Read full review
2015-05-28
3400 views
難得有得放早個幾鐘,當然想早啲食飯早啲番屋企休息啦!上網見到呢間日式火鍋都有好多笑臉,一於就嚟試吓先!不過好彩我放早咋,因為坐低後去拎嘢食,已經見到好多人排緊隊喇!早到早享受一向鐘情於甜豉油湯底嘅我哋,決定會一會呢但甜豉油加棉花糖組合!先落牛脂肪粉,融咗啲油之後就加入洋蔥炒香!未食就已經聞到好香牛味同洋蔥香喇之後加埋棉花糖落去炒,炒到融之後就加湯,等滾起就食得!呢個簡直係視覺同味覺嘅享受呀等湯底ready個時,食住三文魚剌身先!剌身色澤唔錯,而且切得厚身又肥美,食落好有魚油香,正!之後仲拎咗個沙律嘆吓先!自助沙律bar都有幾多選擇,最鐘意係個小蕃薯!細細個又甜又有少少粉,最好係凍凍地,唔會食完太濟!難得去覓食,揀咗和牛級,肥瘦適中,份量幾大碟!和牛淥一淥就食得!雖然唔係入口即融噤誇張,但就好嫩口,牛味好夠!屋企人食到停唔到口,足足食咗三大碟呀除咗牛之外,仲有豚肉同雞肉任食!豚肉切得薄,唔駛等太耐就食等!雞肉係淥幾耐都保持到噤滑身成為今餐嘅黑馬!翻本之選嘅海鮮拼盤!好多種類下!食完仲可以指定種類refill!帶子肉質結實唔鬆散,生蠔又新鮮,淥完又唔會縮太多今次淨係我自己都食咗兩大盤,抵呀
一向鐘情於甜豉油湯底嘅我哋,決定會一會呢但甜豉油加棉花糖組合!先落牛脂肪粉,融咗啲油之後就加入洋蔥炒香!未食就已經聞到好香牛味同洋蔥香喇
之後加埋棉花糖落去炒,炒到融之後就加湯,等滾起就食得!呢個簡直係視覺同味覺嘅享受呀
等湯底ready個時,食住三文魚剌身先!剌身色澤唔錯,而且切得厚身又肥美,食落好有魚油香,正!
之後仲拎咗個沙律嘆吓先!自助沙律bar都有幾多選擇,最鐘意係個小蕃薯!細細個又甜又有少少粉,最好係凍凍地,唔會食完太濟!
和牛淥一淥就食得!雖然唔係入口即融噤誇張,但就好嫩口,牛味好夠!屋企人食到停唔到口,足足食咗三大碟呀
除咗牛之外,仲有豚肉同雞肉任食!豚肉切得薄,唔駛等太耐就食等!雞肉係淥幾耐都保持到噤滑身成為今餐嘅黑馬!
翻本之選嘅海鮮拼盤!好多種類下!食完仲可以指定種類refill!
帶子肉質結實唔鬆散,生蠔又新鮮,淥完又唔會縮太多今次淨係我自己都食咗兩大盤,抵呀
出面自助bar都有好多選擇,有凍盤、沙律、打邊爐嘅料、熟食同飲料!refill得快,種類又多!好似小型自助餐噤呢
和果子好吸引,煙煙韌韌噤,好有啲似果凍!內面嘅豆沙都好甜!
呢個自助嘅甜品bar都好正,啱晒我哋呢啲鐘意自己搞搞震嘅人!爆谷、棉花糖同乳酪雪糕咩有有
最後拎咗呢個蜜桃汁嘅原味乳酪雪糕做happy ending!
如果係旺區嚟講,呢間日式火鍋係好正,服務好、食物同衛生真係無得彈!一出門口就即刻想再嚟過喇
Post