翠華餐廳 (Closed)

適逢某大學舊生會歡樂時光聚會於中環老蘭，余氏伉儷相邀同往，逗留了一、兩句鐘，認識了些新朋友便離開，余氏伉儷問有否興趣共晉晚餐於翠華，說真的，中環這翠華是名牌，未試過有點遺憾，因緣際會，一於奉陪。余氏伉儷名字裏都有一字，合併起來讀音是「姻緣」，他們在外國負笈至共諧連理，不得不說是段好姻緣，多與他們接近也可學習夫妻相處之道，有誰不想有好姻緣呢？進入翠華，食客頗多，我們上了樓上雅座，余氏伉儷點了海南雞飯和墨魚丸米線，而我點了鹿兒島豬軟骨米線。海南雞飯，雞飯只得層油，無香茅等香味，雞肉普通，不能要求有軟滑有雞味，至於湯是啥味道則不便細問。墨魚丸米線余太說OK，而我的鹿兒島豬軟骨米線，真不可考究是否鹿兒島有這種食品，還是一碗普通米線冠了一個東洋地方名便可多收十個八個銅板，論味道，豬軟骨部份的處理是最重要，軟骨輕咬已斷有咬口，肉炆得很腍，醬油味濃郁，米線也QQ，湯底真材實料，我很滿意。感謝余氏伉儷經常關顧我。

前幾日做嘢做到8點幾，返唔到屋企食飯，仲好攰丫，於是就約埋D同事出街搵嘢食，但又唔希望好貴，有個男同事介紹咗去附近有間翠華餐廳 呢間餐廳以前我都去過三四次，覺得都ok嘅，於是我哋四個就去翠華啦。。 我叫咗一份叉燒飯，可能係因為肚餓嘅原因啩，覺得呢盤叉燒好好味，我全部食嗮喔。。仲有一杯凍奶茶，都不錯。。 阿壁叫左一份海南雞飯，我試咗一啖，ok！ 仲有兩味餸我唔記得咗叫咩名，不過睇嗰樣都不錯。 仲有一杯飲品 叫 山楂冰鎮紫貝天葵 哇 個名好複雜呀 哈哈 總之食完之後好飽。。。。又有力氣返工啦 哈哈