首爾石鍋燒

Open Now

Now Closed

泡菜烤肉豆腐鍋烏冬 10/10呢個堅好食，個烏冬嗦了湯底嘅精華，格外好食。烏冬裏面有烤肉，豆腐、韓式魚片同泡菜，湯底是靈魂，濃郁好味。泡菜牛肉石鍋飯 8/10配料雖然簡單，但足夠帶出韓式石鍋嘅的火候。牛肉大大粒，有咬口。放多一點辣醬陪加滋味。撈好了的石鍋飯可等待多一會兒，讓鍋底有更多的飯焦。海鮮蔥餅 9/10特別喜歡吃這個海鮮蔥餅。蝦肉加上蔥段，再配合這個鬆脆的餅底，簡單得來非常好食。記得加上特製醬汁，味道完全不同，好match，放上醬汁的蔥餅好食很多！韓式粉絲餃子 8/10。粉絲和肉碎這個配搭加上調好的醬汁，吃完一個忍不住再起一個。

同朋友旺角睇戲前搵野食，行到通菜街見到個招牌幾醒目，其實這間店以往都行經幾次，一直想試，野食款式唔少，價格相宜，於是今次入去試下。點餐時同店員講我其中一個朋友不能食辣，店員推薦左D完全唔辣，同埋一D可以好少辣的菜式。我和一個朋友點左韓式烤肉拌飯，另一個朋友點左年糕烤肉豆腐鍋，兩個小食，韓風一口雞，海鮮蔥餅。韓式烤肉拌飯，不是石頭鍋拌飯，這間店也有石頭鍋拌飯，雖然石頭鍋拌飯有飯焦好香，但天時熱，我想試試這個用韓國不鏽鋼大碗的食法。有驚喜，烤肉是店家秘製豬肉，有一種說不出的特殊香味，配菜有青瓜，粟米，韓國粉絲，木魚絲等，清新爽口，好啱夏天食。值得一提是個汁，酸酸甜甜，好開胃。我朋友的年糕烤肉豆腐鍋，我試了少少，湯底鮮甜香辣，年糕好煙韌。韓風一口雞，其實是炸雞，是冇骨的炸雞，切得大小剛好一口一塊，故此叫一口雞，它不是那種脆的炸雞，是軟綿綿的，好不好就見仁見智，我同朋友都覺得唔錯，它軟得黎乾爽，且香口，值得一試。海鮮蔥餅，以前去韓國都有食蔥餅，這個蔥餅不是像傳統那樣整棵蔥放進去，而是用蔥段，咁我覺得冇話邊樣一定好，我覺得這個還不錯原因是煎得好香，蛋香，蔥，蝦，加埋個汁都配搭得唔錯，對於我哋三個

今晚約咗朋友去女人街食飯, 見女人街咁多食肆都唔知揀邊間好。。我本身想食西餐或食川菜， 但係朋友話要經過首爾話想入去試吓勁多人等枱，我攞飛之後大概都等咗成30分鐘。。見餐牌啲嘢食價錢適中， 除咗基本嘅石頭鍋飯，韓國豆腐鍋等等，也有韓式小食及其他定食。叫咗一個泡菜烤肉豆腐鍋烏冬（微辣）首爾沙律，海鮮蔥餅以及韓風雞翼系出邊聽到排隊啲人話呢度啲烏冬好好食，點都叫黎要試一試。我唔係好食得辣，所以叫咗一個勁小辣。上枱時溫度好高，還是滾緊的鍋入邊有泡菜，豆腐，韓式魚蛋，雞蛋，有d肉，以及其他配料，幾豐富。。我較為欣賞湯底，味道濃，好食揀了幾個小食。。海鮮葱餅： 我試過放汁同冇放汁，味道截然不同！服務員細心提醒我哋蔥餅係跟個汁，有落汁個䓤餅真系好食好多！雞翼剛炸起，差啲六親個嘴🤭🤭夠鬆脆juicy,唔會好似出邊啲雞翼咁咸， 點個醬汁甜甜地增Tim味道

尋日本身同一班人 打算去首爾食飯，點知撞正打風 。。今日唯有自己一個去食飯啦!六點半去到已經好多人 ，好彩都仲有一個位 ，等多兩分鐘就入得去。。平時我都係會叫泡菜烤肉豆腐鍋，不過今日想轉轉口味， 所以就叫咗個鐵板豬腩片。 主食送兩款前菜 ，都ok好食， 有泡菜，青瓜，粉絲同牙菜 。。叫咗嘢食大概十分鐘，食物就到喇!!上枱嘅時候個鐵板好熱， 哎呀啲汁仲彈到我隻手添 。。個鐵板飯燒到好香， 咁我就咋咋臨馬上趁熱食 個豬腩片夠肥美又香口 ，鐵板汁撈飯好味， 好快就食曬。。想叫多個小食，又想食雞翼，又想食蔥餅最後揀咗海鮮煎餅!有幾香口喎， 個薄餅煎得幾鬆脆，加埋個汁 味道啱啱好!一個人食咗咁多嘢好飽呀 ，下次叫埋朋友一齊嚟

喺疫情底下 唯有多啲叫外賣 ，今日我哋經過首爾門口見到外賣有優惠，咁就唔好嘥咗佢!外賣有85折!韓式烤肉拌飯都幾豐富有韓式烤肉 ，韓式粉絲 ，青瓜絲， 醃製青瓜及木魚絲。 另外比咗一啲醬汁。將所有東西連汁撈埋一齊食 ，有不同嘅口感，層次分明，幾好食喎!雜菜豬頸肉炒烏冬， 呢個炒得好香口 ，有鑊氣我見佢有泡菜大蝦炒烏冬，下次試下先!海鮮蔥餅， 香脆可口，點埋個汁真係好食， 食完覺得唔夠喉添韓風一口雞， juicy炸雞，點佢嘅韓式甜辣醬，不錯!而家咁嘅時勢成日都要喺屋企食飯， 聽佢哋d同事講 ，可以打電話落單叫定外賣，再去攞都得有禮貌，服務態度良好

《首爾石鍋燒》喺旺角已經好多年。我亦都幫襯左好多次。有時諗唔到去邊度食飯就黎呢度。知道食物質素有保證。而且好啱我口味。今日叫咗《韓式鐵板牛肉粒飯》。上枱嗰陣 si si 聲， 個鐵板夠晒熱。材料好豐富，牛肉粒有好多粒不吝嗇， 除咗白飯， 仲有蔬菜同埋一隻煎得好靚嘅太陽蛋。牛肉淋淰，有牛肉味，有口感。隻蛋我鍾意吉穿佢將蛋汁撈埋白飯一齊食。😋知道呢度石鍋飯很出名，今次叫了《 黑椒金菇肥牛石鍋飯》上枱的時候見到d黑椒汁在石鍋邊燒熱緊 sa sa 聲感覺特別香濃。店員細心的放了兩隻匙羹在側邊並叫我們小心熱會燙到👍。一邊撈一邊聞到喺石頭燒出嚟的白飯特別香，而且有飯焦喺底的。洋蔥，黑椒，肥牛片，加埋紅蘿蔔絲，白蘿蔔絲，粟米，芽菜，撈埋一齊好好味，口感十分豐富。整體感覺十分良好。😍小食叫咗《韓風一口雞》 其實即係炸雞。一口一粒剛剛好。炸得又香又脆，炸粉很薄我最like.😘《海鮮蔥餅》主要以蝦和蔥段為主的韓式煎餅。 餅底煎得香脆，有很香蛋味，而且不會太油。尤其喜歡這裏的煎餅汁，令其味道大大提升！😉呢度食物質素水準一直以來都keep得到。我會繼續幫襯的！

今晚由哈韓族的好友帶路，來到這家位於旺角通菜街的「首爾石鍋燒」。好友表示當年的讀書時光，經常在此街上覓食。定價相當優質，難怪坐了不少學生食客。主食類均會附有前菜，都是韓國菜式中常見的泡菜漬物，好用來開一開胃。熱烘烘的石頭鍋飯，拌勻時要當心。除了烤豬肉，拌料還有煎雞蛋、粟米粒、甘旬絲，菜肉五殼類統統包含了其中。珍珠飯粒沾了蛋汁，入口頗香。但薄切豬肉有一點乾身，似乎有點烤過頭了。本身帶點辣度的水冷麵，因為同行好友未能吃辣的關係，店員特意把辣醬分開端上，非常窩心的行為。水冷麵用的材料樸素清淡，如圖中所見，都是烚雞蛋、青瓜絲、蘿蔔片等。這碗麵的精華就是在冷麵汁中。酸酸的麵汁用雪梨等熬製，凍食異常開胃。配上辣式辣醬，酸中帶辣更加美味。麵質較平常吃的粗，但同樣煙韌彈牙。煎餃子香口，餡料是粉絲和豬肉，有點像平日在超巿買到的急凍餃子包。味道正常但不太特別，一道四平八穩的小食。韓風所指的，大概是用了炸的方式去處理雞翼，畢竟韓國炸雞曾大熱一時。炸雞翼的味道基本上很難失準。外皮沒有很厚，咬下去沒有吃炸粉的感覺。蘸上碟旁的辣醬，添加一點辣的惹味。六吋的韓式煎餅分有4塊，點的是海鮮蔥口味，略嫌蔥餅煎得有一點厚。

今日係 father's day,  知道去中式酒樓一定多人, 妹妹就suggest去呢間小店食飯.平時很少食韓國餐,　打開個餐牌哇好吸引下,　樣樣都想試下.最後每人揀一樣,　我地就叫左:煎泡菜餃子呢個好味! 個皮煎得好香趣.  個函有d辣因爲有泡菜加猪肉, 我自己覺得幾中意.海鮮蔥餅呢個一定要點汁食,　亮點係個汁好arm我口味.泡菜豆腐鍋跟飯呢個菜係個餐牌度些必食推介.　果然無介紹錯.　我雖然痲痲地食到辣都覺得好好味.　湯頭酸酸辣辣好醒胃!韓風一口雞呢個炸雞好快比同行個細路 KO左, 佢話好好味.　炸得個色水金黃色幾靚.蕎麥冷面呢個個味都幾特別,　夏天食唔錯!海鮮炒年糕年糕口感很 Q,　煙煙嗯嗯,　個辣汁掛係件年糕度食好好味.韓國啤酒總括來講,　食物質素中上,　人均消費$80左右, 抵食好味,　下次會再來試其它食物!

幾年前試過一次位於通菜街的首爾韓國餐廳，印像唔錯，今次同幾個朋友再度幫親！餐牌都幾多元化， 我地叫左大家 share：泡菜烤肉鐵板飯， 牛肉拌飯， 豬頸肉芝士湯麵， 泡菜大蝦炒飯，海鮮蔥餅。  泡菜烤肉鐵板飯我覺得最好味。味道多層次，口感豐富， 泡菜酸酸辣辣，烤肉味道野味，炒埋一齊又香又甜又酸又辣，好味道！ 個泡菜鐵板汁送飯亦唔錯。牛肉拌飯材料豐富，除了有大量牛肉粒外，配菜分量亦多，酸辣青瓜片，粟米粒，韓國粉絲，木魚絲。個拌飯汁撈飯都好味道。豬頸肉芝士湯麵個豬頸肉煎得幾香口好味道，芝士湯麵好耐無食喇，面質同公仔麵一樣唔淋都ok彈牙，個湯地有芝士味唔係好濃味所以唔會好漏, 我覺得都ok.泡菜大蝦炒飯見隔離檯有叫好似幾好味所以我地又叫左個來試下。 果然係真係唔錯！香噴噴有鑊氣！d蝦都幾爽口又大隻，同泡菜味道都幾夾。一人一碗好快分晒！海鮮蔥餅好多韓國餐廳都有，我都幾like，煎得香脆，大家開心share都唔錯！眼見好多檯都有叫韓式豆腐鍋，下次應該會試下！

今日約左個舊同學出來行街買野同吹水, 好啦, 行行下大家覺得見累想坐低,　就入左女人街搵左呢間位于旺角 "首爾" 食個 late lunch. 打開個 menu, d相都幾吸引 wor, 樣樣都想食,　我地得兩個人,　唔理喇,　食左先講,　我地揀左好一陣終于叫左:　韓式牛肉鐵板飯,　豬頸肉滑蛋炒烏冬,　海鮮蔥餅,　韓風一口雞　(呢個係後加).首先上係鐵板牛肉飯,　賣相幾令 wor, 隻蛋半生熟係飯上面我至中意,　d牛肉係牛肉粒, 都有十幾粒唔少wor, 我最喜愛就係佢個鐵板汁,　　甜甜地,　有似食緊日式鐵板汁,　好香送飯一流!然後就黎左豬頸肉滑蛋炒烏冬,　上檯個陣bill晒煙,　應該係即炒唔係 microwave　叮熱個種.　味道都ok, 中規中距, 大人細路都arm食!海鮮蔥餅好味呀!可能我本身中意蔥味道啦,　蔥餅我去韓式餐廳好多時都會叫.　煎得剛剛好唔噥 wor, 佢個蔥餅汁好好味,　酸酸辣辣好正!我地兩個大食妹,　後來加追左個韓風一口雞,　唔食多d邊度有力行街呢, 其實呢個係炸雞黎,　不過size比較細可以一口一件.　唔錯呀,　　炸到金黃色,　唔噥,　粉唔厚,　有肉汁,　個汁好似