西貢金雞海南雞

Open Now

Now Closed

支持港產片，今個月睇咗三套🎬《明日戰記》、《阿媽有咗第二個》、《緣路山旮旯》。尋日咁啱要去荃灣，就憑票尾去金雞換免費海南雞飯，排咗近一個鐘，6個人6張票尾換咗6盒飯仲送埋例湯🍵雞件有雞肶、有雞翼、都有雞胸，d肉都好滑，皮夠爽。點雞食嘅醬汁有酸辣汁、黑醬油同蔥茸，都好好味湯係用雞骨煲嘅，有好多南瓜蓉同青、紅、白蘿蔔粒，好足料又好味。油飲好好味，份量又多，一個人食一盒好夠飽。呢餐免費餐大家都非常滿意

前一日剛在西貢總店食了海南雞飯，一搜尋之下知道荃灣也開了分店，便來試試。中午雞飯有三個選擇，海南雞飯（大）48元海南雞飯（中）42元下午茶海南雞飯（小）30元一坐低店員即刻問我要咩，叫了中的，2分鍾後呈上，還有一碗老火湯，雞飯是比總店的有點唔同，但都很美味呀,飯是靚米，加埋雞油又香又滑。42蚊有靚米靚雞靚湯仲要求什麼？雞件可多兩件，唔夠喉，唔夠送飯呀！由行入店內到食完只用了20分鍾，趕時間之選。清清淡淡又一餐，會成為我飯堂之選。

下午茶份量只有一碗大家樂細細碗叉燒飯嘅size。我明明係嗌魚蓉肉餅，點知啊姐上左海南雞飯，我又矇盛盛食左一舊因為一開始諗左好耐雞好定肉餅好。我同啊姐講，啊姐就冇乜禮貌咁話你啱食架啦價錢一樣你都唔使加錢！跟杯少甜凍奶茶，聽住啊姐就咁嗌入廚房話爭杯奶茶又冇講明少甜，上個時問佢係咪少甜佢話我張單冇寫但係廚房知，佢地先冇理！結果我個杯奶茶其實冇少甜到囉。埋單 連凍飲＄33其實唔抵。呢間野係幾好食但係啲啊姐真係趕客架囉！