Video
Read full review
2022-08-07
298 views
鋪頭裝潢比較簡單，不過食物既質素一定係優先過環境～由於唔太肚餓，所以我同朋友今次只係叫左個一人餐再加一份小食😆先講獨食一人套餐($70)主食有幾款選擇，黎得海南雞專門店，當然要試下佢地既海南雞飯！跟餐仲會有一碗老火湯同埋一碟青菜🥬雖然係一人餐，但雞既份量絕對唔少👍🏻而且雞肉好滑，完全唔會柴😋而海南雞飯既精髓就係三色醬，朋友最鐘意就係黑豉油醬，覺得佢甜甜地唔會過咸用黎點雞仲可以提升雞味。😄而我就鐘意酸辣汁，夠哂開胃，食完一舊接一舊。唯一扣分既油飯比較乾，唔夠油潤😕老火湯係西洋菜豬骨湯，足料之餘冇落味精而且好有屋企既味道😋雖然食果日天氣好熱，但飲到一碗住家老火湯成個人都好舒服😌另外我地都叫左一份小食: 黃金雞卷($35)雞卷即叫即炸，咬落好脆口但雞肉味唔算突出😝呢款小食比較偏向台灣菜，出面好少會食到呢種雞卷。因為我屋企會成日整呢款台式雞卷，所以對我黎講唔算太突出。總括黎講，我地兩個人叫左一個一人餐加一款小食都食到好飽。埋單$105，like佢地ig仲會有九折，$100蚊唔洗就可以兩個人都食飽真係幾抵食🤩
不過食物既質素一定係優先過環境～
由於唔太肚餓，所以我同朋友今次只係叫左個一人餐再加一份小食😆
先講獨食一人套餐($70)
主食有幾款選擇，黎得海南雞專門店，當然要試下佢地既海南雞飯！跟餐仲會有一碗老火湯同埋一碟青菜🥬
獨食一人餐
19 views
1 likes
0 comments
海南雞飯
18 views
0 likes
0 comments
雖然係一人餐，但雞既份量絕對唔少👍🏻
而且雞肉好滑，完全唔會柴😋而海南雞飯既精髓就係三色醬，朋友最鐘意就係黑豉油醬，覺得佢甜甜地唔會過咸用黎點雞仲可以提升雞味。😄
而我就鐘意酸辣汁，夠哂開胃，食完一舊接一舊。唯一扣分既油飯比較乾，唔夠油潤😕
老火湯係西洋菜豬骨湯，足料之餘冇落味精而且好有屋企既味道😋
雖然食果日天氣好熱，但飲到一碗住家老火湯成個人都好舒服😌
黃金雞卷
28 views
0 likes
0 comments
另外我地都叫左一份小食: 黃金雞卷($35)
雞卷即叫即炸，咬落好脆口但雞肉味唔算突出😝
呢款小食比較偏向台灣菜，出面好少會食到呢種雞卷。
因為我屋企會成日整呢款台式雞卷，所以對我黎講唔算太突出。
總括黎講，我地兩個人叫左一個一人餐加一款小食都食到好飽。埋單$105，like佢地ig仲會有九折，$100蚊唔洗就可以兩個人都食飽真係幾抵食🤩
Post
