Futago HK大阪燒肉 (Closed)

阿女生日，梗係佢話事，話要食燒肉，即上Openrice搵咗呢間評分唔低嘅燒肉店試下。知道燒肉每碟份量唔多大，人食乜我食乜，訂位時已經預留咗塊$168嘅巨型牛小排（要預留先有得食）。嘩，塊巨型牛小排驟眼睇又真係幾大片，不過睇嘢唔係單一角度嘅，其實呢塊牛小排只不過係一塊薄切嘅牛肉，唔好畀佢個橫切面嚇親。塊巨型牛小排係唔駛自己燒，店員會幫客人燒，燒之前店員會指示嗌口號，話係let's go嘅意思喎，咪跟佢嗌下囉。就咁望落都知道塊牛小排嘅脂肪部位比例都幾重，唔食肥嘅人就會覺得燒完塊肉唔多肉食。不過燒完嘅牛小排唔止香，仲係好滑 除咗塊巨型牛小排，我哋仲點咗幾碟唔同種類嘅牛肉同牛舌，都係隨便咁點，之後都唔多分到邊碟打邊碟。無論店員代勞又好，自己燒又好，牛舌爽口唔韌，牛肉自己燒完都一樣咁滑，唔錯 除咗幾碟牛肉牛舌外，仲試咗其他item：海膽牛肉冇乜特別。蟹膏石鍋飯都幾惹味，一鍋分三份都冇問題。燒帶子唔錯，鮮甜得嚟又唔韌，仲大大粒，算係成晚最抵食嘅嘢 不過有樣嘢就一定冇下次：碟牛小腸一碟有四嚿。開頭嚟到唔講真係估佢唔到係乜，四嚿白晒晒嘅物體。放對眼埋啲睇下，淨係見到四嚿肥膏，真係有啲驚 燒完之

一直聽說這裡很受歡迎，於是早了兩週訂枱，已差不多是最後一張枱，並且第一輪在八點半就要交枱。我們亦預留了這裡限定的“大得驚人牛小排”。當晚我們準時到達，全店也大致滿座。店員熱情地招呼，後又詳細講解菜牌。叫了不少食物，先來一份和牛盛合，最美味的是厚切牛舌。牛內臟，有些部位較軔，可以一試，建議各點一個算了，價錢又便宜。新鮮的海膽配剛熟的牛肉，入口即溶，很好吃。半份魷魚，竟然仍然可以保持整隻魷魚的型，賣相漂亮。“大得驚人牛小排”，包含了牛的不同部位，很軟很肥膩，但我們都吃下了。抵食的一個菜色。後來又加了普通牛舌和野菜盛合，我們覺得較普通，下次來只集中吃較好的和牛就夠了。服務員全程替我們細心地燒肉，並且對我們不同的生熟要求都耐心對待，值得一贊。吃到這裡，實在已經太飽，但仍忍不住叫一個甜品。雪凍的器皿，上來時冒出白煙，甘薯很軟糯，配上雪糕，實在一大享受。我們覺得再來的話必叫甜品。有氣氛的環境，細心的服務，美味的肉類，價錢亦不算貴，大概六百多一位，食得開心，是值得再來的餐廳。