Little Tipsy Restaurant & Bar (Closed)

朋友帶我去觀塘搵食，話有間樓上西餐都唔錯。咁又好耐無食西餐，所以就上去試下星期六晚7點半上到去人唔算多，可能因為樓上既關係，但因為唔多人，所以如果帶d密友或者女性朋友上黎一路食飯一路傾計都路錯。咁首先叫左個脆炸蕃薯條，嘩熱辣辣咁上台，蕃薯條好甜，出面薄薄一層粉漿唔會厚，真係好推薦。主菜叫左個法式油封鴨腿，味道都好正，層皮都係脆脆，而鴨肉軟林林好入味，配薯溶好好食。朋友叫左個海膽意大利飯配巴馬臣芝士，意大利飯好正，一食落口首先食到海膽味，之後先再有少少芝士味，但美中不足就係海膽太既苦味太勁，影響左如果唔係就正好多。甜品最後叫左心太軟，雪糕係好食既，加上心太軟都好食，伴碟有d如左冰既紅桑子，覺得太甜既時候食少少中和返就唔會覺得太溜。

最近成日食好西，發現到要經營一間餐廳真係唔容易，所以都寫多左，希望更多餐廳可以被發掘，我都要繼續搵多啲好西先。呢度係朋友介紹，今晚同男友黎到浪漫一下，餐廳俾左張圓形梳化位，我地可以坐得好close，好開心因為唔係好肚餓，叫左兩個main cause 同埋一個side dish~再加近期大愛心太軟烤番薯條配酸忌廉，熱辣辣真係好正，脆卜卜甜甜地加加埋個酸忌廉我地好鍾意，但要趁熱食，咁先最正。海膽意大利飯，成行海膽，個汁好濃郁，入面都好多汁，飯同海膽一齊食，口感特別豐富，芝士味再加海膽鮮味，而脆肉瓜就中和返個口感，有啲脆口！唔會太膩～油封鴨腿都係我大愛，但好少地方有得食，呢度個size算大隻，厚皮脆脆地，肉質剛好，配埋豆豆同薯蓉食，會剛剛好，肉質的咸香配上調味薯蓉～心太軟個雪糕好滑呀，放係心太軟上面，令到食個陣，一口就有冷同熱既效果，加埋有啲熱情果汁同紅桑子，令個甜品唔會得個甜字呢度既食材配搭得好好，就算少少配菜都會考慮到味道同口感既配搭，很有心思！仲有好多不同餐酒可以配搭，不過要揸車，唔飲得