Bugis@叻沙・海南雞飯 (Closed)

商場既餐廳你會諗起咩？價錢貴？味道還好？估唔到比我係屯門既一個重點商場到搵到一間味道又好味，裝修又幾靚既餐廳，而且佢既價錢都係比想像中便宜，幾適合d平民百姓黎當飯堂。呢日就同左屋企人黎食飯，一入到餐廳感覺都幾寬敞，而且室內既裝修設計都令人感到好舒適，跟住就到揀食咩啦，餐牌上既食物種類繁多，好多望落都幾吸引咁，幾經辛苦終於揀到食咩啦，我地分別點左「新加坡無骨海南雞飯」，「香茅豬頸肉干撈麵」，「海鮮叻沙摻摻」，「酸辣鳳爪 8pcs」，「米紙脆春卷 2條」。1.新加坡無骨海南雞飯($66)黎到緊係要點佢地主打既菜啦，呢個海南雞飯真係好出色，點解咁講呢，佢既雞件係好滑溜，保留左肉質鮮嫩，同埋個油飯油而不膩，點埋d醬汁去食，非常滋味，特別鍾意佢去哂骨既做法，令人食落去每一淡都係肉，唔需要擔心有骨，幾貼心既。2.香茅豬頸肉干撈麵($58)干撈麵就少食，因為成日覺得冇湯既撈麵會用好多油去製作，點知呢個撈麵改變左我既諗法，佢只係用左小量既油，而且個撈麵係非常之香，面頭可以見有葱等配料令到個面既香味更有層次，同埋豬頸肉既面香脆得黎又保持到肉質鮮嫩，非常好吃。3.海鮮叻沙摻摻($68)呢個既湯底又係出色既

今日，5/8/2017, 去左屯門 V City揾食，剛巧見到有新開店(呢間舖位原先係越南菜舊店), 新加坡過江龍，一定要試下佢，係咪真材實料。我地叫了：新加坡海南雞飯 $68, 海鮮叻沙摻摻 $72, 午餐就包一杯檸檬薏米水 or羅漢果茶。新加坡海南雞飯：雞都算軟滑，但有雞毛，食落味道ok, 但未算好正，包中湯：冬瓜湯，ok啦。海鮮叻沙摻摻：有3隻蝦，3片魚片，3 件開邊豆卜，半隻蛋，有芽菜，內有半米粉+油麵。味道一般，湯底唔夠味道，奶多左d, 唔多有椰香味，還可以吧。材料真充足，可能就係咁，價錢都唔平。但過江龍黎講，係唔夠突出，無想像中咁好味。我未食過正宗新加坡的食物，但以呢間黎講，我唔太鐘意食。