Zecond

Open Now

Now Closed

要走過來上環續領回鄉卡，來到只見人頭湧湧，就算晌網上預約咗（其實喺一定要網上預約，無即場籌），睇見啲籌號都有排輪，所以，先落去食個食個午餐攝一攝時間。有晌上環做嘢嘅朋友就推介咗呢間小店「Zecond」，名字都幾特別，佢話小店製作有誠意，出品絕對喺高質素，所以，正所謂擇日不如撞日，咁啱過到嚟就食番餐高質午餐。 睇佢門面細細，入到裡面第一個感覺喺地方唔大，但原來餐廳喺佔地兩層，地下一層一半喺小用餐區，另一半喺半開放式廚房，因為拉咗簾就唔喺好睇到裡面。 嚟得早，趁未咁多客人，走上上層睇睇，樓上全層都喺用餐區，所以，座位比較多，感覺亦闊落啲，故此見到部份拍成大枱。整間店主色調喺淺粉紫色，裝修簡約，感覺都算舒服。 午市時段，餐牌底面兩版睇晒，包括有多款主菜、意大利麵、飲品同甜品，所有主食都會附送瓶裝果汁，但可以加錢轉為啡茶。不過，有一點感覺少少奇怪，揀主菜會附送是日濃湯，但揀意大利麵就唔知點解會無，當其時又唔醒起向店員問問。 海膽醬蟹肉牛油果意大利麵 $158睇啲色水就覺得落咗好多海膽，因為一片橙黃，雖然食落口，無話大梳大梳蟹肉，但每炷麵條面都沾滿海膽醬同蟹肉，味道獨特，有陣陣鮮味，再者，啲麵條

位處上環文娛中心旁嘅隱世小cafe，呢度旺中帶靜，喺鬧市之中，見到呢個寧靜休憩處，正啱我文青一吓。😁環境勁舒服，佈置令人放鬆；加上服務員十分細心地送上溫水，同時亦簡單地介紹了食品，值得再三加分。🐟加拿大野生三文魚柳估唔到佢當中竟然有三文魚籽，令食物多添另類口感。三文魚柳有兩大塊，令人興奮；加上外脆內軟嘅薯角，香口惹味，一啖接一啖。🍝海膽醬蟹肉牛油果意大利麵海膽醬味濃郁，帶有海膽肉，令意大利麵更香、更吸引；而牛油果與蟹肉出奇地相配，亦同時增加了意大利麵嘅嘅口感。最後飲品，鮮蜜桃汁同橙汁，都同樣幾fresh，可以沖淡意大利麵嘅creamy 厚實感。濃味意粉、香郁三文魚、清新果汁，為悠悠閒嘅午餐畫上完美句號。