鳴越越式料理

Open Now

Now Closed

一搵發現原來中上環呢頭有好多越南野，去到都幾多人，等咗5分鐘，不過食食下無啦啦又叫我哋轉枱。蝦頭膏海鮮酸辣湯檬 $68睇落同食落都完全唔覺酸辣，同埋得好少料香茅豬扒拼魚露雞扒飯 $80見呢個餐有晒2款扒好似好抵咁就叫，都幾大份，豬扒幾香又唔鞋，雞扒就一般，冇乜味鳴越火車頭 $79入面有生牛肉、牛坑腩、牛柏葉、牛筋、牛丸個牛肉湯都幾香，生牛肉同牛肉都好濃味海鮮炒金邊粉 $82呢個算係最好食，炒得幾香又夠乾身，可惜嘅又係好少料牛油雞翼 $48唔夠牛油香，同埋唔脆上湯芥蘭 $25比較硬，但都還好

呢排成日都去中環做野所以多咗係中環呢邊搵野食今日收工男朋友過嚟接我就決定係中環食完直接搭巴士返屋企男朋友帶咗我嚟呢間食越南野🇻🇳意想不到驚喜😂因為估唔到咁好食我地叫咗兩個套餐加配小食再跟埋飲品好食！性價比高👍🏻我叫咗個生牛肉河湯底好出色濃濃嘅牛肉湯好香啲牛肉好嫩好香👍🏻就算熟咗都好淋份量亦都唔少我就加配咗越式春捲春捲跟埋生菜🥬等你可以包住食春捲嘅餡料好好味配埋勁脆嘅皮👍🏻而男朋友就叫咗呢個海鮮炒金邊粉味道亦都唔錯佢就加配咗香茅雞翼雞翼又係好好味👍🏻我揀嘅呢杯咸檸蜜雖然佢只係用咸檸絲而唔係原隻咸檸但佢味道絕不遜於原隻咸檸

星期日既晚上，無乜打工仔，唔駛等位就可入，餐牌都係典型越式料理既食物，我地點啲最普通亦最考功夫既餸蒜蓉炒芥蘭：好夠鑊氣，大份，芥蘭都幾靚，如要雞蛋裡挑骨頭就係油多左啲啲，除左呢樣都無可挑剔海鮮炒金邊粉：海鮮係堅海鮮，青口、蝦🦐都係手指公咁大隻，金邊粉唔油，非常難得，好多餐廳為左炒得靚而落好多油，唔油又可條條分明證明廚師功架勁﹗串燒豬頸肉：三串，切成一粒粒，粒粒都好厚實，唔會薄切切，我個friend 嫌三串少，應該係因為佢覺得好好味青檸薏米水：最岩夏天飲，消暑，去濕，如果可以稍為減少少甜更好埋單時，店員問我地覺得啲餸點，我同佢講芥蘭少啲油更好，佢就叫我地下次落單時講，廚師會落少啲油，呢種服務態度真係值得一贊

難得早放工，心血來潮過海去接男友收工，順便少有地喺港島區食飯今次去嘅呢間餐廳，都幾近地鐵站，算方便就腳，而且面積都幾大，仲以卡位為主，坐得好舒服，未食嘢先加分裝修都幾新淨，牆身掛咗各種圖畫及食品海報，餐牌亦簡潔明了圖文並茂，相當唔錯同男友各自點咗一份一人餐男友個海鮮炒金邊粉幾OK，海鮮都幾多，蝦大隻夠鮮味，金邊粉爽滑有口感，唔會淋晒，整體調味恰到好處，LIKE~我就點咗馬拉盞炒芥蘭豬爽肉馬拉盞好香，食落又有啲啲微辣，令成道菜變得更惹味！芥蘭爽脆豬爽肉滑嫩彈牙，正~仲加咗個小食——煙鴨胸份量都唔少，肉質柔軟，而且我鍾意佢唔會太鹹，煙燻味較出，同時食得出鴨嘅肉味，欣賞~最後餐飲order咗熱青檸薏米水薏米份量好足，有咬口，飲落唔會好甜，有淡淡青檸香，好味！男友杯龍眼冰一樣足料，有成半杯龍眼肉，飲品本身色澤幾深色，應該都落足料炮製~呢餐都唔錯，大家有機會可以去試試啊