Cambo ขุนทอง (The ONE)

Open Now

Now Closed

中午時間有好多人食🥢，午市套餐都有好幾款選擇，有湯有飲品👍🏻幾啱附近返工既人//泰式去骨海南雞飯//雞肉滑嫩油香充足，份量都唔細，雞皮都有咁上下厚度，食落夠哂爽口，加埋醬汁撈飯一流//菠蘿焗飯//百吃不厭的泰國菜，味道酸酸甜甜好好食！有菠蘿、肉鬆、大蝦，賣相同味道都好得，可以encore//泰式串燒//豬肉夠香口，點上沙爹醬，味道不錯～牛肉同雞肉都醃得好好//特飲-椰汁珍多冰 & 青檸梳打//套餐加錢可升級特飲環境都唔錯，坐得幾舒服

朝早 11點幾 12點，得 2個職員，餐廳2枱客，等咗一陣先有人帶位。不過門口帶位職員態度係OK 嘅 ，見我哋張枱搖，主動拎嘢嚟攝返平 叫咗 2個SET LUNCH （好似$7X/餐）再散叫碟炒椰菜苗海南雞我轉咗白飯，雞大約有 5 舊青咖哩都多牛腩，但個咖哩完全無味，好似水咁。。。  椰菜苗好油，得個咸，而且好細碟 ，好似蒜頭多過菜咁  以前食過係OK 嘅，可能因為係晚餐？ 而家感覺就好似食緊前一日嘅剩餸咁 PS.隻碗仲痴住上手啲咖哩  

難得放假上網買了The One戲飛，曾經有同事提及這家cambo泰國菜味道不錯，路過看見lunch set算優惠，食個午餐再去看戲。泰式青咖哩牛腩鍋以火爐式送上，略嫌開始時未夠熱。青咖哩味道偏向清淡，牛腩，茄子和翠肉瓜等隨著時間在火爐上煮得恰到好處，需要耐心等候才更加出味去骨海南雞飯雞肉鮮嫩，醬汁獨特美味，油飯味道偏向清淡凍椰汁椰汁冰味道香濃，甜度適中咸檸梳打無糖咸檸檬混合來自泰國的梳打水新鮮感倍增青咖哩與白飯食至餘下四份一被突然收走，耐心等待至滾燙的青咖哩就無情地消失，結果吃得不太飽。

行完尖沙咀見到一間食泰國餐嘅餐廳就入去試一試勁多泰國嘢食睇到眼花撩亂價錢非常之合理鹹柑桔梳打鹹柑桔夠晒鹹去骨海南雞雞肉鮮嫩多汁配合黃姜飯一流泰式炸魚餅魚味濃郁魚肉夠晒彈牙泰式炒西蘭花香味十足口感豐富泰式生菜包夠晒乾身配合生菜天衣無縫內裏環境相當之寬敞仲有空氣淨化幾上菜速度都幾快同三五知己嚟食坐低傾吓計飲下酒一流

呢個午餐menu 好似用左好多年都冇變過⋯希望佢地會更新啦，食多幾次就悶。青咖哩牛腩鍋味道正常，都幾香椰味。冇乜辣味所以唔食辣嘅人都會食到。有個爐一路煲住所以keep到熱辣辣（到後期請staff關左個爐）。仲要第二次食到呢個鍋入面有頭髮⋯牛腩唔係好多舊，牛筋比較多，有幾舊煮得夠淋，有幾舊就唔淋。不過不實。個餐湯都咁多年嚟冇轉過款，所以冇失望都冇驚喜。海南雞飯朋友食，所以唔知味道。但以呢個價錢，雞嘅份量算少。唔會再嚟，唔想再見到頭髮。又唔換menu。

今日難得平日放假同屋企人去尖沙咀The One搵嘢食。想搵一間坐得舒舒服服嘅餐廳。見到呢間泰國餐廳環境好好，而且好有風味，見到入面座位仲有落地玻璃，好開陽，就一於入去試吓。去骨海南雞飯，好有雞味，油飯好正。去親泰國餐廳，我哋都會嗌拼盤。呢個拼盤非常豐富，而且熱辣辣好吸引。配埋醬汁好好味。生菜包，份量都好多。肉碎帶少少辣，食到好開胃。椰汁綠豆冰，當你食到口腔辣辣地既時候，喝一啖，真係好舒暢！最後加埋個芒果糯米飯，椰香滿滿，芒果又多，糯米有好軟熟，簡直大滿足😍

🔸泰式青咖喱軟殼蟹鍋配印度薄餅($96)分數: (7.8/10)軟殼蟹另上，炸得好香脆，食先至點咖喱唔會浸冧哂。青咖喱少少辣，甜甜地，點薄餅食好開胃入面仲有豆，茄子薯仔。唔夠喉，我地仲(+$15)嗌多個白飯添。.🔸去骨海南雞飯($72)分數: (7.6/10)海南雞多肉，幾滑，配埋個辣汁餸飯一流。油飯唔係話好濃味，幾乾身，粒粒分明。湯較濃味，有冬瓜，蒜，芫茜。.🔸泰式炒椰菜苗($66)分數: (7.8/10)通常泰式餐廳先有椰菜苗。味道香口惹味，但我唔覺得有辣。.🔸香芒糯米飯($55)分數: (7.8/10)芒果好甜，糯米飯好煙韌，白糯米較黏身，紫米則較有咬口。

係tst 諗唔到lunch食咩好 朋友就推介左呢間泰國菜食物方面都算正正常常我地2個人都叫左個lunch set 有湯，飲品同主菜個湯係冬瓜湯清清地 飲落都幾舒服主菜就叫左個海南雞飯 個飯係油飯 有雞油既香味 又吾係加粉去調色 雞既份量吾算太多 但一個人都夠食 仲有椰菜墊底泰式豬頸肉濕炒河 好多蔬菜🥬！豬頸肉都吾少 但面頭都幾多胡椒粉 我就覺得多此一舉 本身既調味都幾夠味 味道適中 中規中矩啦 服務方面：係門口侍應就帶左我地坐出面既枱 但因為衛生問題我地就要求坐餐廳入面但係侍應就吾比 最後我地同左另一個侍應講先可以入到去 呢點我就覺得吾太好

話說之前同朋友行開尖沙咀，看到The One 入面有一間泰國餐廳非常受歡迎，平日夜晚都幾乎爆滿。於是就一直都很想去試一下，碰巧今日放工後亦約了這位朋友去尖沙咀逛街，於是就提早一點打去餐廳訂座。我們訂了7:00，餐廳都已經幾乎全場爆滿了，非常受歡迎。這間Cambo 價錢來說並不是太貴，而且亦有很多不同的泰國食物，如果多人來食的話就可以點多幾款了。▟ 1. 泰式豬手豬脾煲看到餐牌這味菜正做優惠，一於試一下泰式豬手的味道。餐廳會附上明火供熱，所以豬手煲可以保持熱辣辣，入口的膠感沒有走失。而味道方面，泰式豬手是相對港式的甜一點，加上其豬手醬會令到更加豐有泰式味道。▟ 2. 去骨海南雞飯海南雞經過去骨的處理，十分適合懶人食用。同樣道理，Cambo 特製的醬汁會令到海南雞更加香口，令普通的雞件增添了泰式的風味。不過，我略嫌黃油飯比較硬身，如果做得淋濕一點，口感會較好。▟ 3. 生菜包另外，我們就點了一個小吃，就是泰國特色的生菜包。生菜包有豬肉和豬肉蟹肉兩個選擇，我們就點了豬肉的。這裡的生菜包辣度相對較強，將生菜包上豬肉後，味道對比很強，生菜的清新感與豬肉的香辣感混在一起。▟ 4. 椰青泰國椰青亦是

今日中午過尖沙咀食飯。朋友想食泰菜，我就提議黎呢間The One 入面既Cambo。呢度菜式真係平靚正。<泰式炒粉>（$69）用甜甜啲既醬炒，落啲青檸，夠曬有泰式風味，最貼近我最鍾意既Pad Thai！<蒜蓉炒椰菜苗>（$66）椰菜苗比較少食就黎食下。同椰菜一樣幾有咬口。有四款炒法，我地揀左蒜蓉炒，好香！<海南雞飯>（$68）雞有四件左右，全部都超嫩滑，配埋個粒粒份明既油飯，正！<串燒三條>（$56）豬、牛、雞各一條。上面用左啲甜甜地既醬燒，旁邊陪一啲唔辣既沙爹醬。份量幾大，滿足！<芒果糯米飯>（$55）呢個芒果糯米飯份量性價比係我近期食過最高既。芒果有好多片，夠鮮甜，糯米飯仲有白糯米同紫糯米兩款，加左椰漿不得了！呢度性價比好高，有幾款套餐$60-80包餐湯同飲品，而且冷熱同價，抵食！

海鮮波蘿炒飯正 加埋肉鬆一齊食 好好味只不過波蘿較酸生蝦刺身 蝦🦐好新鮮加埋蒜蓉辣椒一齊食 好夾不過怕辣既就要考慮下啦 有小小辣的海南雞配油飯雞肉去左骨 仲好嫩好滑 配油飯 會食上癮

Lunch time 黎到厚福街攞野，當然要食番餐好既先肯離去。但厚福街地鋪基本上都試過，要麼係甜品，要麼就係多人既「大餐」，所以2人轉戰對面商場覓食。飲食層既Cambo之前晚市試過，但當時趕頭趕命去樓上睇戲所以食得非常求其。今次見到原來佢lunch set好豐富又平！開係商場坐得舒服都係$60-$80，有湯有飲品，趁有位入左先豬手飯好似好正（但當日未有貨），所以退以求其次，食冬陰湯，友人叫左雞飯，再加兩樣小食！咩都可以試下冬陰大蝦： 大蝦非常欣賞，因為蝦身既殻已經清左，無蝦腸又甜，非常新鮮既感覺；湯入面有好多鈕扣菇，可以托住湯汁食好正不過本人略嫌唔夠辣同唔夠酸，味道足夠的但想再「爽」d! 另外有個青擰就好了友人既雞飯：油飯夠香又唔會超油，雞夠滑但就偏肥，我都係prefer冬陰功多d小食都係$60左右，我地叫左小沙嗲串（3串/雞豬牛各一）同炸蝦餅； 串燒好好味！唔點沙嗲都已經好好食，肉又夠彈牙，一d都唔硬，仲分到雞/豬/牛既味，唔似出面有d餐廳燒完d肉難分難解 xD炸蝦餅*非*常*彈*牙！ 香脆之餘唔油！蝦肉好實淨，唔係加好多粉，有蝦既鮮甜味，好食！另外一提，冰咖啡都不錯，係一個好完滿

Cambo 位於the one 4樓， 餐廳樓底高， 裝修設計也很精緻 ，坐得舒服。海南雞飯海南雞皮爽肉滑， 雞肉已經去骨, 雞肉嫩滑有彈性 。 雖然油飯份量唔算好多 ， 但油飯選用尖長泰國米，香茅味重而且帶光澤， 泰式醬 酸甜辣恰到好處，帶點薑香非常醒胃，濃黑豉油 味道濃 ，配上 新鮮嘅香油雞飯， 非常好味。泰式拼盤香葉包雞， 雞肉肉質嫩滑之餘，有班蘭葉獨特的清香味， 配上泰式 辣醬以及魚露醬 ， 味道更上一層樓。鳳尾蝦春捲一條春捲包著一隻蝦，原隻中蝦，蝦味十足， 熱辣辣又脆卜卜。泰式炸蝦餅炸蝦餅爽口彈牙， 能吃到粒粒蝦肉之餘，帶點不均勻的蝦肉，吃起來更添咬感。泰式炸魚餅泰 式魚餅！味道帶點微辣，帶着泰國料理一貫的檸檬葉味道，實在讓人吃不停。泰式豬頸肉炒河豬頸肉炒河，除了有豬頸肉以外，還有其他蔬菜如椰菜蘿蔔等等， 炒得非常惹味， 而且油份也沒有想像中的多。芒果糯米飯糯米飯有兩球，有紫糯米和白糯米， 椰漿暖暖甜甜，米飯軟硬間的拿捏十分適當，芒果甜中帶一點酸味， 非常適合做飯後甜品。

因為太忙，好耐無寫食評了！今晚約了朋友去睇頒獎典禮，所以安排吓食咩先！原本諗住去飲茶食點心的，但訂唔到位就改食泰國菜，於是上 openrice 訂位。訂左4:15pm，餐廳座落於THE ONE，坐位設於店外和店內，商場人來人往，我哋都唔想坐在餐廳外的坐位，所以取位時問侍應有冇窗口位，她說暫時未有要等，等候期間我見窗口位有張4人枱未有客的，可能我哋得2人所以唔比得我哋，大約15分鐘後還未有動静，我又問吓侍應係咪還未有枱，過了片刻就帶我哋入坐剛才那張4人枱，但要6:00結帳，因有客人訂了位，現在才4㸃幾，時間尚早當然無問題啦。兩個人叫些小食再炒碟粉都應該夠吧！先來個串燒沙嗲牛肉和鷄肉，朋友話近期豬瘟問題，唔想食豬，所以就無叫豬肉。兩款肉質都稔唔鞋口，但沙嗲醬就稍為失色，香味和辣味都唔夠，所以令到串燒唔夠惹味和香口。串燒墨魚丸都算爽口的，由於醬汁是串燒的靈魂，卻因沙嗲醬味道稍遜色，墨魚丸只能是平平無奇的味道。泰式炒粉，朋友說是此店的名菜，於是就㸃來試吓，賣相普通，份量覺得有D少，蝦同粉似是各自分開炒再併在一起，唔夠熱辣辣，感覺有D唔夠鑊氣，味道一般，並非想像中咁出色。海南雞飯，因個炒粉份量少

約咗妹子放工去尖東聽健康講座，醫咗肚先至去，唔知食咩好，妹子上網搵咗間响THE ONE嘅泰菜，好耐無食家鄉菜嘞，一於就食佢啦！去到時間尚早，唔駛等直接入坐2個人食少少嘢就夠，叫咗個大蜆鍋、椰菜苗，再加個去骨海南雞飯。食泰國嘢蔬菜鍾意叫椰菜苗，好少會叫平常也吃到的通菜。泰式炒椰菜苗顏色不錯，熱騰騰香味吸引，椰菜苗咬落有質感，似用豆醬加蝦米炒，比馬拉盞炒的低調些，份量唔算多，OK。去骨海南雞飯份量同樣精緻，雞肉無骨唔鞋，味道適中不錯，油飯香噴噴幾好，整體合格，可以一解鄉愁。泰式明爐大蜆鍋聽個名已聯想到常見的明爐魚鍋，不過佢唔係用魚形碟而係瓦煲，一上枱就聞到陣陣開胃的酸味，6隻大蜆圍在煲邊，中間塞滿蔥、芹、薑絲、香茅、肉碎、洋蔥和酸菜.....大蜆是花甲皇吧，成隻匙羹咁大隻，鮮甜美味肥啲更好，好味!