新記煲仔雞粥 (Closed)

間唔中食下粥配小食都係個唔錯嘅選擇 聽聞新記雞粥都幾出名就試試啦😂😂間鋪唔大有d似大排檔feel 嘅茶餐廳但我覺得咁先有香港特色😂😂而且都幾企理乾淨貴妃雞黃鱔粥用砂鍋裝住嘅粥2個人share配小菜岩岩好😙d粥幾綿 雞同黃鱔都幾多舊 抵食👍🏻而且都幾嫩滑 食落仲有少少酒味酥炸魷魚鬚呢個真係邪惡之選😈😈炸得幾香口 皮薄彈牙 新鮮出爐又熱辣辣 正😋海蜇手撕雞份量都幾多 除咗手撕雞、海蜇仲有d醃瓜都幾入味 好香麻油味 味道一流 配粥岩晒😂XO醬拍拍瓜同平時d涼拌青瓜味道上有d唔同 可能係用咗XO醬幾好食但唔辣 值得一試泰式青檸冰酸酸地幾開胃 但記得要撈勻d糖漿😂豆漿豆味香濃 唔會太甜岩岩好

元朗新記雞粥出名好食，亦係我嘅comfort food provider。開心食新記，唔開心食新記。🐤招牌貴妃雞粥✨ $56 - 黎新記必叫招牌菜✨一份雞粥份量夠兩個人食。粥底綿稠，貴妃雞有微微酒香，雞肉冇因為煲過而變鞋，都仲係嫩滑又有彈性，而且仲有淡淡嘅油香，令成碗粥都增加咗個鮮味。🐥紅燒元朗脆皮乳鴿✨ $73 - 另一必叫招牌菜如果喺新記只打算食兩樣嘢，真係叫呢兩樣就啱。隻燒乳鴿香脆、肉質多汁，脆皮夠香，送粥送酒都一流，而且乳鴿滲出嘅油分仲增加香氣，係未食其肉係先聞其香。🐤海蜇手撕雞$55 - 呢個做前菜係一流🟡香脆炸両腸粉$23 - 粥配腸粉係走唔甩，炸両都係呢度嘅招牌菜🟡蒜泥汁脆皮豆腐$36 - 香脆好食，都係送粥送酒都好正！🥤七喜龍眼冰$25🥤七喜話梅柑桔冰$25🐤新記煲仔雞粥 (元朗)📍元朗又新街60號地下D2號舖

近排轉天氣, 太陽落山之後真係凍到傻! ❄️咁凍既天氣底下, 最好就係食一D暖笠笠既野, 令個人暖D。今日約左班朋友係元朗食飯見面, 本來都無咩頭緒去咩餐廳食飯, 但我見天氣咁凍, 於是就建議去新記食番碗熱辣辣既粥 。老實講, 我就未食過呢間餐廳既, 不過我之前有聽講過住元朗既朋友推薦過呢間餐廳俾我, 我估計應該OK既。🤭我地好好彩, 因為岩岩好係靠牆位置岩岩有一枱食客走人, 所以我地就算一行5個人都可以即刻入座, 唔洗等位! 👍🏻係晚市呢D咁旺場既時間都唔洗等, 真好! 店舖面積唔算大, 所以枱與枱之間的空間都唔會太大, 係舊式港式餐廳既setting。不過呢度好乾淨企理, 而且送菜款式選擇好多, 除左招牌既粥品之外, 炒粉麵飯, 菜類滷味都應有盡有! 而且價錢親民, 性價比簡直高到不得了。😎海蜇手撕雞 ($49)份量好足, 好大碟! 海蜇好爽口, 而且上面落左好多麻醬, 基本上每一啖都食到麻醬味, 加埋少少白芝麻的香, 好食! 而手撕雞方面, 肉質鮮嫩而且雞味好出, 完全唔似出面某D鋪頭既雞絲咁, 乾得濟會韌同痴牙。除左上面兩樣野之外, 我仲食到有醃黃瓜絲, 佢地應該醃左一段時間,

Weekend難得的假期出去同男朋友去元朗行下.行行下見到馳名新記雞粥wo就撞入去試下.一入左唔知點解我有種去左澳門ge感覺。一路食一路有人入黎。可見新記的威力。個海蜇手撕雞個味一流個豬潤面.夠曬獲氣.D豬潤好滑.個乳鴿幾香.算唔錯推介一下個蔥花蝦米腸粉$19。好滑超驚喜。親民的價錢選擇又多。下次會再想黎試下其他野。由其係雞粥。後話：但係個晚食完之後我同男友都肚仔吉吉地。冇肚仔痛ge感覺.可能係個凍ge手撕雞掛.不過下次比多次機會佢試多次先....因為都真係想試佢個雞粥.

元朗, 對過海人九龍人來說仍然覺得很遙遠, 但為了紅葉, 還是會每次定期來一兩次元朗, 只要腳踏入又新街, 眼睛和胃部已經各有各忙了十二月, 經常須要醫肚, 我經常說最好就是有啖粥暖暖胃今晚來到大間糖水店旁邊一間同樣有顧客圍住門口的雞粥店打算早點食早點瞓, 所以七點前已經到達, 此刻店內已經滿坐 等左十分鐘就有位, 我們四人枱餐牌有六頁, 粥料配搭足足有大約160款..主要以貴妃雞，牛，豬潤，豬腰，海鮮(蟹, 蝦, 帶子)，黃鱔，田雞，泥猛為主配搭結果我們選好了兩款粥貴妃雞肉丸粥粥底很綿, 雞香味溶入整碗粥內, 好香甜雞肉為貴妃雞, 皮薄肉嫩, 很滑, 雞味沒有流失‼️肉丸為豬肉丸, 口感彈牙, 很甜帶子鮮蟹粥應該差不多有一隻蟹吧 (大家share食, 所以還未刻意去數) 粥底很綿, 蟹肉有糕, 很鮮甜而帶子肉厚, 煮得剛剛好, 肉爽易咬, 還很甜很甜呢‼️‼️粥和腸粉本是一對吧, 所以點了碟炸兩送粥(藉口)門口有個腸粉檔, 即叫即做, 新鮮就是全賴這樣有心制作外層腸粉又薄好滑, 油炸鬼好脆 終於明白為何那麼早就要等位了, 的確好味, 價格與分量又成正比除了粥品佔了兩頁餐牌, 其實還有很多小