淳吟居酒屋 (Closed)

最新北海道人氣居酒屋 登陸香港，經常只在日劇見到有居酒屋，估不到在香港出現，地點是佐敦好方便，超級鍾意北海道既我，又點可以錯過呢 ~進入居酒屋，日劇畫面在我腦海出現，裝修全以木系為主，完全感受到日式風格，舒適雅致。餐牌上有很多北海道海鮮、時令及嚴選新鮮食材，當中在香港較罕見的是鹿肉漢堡。亦有北海道料理，包括味噌煮日本黑毛和牛牛雜、清酒煮鮑魚、堂弄大阪燒、刺身、壽司、卷物、炸串、串燒、前菜、沙律等等，酒類方面亦有好多選擇，清酒、日本酒、燒酎、生啤、汽酒。海鮮大阪燒    $90熱辣辣的大阪燒，單看到就已經覺得很治癒呢！大阪燒混合著彈牙的海鮮和蔬菜的鮮甜，口感脆脆的椰菜、魷魚和蝦，加上照燒醬和沙律醬及好似跳緊舞的柴魚片，鬆軟的大阪燒確實非常美味！軟綿蝦夷鹿肉漢堡扒 兩食(味噌燒茄子)   $115用北海道食材的漢堡扒，以7成鹿肉和3成牛肉製成，在香港較少機會食到。肉味香濃，有些少咬口，質地鮮嫩有肉汁，配合香燒茄子及味噌醬汁一齊食，味道濃郁，口感增添不同的層次，好惹味！每日由日本空運到港的時令及新鮮食材，我選擇了幾款日式串燒有柚子胡椒雞腿肉 $38、雞翼 $35、雞皮 $35、雞軟骨 $2

呢間係喺北海道札幌市好受歡迎嘅居酒屋💕日本店主松本洋平仲遊歷過二十多個國家 識好多多國料理 所以創作嘅料理都好有各國⾵味✨餐廳推出咗新餐牌同菜式 好開心獲邀去試菜🥳.📌軟棉蝦夷鹿肉漢堡扒兩食(味噌燒茄子) $115人生第一次食鹿肉😨用咗七成鹿肉再加三成牛肉🦌🐮其實佢係咩味 又真係食唔出🤣但係口感非常之軟淋 食落真係似和牛漢堡扒😍但係就冇咗牛嘅騷味🤫難怪係招牌菜 確實值得一試🤤面頭嘅味噌醬汁都幾濃味 個人認為就重味咗啲 蓋過咗肉嘅香味🤭好鍾意佢隔離舊茄子 燒得好香好𝗷𝘂𝗶𝗰𝘆🍆.📌土手味噌煮日本黑毛和牛牛雜 $98平時喺街好少食牛雜 驚佢污糟🙈不過今次嚟到高級啲嘅餐廳 仲要係和牛就試吓🍴呢款都係味噌煮 不過就冇咁杰同濃味😛牛雜有牛肚,牛腸同牛小腸😚但係個人唔太識食 覺得全部都係好瘦嘅牛腩😂肉質偏鞋同乾 牛味都唔太濃 可能因為比味噌味蓋過咗🤔.📌海鮮大阪燒 $90大阪燒都係佢地嘅招牌菜✨由細到大都麻麻地大阪燒同小丸子🤣但今次食又出奇地覺得好食😍佢粉漿好少 唔會食到成口粉😝海鮮有好多 夠晒足料 仲有沙律醬同大量木魚絲🥰𝘀𝗶𝘇𝗲唔算好大 當過下口癮又可以試多啲唔同野😎.📌沙鎚魚$18妹妹好鍾意

佐敦雖然係舊區，但呢區依然有好多好野食😋，今日帶大家去到柯士甸站附近，試下呢間「淳吟」居酒屋🏮！嚟呢面建議由柯士甸站出，只需行兩分鐘就到！餐廳環境幾舒服😌，燈光有格調，傾岩同朋友暢所欲言！我地試左餐廳幾款特色菜✨。軟棉蝦夷蝦鹿🦌肉漢堡平時好少見，鹿肉唔鞋口，食落依然濕潤，仲帶點肉味👍🏻，反而味噌味道有點濃，蓋過肉味。而下面茄子🍆烤得幾稔身，意外地同味噌醬味道相襯！「梅子冷素麵」梅子味好清新，醬汁味道唔會過濃，蓋過梅子味🙂！而上面黑松露點綴口感，總體比人一種好細膩感覺！「海鮮大阪燒」夠足料，又豬肉，魷魚🦑等材料。口感方面，食落唔會好稀/好水，口感豐富，幾滿足！串燒既話，我地幾鐘意「厚切牛舌」，食落唔乾，唔韌，質感軟嫩，口感爽滑，灑埋調味料一齊燒，更加惹味😋！嚟到居酒屋🏮，就當然要飲埋日本清酒🍶。剛好餐廳🍴有推出優惠，$108就可以品嘗到3杯不同濃度清酒🍶，分別薰酒、爽酒同醇酒，配淡味、油膩同濃味食物。我自己覺得幾特別，當唔同美食再配清酒🍶，味道會有唔同，大家不妨試下。我覺得呢間居酒屋價錢可以，唔算貴，野食質素都唔錯！大家想同幾個知己嚟傾計食野，呢度係個唔錯選擇～～

有時侯想在油尖旺區想找個靜一點的地方食飯都並非易事，前排在openrice發現了這間隱世居酒屋🏮，食物都幾別緻，好有去了日本的感覺！餐廳與四周的餐廳別樹一格，非常有風格，所以不會好難找到。食物選擇都非常多，無論想食壽司、串燒、大阪燒還是料理，都可以食到。先說當晚最驚喜的菜式-淳吟海鮮卷一上碟已覺非常驚喜，加了金箔買相好耹貴，同朋友都忍不住「嘩」一聲。食落去更覺特別，面層見到的是吞拿魚蓉+海膽+三文魚子，配上卷物內的鮮厚切魚生，帶來多重層次感。值得一讚的是，海膽和吞拿魚蓉都頗鮮甜～另外，季節海鮮生魚片沙律也相當精緻，有如藝術品般。沙律下是三種魚生配上八爪魚，魚生厚切得來幾新鮮，而沙律醬更是重點！店員說沙律醬是他們自己調製的，食落去creamy中帶點檸檬的清新，與魚生撈在一起好match好好味。更驚喜的是，雖然他們用了生洋蔥鋪底，但食落去的生洋蔥一點也不辣，好易入口。海鮮大阪燒也是心思之作，賣相精緻。內裡是多海鮮少粉，配上少量豚肉，口感和味道都幾好，好想encore。他們還有傾計必點的串燒，製作也幾出色。🍢雞軟骨串竟然完全無肥肉，是全軟骨，燒得香脆😋🍢柚子胡椒雞腿肉皮薄香脆，加了調味更具特

涼風送爽嘅夜晚，行完西九文化區拍拖，再嚟到渡船行呢頭搵嘢食，見呢間居酒屋感覺幾好，就揀咗佢。先食一個軟棉蝦夷鹿肉漢堡扒兩食(紫蘇)，味道我覺得似淡少少嘅漢堡牛扒，配上有蘿蔔蓉嘅酸汁，十分惹味。再嚟一個柚子胡椒雞腿肉串燒，外皮香脆，內層肉質就嫩滑，有少少柚子甜香，相當唔錯。然後食土手味噌煮日本黑毛和牛牛雜，啲牛雜就冇香港嗰種有埋牛肚同牛栢葉，主要係牛腩同牛筋，炆得好冧好入味；但我反而最愛嘅係蘿蔔，啲汁入哂冧冧啲蘿蔔係好吸引架！！然後有海鮮大阪燒，細細個但都好足料，醬汁木魚唔會太多，恰到好處。清清地嚟個北海道帶子配紀州南高梅子冷素麵 ，冷麵好似有啲淡淡地嘅花香味，配上個湯汁，食完覺得好舒暢。甜品有個蕨餅，係餐廳送架。黃色嗰嚿用左黃豆粉，爽口啲冇咁甜，綠色嗰嚿係綠茶味，煙韌啲甜啲，建議先食黃再食綠，另外有啲紅豆蓉伴碟，有個甜甜嘅結尾。

以前去渡船角呢一帶，會覺得唔多方便，依家有柯士甸站就唔同晒，出站後行5分鐘就過到嚟。今晚又趁老婆上完堂，費事煮，到訪「淳吟居酒屋」食餐和風晚飯。呢一帶可謂靜中帶旺，附近全都喺住宅，人口不少，事隔多年再過嚟，眼見多咗好多食肆，而且，特色食肆都可不少。 唔喺店員講都唔知，「淳吟」可講喺北海道札幌嘅人氣居酒屋，而香港店主早年晌日本留學，認識到「淳吟」日本店主，之後邀請在港合作經營，就誕生香港店。近門口，特別設咗兩張4人枱，可以講喺動物友善區，當晚都見到有客人帶同愛犬嚟用餐。進入到餐廳之內，裝潢簡約，以深木色為主調，天花掛咗啲風鈴，牆上又有啲東洋掛畫，頗充滿日本風情。因為四周都放咗唔少不同種類嘅清酒，亦好一派傳統居酒屋風格。枱上嘅餐具，亦喺好別緻嘅瓦器，色澤深沉卻富雅氣。既然定位為居酒屋，食物嘅選擇就相對多，翻開一版又一版，果然有好多選擇。有前菜、沙律、時令推介、大阪燒、串燒、炸串、壽司、刺身、卷物……等等一應俱全，而壽司、刺身亦有拼盤選擇。而飲品就以酒類為主，如生啤、燒酌、汽酒、清酒……等等，特色酒品任你揀，酒迷真喺唔好錯過。當然，顧及唔飲得嘅客人，仲有好幾款非酒類飲品，如汽水、特色梳打。炸