Monster Sushi (Closed)

幾個月前曾經食過, 都覺得ok, 啲嘢幾抵食, 又大件, 最鍾意啲飯細細舊, 刺身大大舊, 但今次真係嬲到震!!!! 天氣已經熱架啦, 仲要我哋坐出面, 雖然都係商場內, 但一啲冷氣都冇, 得把唔涼的風扇, 咁多客都唔知吹到邊個??我哋係食正價的, 唔係食9:30得, 啲食物都咁, 真唔知宵夜時段啲壽司有幾難食??鰻魚壽司: 普通, 喺嚟餐嚟講算好好食軟殼蟹壽司: 平時係食開手巻, 但今次試壽司, 點知難食咁多, 啲軟殼蟹啲粉太多, 又唔脆, 好淋, 亦食唔出有蟹味, 失敗芝士鴨血串燒: 好難食, 一啲都唔夾, 又係凍上海膽壽司: 都叫保持水準, 好好味腐皮: 我冇食, 不過我朋友都係食完一隻得, 就有人再食芝士八爪魚壽司: 一啲都唔出色帆立貝壽司: 上次嚟食係因為佢大件夾抵食, $28!!! 但今次佢樣冇咁靚之餘, 仲要加埋價$35(鵝肝燒牛肉壽司: ok.....鵝肝太細, 但味道很夾玉子: 係全晚最好味的食物, 正!!!! 不過我哋亦都試咗鰻魚玉子, 松葉蟹膏玉子, 但都不及淨玉子好味!!!三文魚壽司: 超失望, 以前真係一隻碟咁長的三文魚, 而家簡直係將佢一分為二, 好嬲!!!

婚後的怪獸當然唔係指我地咁快有左啦。結婚當日真係又累又無啖好食，今日出旺角還衫，才算是第一餐好ｄ的飯，所以揀左呢度慰勞下自己。因為我地去到都晏，所以唔駛點等位，而且仲有卡位添。以下係我地叫左的壽司。蟹膏玉子：Monster既樣真係好得，睇到都流口水，但蟹膏唔夠濃，玉子唔夠滑，有點金玉其外既感覺。三文魚壽司：三文魚件件都咁靚，食落都唔錯，三文魚好長，直頭可以包住舊飯咁，正～芒果三文魚腐皮壽司：一件腐皮有三文魚粒、芒果、蟹子，裝在腐皮上，老公覺得幾好味，幾樣野配搭出黎幾好，清清地，每次都叫呢。帆立貝壽司：好大件，帆立貝唔止大，分分鐘仲重過舊飯。帆立貝上面有少少調味粉，都係必吃呢。海膽壽司：海膽好多，鋪到滿瀉咁制，抵食又好味～鰻魚壽司：鰻魚好長，但其實唔算好大件，鰻魚唔夠肥美，不過不失啦～軟殼蟹手卷：軟殼蟹隻爪長到出晒位，肉多但其實味道一般，可能因為唔夠醬啦～松葉蟹軍艦：無乜特別，唔知貴在乜，蟹味又唔夠，食過一次就夠了～辣味八爪魚軍艦：唔係好夠辣，但都係好足料，合格啦～之前頭兩次食真係覺得好好味，今餐可能因為近排無啖好食，所以都係好味的，但唔知點解都係覺得無以前咁好，可能真係好似前面食友咁講

大約七時半在朗豪坊看完電影，Monster Sushi竟然少有地不用大排長龍，當然要試試。雖然近來Openrice多了很多對Monster Sushi的劣評，但我認為這裡的裝潢是不得不讚的。我們被安排坐在看到天冪的位置，燈光較暗，感覺很愜意。餐牌上的選擇不多，而且當中有很多創作壽司都看似怪怪的，我們還是選了較穩陣的壽司：三文魚壽司2客：雖說是Monster Size，但其實三文魚只是比一般的長了少許。三文魚色澤有點怪怪，不知道是否燈光問題，但吃下去又頗肥美哦！玉子壽司：相信這個是自家制的，因為它是我們吃過最淡的玉子......燒三文魚壽司：這個有點失敗，吃不出微焦的香氣，也吃不出三文魚的鮮味。海膽壽司：紫菜脆卜卜，而且海膽的份量一點也不吝嗇，可是海膽味道很淡，大概因為不當造吧！軟殼蟹手卷：整頓晚餐最喜歡就是這個，軟殼蟹夠鬆脆，而且有不少蟹黃，特別的是它內裡並非純沙律醬，而是芥末沙律醬，少了酸味，多了點點的芥末香。A5和牛卷：雖然和牛只是薄薄一片，但牛味濃郁，在舌頭久久不散。可惜和牛卷上那點點的洋蔥末(還是蒜蓉?)味道太強了，有點嗆鼻，可放在碟邊讓客人自行添上。枝豆：它是用鹽水煮熟，並不