Olive ERA (Closed)

約咗男朋友放工去試新餐廳，之前網上已經預先預約，因為六點前有半價優惠！準時6:30到咗，發現餐廳都冇乜人環境都相當闊落！原本安排左二人枱俾我哋，但我哋叫得太多嘢食職員安排左我哋去四人枱，相當識做！啲嘢食水準都唔錯，有下次！

在屋企附近走走，夜晚經過黃大仙現崇山商場，就看到係地下的Olive Era，這家西餐廳外觀並没有什麼大特別，但餐廳環境夠大，所以就入去試下，果然没有令我失望。主菜分別叫左個龍蝦意大利飯，又叫左個海膽意大利面，齋睇圖感覺呢兩個最吸引，第一次食緊係叫個自己喜歡食又保險些的食物，前菜就叫左個龍蝦湯，同埋芝士煙肉及白汁菠菜焗蠔各一，這裡要贊一贊個Waiter，我原本仲猶疑咁食邊隻口味，個Waiter就好好咁提我地可以各一，咁就可以試哂2個口味。海膽意粉，入口淡淡的海膽及Creamy口味，没有太重的海水味，所以不好太濃海水味海膽的人一定喜歡，而我本人就係咁，所以食左一啖就停唔到口。龍蝦意大利飯，今次就係大隻隻的龍蝦，連個意大利飯都充斥住濃郁的鮮味，今次真係停都停唔到，十級推介。龍蝦湯，我最愛，雖然份量少，但真係真材實料，飲完全唔會口渴，證明冇加味精，抵贊。芝士煙肉焗蠔，芝士配煙肉，夠哂香、夠哂Juicy，我至愛。白汁菠菜焗，簡單但又意外好食既菜式。總括黎講，今次既晚餐絕對驚喜，只係屋村商場，但食物絕對係高級的質素。

今日去到黃大仙一個就腳得黎，環境恬靜既地方與女朋友共進晚餐。今日叫左唔少野食，第一樣係生蠔分別有Gillardeau no2 同fine de Claire no1食個海鮮頭盤開始今晚既晚餐～ 兩款生蠔感覺都算新鮮，加上檸檬汁幾開胃。之後叫左龍蝦濃湯，配搭既麵包同個湯幾夾，旁邊既香草沙津醬都好香香草味，但我個人真係鍾意個湯多啲。係龍蝦濃湯之後有龍蝦意大利飯，佢用既意大利飯比較大粒，火箭菜、龍蝦汁同小甜茄味道好夾。海膽扁意粉個汁都係龍蝦汁，海膽既甘甜味幾突出，意粉質地都唔錯，算係今晚亮點。仲有一道係肉食主菜，肉眼扒，10oz好足量，薯條炸得好到位，我唔太鍾意佢牛扒處理得有啲乾，但整體味道都唔錯。跟牛扒有三款汁，分別係胡椒汁、洋蔥汁同紅酒汁，我比較鍾意洋蔥汁，用黎點薯條幾好食。食晒野會上飲品，叫左兩款花茶，薑茶同個糖唔太夾但個bloody orange 既酸味幾好飲。總結呢到其實離地機站都好近，但由於佢地理環境幫助下，感覺好恬靜，坐落好舒服，適合傾下計。

餐廳環境舒適，可以坐室外，但太熱喇所以喺入面坐。甜品有唔少蛋糕選擇唔記得影主餐牌，呢個係可以用優惠價加配食物。叫咗兩個主菜，比較鍾意食龍蝦意大利飯，加上龍蝦基本上已經拆咗肉，食既時候好方便。另外服務唔錯，見你剩番半杯水就會即刻過嚟斟，值得一讚!

之前，聽過媽咪走到黃大仙現崇山商場飲茶，好奇搜尋一吓現崇山有什麼食肆，原來這裡也有好幾間餐廳，其中一間更是曾被朋友們推薦的意大利餐廳 <Olive ERA>！當晚，我跟一位好姊妹一起來，可是當時下雨，令無帶遮的她急於在附近買雨傘，顯得有點狼狽！這間餐廳分為室內及室外兩個用餐區！這裡空間感充裕，給人舒適休閒的感覺！供應意大利菜為主，款式多元化！龍蝦湯 $48 湯內有蝦肉，略嫌口味重一點！ 個人覺得，配上店方硬脆的麵包便恰到好處嘞！香煎蟹餅配刁草芥末醬 $98滿載一絲絲蟹肉，個蟹餅雖然好大個夠睇頭，不過食落好鹹呀！芝士煙肉焗蠔及白汁菠菜焗蠔共兩隻 $68焗好看起來好乾，卻是入口濕潤又美味！ 芝士煙肉充滿芝味又惹味！白汁菠菜則清新！海膽扁意粉 $128未嚐已傳來陣陣椰香，相當誘人！ 扁意粉軟硬適中帶煙韌， 而且食落夠味掛汁！拌勻新鮮甜美的海膽很滋味一流呀！西班牙豬肋骨配蜜糖芥末醬 $168豬肋骨份量十足， 卻是不太入味！ 沙律菜配上蜜糖芥末醬口味清新！亦有助中和肉類帶來的膩滯感！ 意式大啡菇扒芝士漢堡配薯條 $88店方選用的薯條是粗而闊身薯味濃郁！ 好邪惡呀！ 真令人又愛又恨

因為十分滿意上次的安格斯牛肉放題，所以今次特意再約朋友一齊食晚餐，試埋其他菜式～入夜後的餐廳氣氛變得比下午寧靜温馨，露天茶座傳來輕快的音樂，有幾個女生邊飲啤酒邊聊天🍻；室內部分就有情侶、一家大細聚餐。無意中有一對男女帶著年老的媽媽入到餐廳，侍應主動帶他們到避開風口位的位置，十分細心☺值得一讚！落單無耐就送上餐前麵包，麵包焗得外脆內軟，配蒜味醬，睇得出比平凡的牛油餐包花了心思！👏🏻同一時間送上野菌忌廉湯，面頭一層鬆化的忌廉，𥚃面係香濃的蘑菇湯，這天氣一啖暖笠笠的湯落肚，好舒服👍🏻飲品揀左水果茶同芒果香蕉奶昔 味道好好無揀錯呀🤤尤其水果茶 份量好夠 岩晒鍾意飲野既我沙律揀左羽衣甘藍配檸檬汁橄欖油，酸味味好開胃，同時亦為一陣間的主菜（肉類）打個底！😂慢煮牛臉頰係這間分店限定的，一定要試！臉頰肉十分嫩滑，好似bb屁股咁haha，juicy到爆💦果然係慢煮！除左牛之外，仲點左烤豬肋骨配煎三文魚。豬肋骨肥瘦適中，骨肉均稱，烤的火喉控制得好好，保持到肉質的水份和油份，好食！🐽仲點左好多人推介的海膽扁意粉，一上碟已經被賣相震懾著😳！大大份海膽放係正中間，十分霸氣！第一啖食落去，咦？甜既？！原來個意粉係

最近olive era的見報率很高，媒體爭相報導這間餐廳的安格斯牛肉放題，雖然住在附近卻未曾惠顧，今天特意過來一試。餐廳的裝潢環境舒適，是適合與朋友聚餐聊天的好地方正值晚餐時間，室內外均座無虛席，可見餐廳的確受歡迎看到餐牌上推薦的自家醃製紅菜頭三文魚，以紅菜頭配搭煙三文魚非常有趣，醃製酸瓜及紅菜頭中和煙三文魚的咸味，非常開胃，值得一試餐包的醬汁是亮點，微酸開胃海膽意粉份量十足，海膽鮮甜濃郁，海膽醬汁同樣馥香濃厚，受傷吃海膽的食客不能錯過10安士肉眼扒，上桌時被足料份量嚇一跳，牛扒表面煎得香脆，肉質鮮嫩多汁，值得一試。甜品為車厘子蘋果金寶，令人驚喜是千層穌鬆脆香口，切開車厘子及蘋果果蓉流出，果蓉內果肉豐富，微酸帶甜，甜度適中，飯後仍不覺甜滯。餐飲方面，冷香蘋果果茶入口微甜，帶有淡淡蘋果果香，清新自然整體餐廳的價錢相宜，屬區內性價比高的西餐廳，而且環境不錯，與朋友聊天聚餐亦不失為一個好選擇

星期日的下午，在現崇山商場附近，被長長的人龍引起注意，是什麼餐廳可以吸引數十人來排隊？原來三點開始有個不到$100的安格斯放題，確實有噱頭。見餐廳環境不錯，等不到個半小時到3點，於是吃個正常的午餐，也不用排隊。自家製紅菜頭醃三文魚四片薄薄的煙三文魚，顏色沒想像中深，上面有芥未醬、爽脆帶酸的醃紅菜頭粒和酸瓜，色彩繽紛，賣相不俗。三文魚不會太鹹，不過沒有紅菜頭味，有鹹有酸，只欠了點甜。由於酸瓜頗重，三文魚的油香要非常仔細才吃得出來。希臘羽衣甘藍沙律配檸檬橄欖汁羽衣甘藍零售頗貴，這個沙律$78算幾抵食。有不少羽衣甘藍、新鮮多汁的蕃茄、青瓜粒和很適合在口裏慢慢咀嚼，滲出油香的黑橄欖。羽衣甘藍不會太硬，未爽，配少少酸的橄欖油都幾夾。龍蝦濃湯橙紅色的龍蝦湯，賣相似模似樣，不過湯羮一放進去便覺得質地太稀。雖有龍蝦鮮味，但湯實在太淡，簡單加點鹽都會更佳。算不上最差，起碼沒有味精，不過喝幾口後還是放棄了。海膽扁意粉賣相不俗，上面放了又肥又厚又大的海膽，難得地跟圖片相符。扁意粉硬度剛好，以這類餐廳來說都算驚喜。肥美的海膽意料之外地多汁鮮甜。每條意粉掛滿海膽汁，不會太濃味，又未至於淡而無味，只可惜有點乾，幸