M3 Italian (Closed)

在九龍塘睇完太空Snoopy的展覽 後，我們又搭火車來到大圍「M3 Italian」開餐，餐廳在大圍積富街，都是鄰近火車站，地點都方便易找，不過今日的booking 都好full ，都要8:15pm 前交枱，服務生在我們入座前都有說明，他們都很有禮貌!!環境地方的光線較暗，但每張枱上都有個蠟燭燈座照明，襯托著深啡色的木枱、沙發、餐椅、樹枝形狀的吊燈，打造犘登時尚的氣氛，掃走厭倦的傳統燈飾造型，同時讓人感覺氣氛充滿了優雅舒適的一面。餐牌的分類有頭盤、 沙律、小食、 餐湯、薄餅、意粉、意大利飯、主菜、甜品等......飲品選擇 ginger ale ，另外會跟冰塊，夠氣又香甜。頭盤有香辣蒜片啤酒煮活花甲王 $178  ，活花甲王的肉質夠晒大粒飽滿，厚肉又爆汁，散出濃厚的啤酒香，啤酒可以去除蜆肉的腥味，把花甲王與蒜片、辣椒一同煮香，也帶蒜香且鮮嫩微辣，食完蜆肉再把碗內餘下的湯水飲掉，教人吃得回味!!端上來先有海鮮龍蝦湯，這款是我的選擇，先細味品嚐整碗濃湯，鮮甜富濃郁的蝦香，內有少許龍蝦肉，龍蝦肉質彈牙，香味俱佳，鮮香又晤腥。而黑松露野菌湯都是非常美味，湯面加上了鮮忌廉、麵包粒及蕃茜碎，湯稠綿

2019年4月30日 星期二今日放工之後終於鬆一口氣，因為聽日可以有一日假期，於是夜晚就出咗大圍同女朋友撐枱腳食飯選擇左呢間餐廳，睇網上面嘅食評似乎呢一間鋪頭喺大圍人氣好高，好好彩唔駛等好耐就可以入去入到去發現樓底好高，裝修得好有英倫嘅風格，仲播住啲好柔和嘅音樂餐牌有幾個，不過我地費事煩食乜，所以就叫左個二人套餐，頭盤、主菜、甜品乜都齊先到既係餐湯，海鮮龍蝦湯，凈係睇顏色都知個湯好重龍蝦味，而且裡面好多海鮮、好足料之後嚟到嘅係煙燻北海道帶子配凱撒沙律，帶子好大隻而且煮得唔老岩岩好，的確係有少少煙燻味。至於個沙律可以自己決定落幾多醬，岩晒唔太鍾意醬既女朋友，蔬菜好新鮮同爽口添之後有西班牙辣肉腸炒花甲蜆，份量比一人份量仲要多少少，蜆都算大隻，無乜沙，同辣肉腸一齊食又出奇地配合，因為本身蜆只有海水鮮味，同濃味既辣肉腸好夾跟住有意大利傳統四式芝士薄餅，原本以為只係普通既芝士薄餅，但無諗過食起上黎真係有唔同芝士既味道，愈食愈分辨到芝士既濃淡味，加上岩岩焗起就上菜，所以芝士仲有拉絲既效果添到主菜炭燒美國肉眼扒，塊扒都算大，足夠兩個人食，而且因為我哋叫咗三成熟，所以切落去好容易，冇乜血水走出嚟。食落