築地‧山貴水產市場 (Closed)

期待已久既築地山貴水產終於開業，趁LUNCH TIME滿心期待走去食野產品售賣區本來目標係去食丼，但等位人龍長到飛起，唯有轉去食包包。在LOBSTER ROLL觀察了良久，賣相好吸引，不過就沒有足夠用饍空間提供，好唔方便，買完個包都唔知去邊樹食好。去到先落單比錢，D包全是即叫即造。見到個海膽包好驕小可愛賣相很不錯，外觀指數很高啦海膽新鮮 ，還有幾粒三文魚籽，至於個包呢..... 偏乾不軟熟 一盆盆龍蝦肉龍蝦包要成$168一個，真係好貴，心想龍蝦喎，好味的話一定值得既!龍蝦包有分半隻和一隻龍蝦的份量，而包底不變都係一個既，一隻龍蝦份量望落實會豐富D；麵包有分軟包或硬包，我好鍾意食硬朱仔包(外脆內軟好鬼正)，所以揀了硬包。 龍蝦啖啖肉尚算可口，但食個包呢..... 嘩~ 個包真係乾爭爭鞋烚烚，完全唔係新鮮包，食了兩口真係要放棄個包只食晒D龍蝦肉咋，再食個包會食損個口囉 !   最後睇報紙發現，原來LOBSTER ROLL又係香港人開咋 ~ 仲以為成間都係日本正宗來港開店。仲要話曾經在日本學整麵包嘅老闆....... 反而最失敗就係個包，雖然龍蝦包同海胆包個主角必然係龍蝦同海膽，但包都好重要