較淡，不知是否用米線關係，如果用油麵會不會好些呢？如需要飲品就要加十元，我們要了馬來拉茶及香茅薄荷特飲。特飲是雪碧加薄荷葉再加少許薄荷汁及用一支香茅作攪拌棒，味道很清新，奶茶就一貫的甜不過只係小小杯飲曬都無妨。在尖沙咀區這也是一個很好的選擇。