伊賀日本燒肉料理 (Closed)

天氣凍凍地除左係張床外，最好就係打邊爐或者韓燒，今晚我同小b就去左食韓燒~~~是夜去左呢間係尖咀既韓燒，店舖分室外同戶外區域，室內係電爐，戶外係炭爐，各有各好喇，我就怕凍就揀左室內坐低後就一輪旋風式點點點想健康就可以好似我咁，先食沙律菜，咁就無咁大罪惡感，呢度既沙律都算新鮮多汁，菜咬落好脆，口感好清新！個醬係日式芝麻醬黎，甜中帶微咸，好開胃緊隨就係主角開場時間，燒燒燒肉開始喇，燒羊架、牛舌就係我既最愛，放在爐上輕燒兩吓就食得，一陣後就已經滲出濃濃肉香；肉質鮮嫩，口感豐足，脂肪比例恰當，食在口中很是滋味~食過燒肉開左個胃後，就到食刺身時間，咩都鍾意食既我就揀左三文魚、八爪魚、帶子、北寄貝、甜蝦等，食在口中很是鮮味又爽甜後黎仲追加左伊賀盛盒拼盤，牛小排雪花分佈適中，每口都好juice，啖啖肉啖啖香！爆LIKE食海膽既我最後都係忍唔住叫左板海膽來食，份量正常，色澤金黃而有彈性，口感QQ又滑，用紫菜捲包著來食就是好享受~最尾再食埋Movenpick 雪糕真係大滿足呀~~~~~

食肉獸友人亞Ａ又出動了、找了間又平又多嘢食的燒肉放題、位於尖沙咀中心、非常方便。講真食唔到咁多、只要食物水準精就足夠了。裝潢一般燒烤店、坐位寬敞舒適、可慢慢享受120分鐘的放題。點餐己電子化了、只要在Ｉ　Ｐａｃｋ板上指指點點、所點的食物不到一分鐘就奉上、漏單的機會律減少了、效律又快了。先嚐刺身、有甜蝦、帶子、北寄貝、榮螺、三文魚、鮑魚、蟹腳…、基乎全部點齊、新鮮程度滿意。如想食海膽就要另外加錢、食肉獸友人亞Ａ好想好想食、最終選了一客海膽、味道非常濃郁、那濃稠的餘韻在口腔停留不散。燒肉才是友人亞Ａ的主角、所有不同部位的牛和豬都不放過。牛肉肉質不錯、軟腍有牛味、特別是ＱＱ牛最得我心。豬肉亦不遜色、燒得焦香、味道不錯。其他燒烤還點了雞亦、香腸、魚干、蔬菜等等、質素高。烤海鮮不容放過、帆立貝大大隻、鮮美。虎蝦爽口彈牙。榮螺鮮甜有嚼口。炸物點都要試一兩款、炸蝦和炸榴槤。炸榴槤我第一次食、果然榴槤飄香、流心滿瀉。小吃點了胡麻沙律、蟹籽沙律、八爪魚、味道中規中矩。甜品每人一杯名牌Ｍｏｖｅｎｐｉｃｋ雪糕、意外驚喜噢！還有其他小吃、炸物、壽司都末試、但真的好飽好飽、容納不下了、唯有下次再來吧！