The Food Gallery

是次來到香港朗廷酒店Staycation，所購買的package是不包括dinner buffet，要另外加錢才可享用啊！未夠6點半就來到The Food Gallery，桌上除放置調味料外，還有一堆刻有數字的木匙，其實是作號碼牌使用，點即叫即製的食品，將木匙交給廚師，食物煮好就會容後送上。趁人客不算多，就先去取海鮮吃～～～取餐區的位置集中，但範圍算細，食物選擇不多！海鮮區有膠板擋隔，選好海鮮就由職員夾到小鍋中。海鮮款式充足，有生蠔﹑螺﹑青口﹑龍蝦﹑龍蝦鉗及凍蝦。生蠔雖然細隻，但都算滑溜，偏金屬味，味道不錯！青口的質素亦不錯，肉不算好肥厚，但味道夠香～～～其他海鮮的質素亦可接受！刺身是大路款式，如三文魚﹑甜蝦﹑八爪魚及帆立貝，質素一般，不算好鮮甜～沙律吧提供的沙律款式部份是別處很少見的，例如皮蛋及麻醬秋葵，還有藜麥啊！雖有提供皮蛋，但味道不夠甘香！芝士區也沒有特別好吃的芝士～～燉烏雞湯，味道普通，不太夠火喉，味道不夠香甜。龍蝦湯比較好喝，略有龍蝦味，味道香濃～～～脆皮乳豬有兩節出爐時間，出爐會有搖鈴提示。乳豬皮很脆，肉夠厚又不太肥膩，不會吃到滿嘴油！好吃！蒸扇貝即點即蒸，惜扇貝的siz

同frd慶祝生日，第一次來呢間食buffet。太早到，未入得。期待兩小時 “嚐鮮之旅盛宴”。點知。。。入到去，勁細，食物區一眼望曬，甜品區係另一邊一個小小的corner。好在海鮮好得生蠔新鮮，開頭嗰啲細，瘦，無乜肉。之後越攞越大同厚身翡翠螺大隻，爽甜小龍蝦有少少鹹味，都好新鮮仲有青口同蝦，不過無食。其餘有中式粉麵同西式意粉，都係即叫即整。咖哩雞粥中式炖雞湯（有啲鹹）即炒水魷蔬菜炆/燴牛肚，酒煮辣螺，焗蔬菜，白酒青口等即煎牛扒，魚，粟米🌽沙律區有啲刺身同壽司仲有少少日式野，但唔吸引好快來到甜品環節。有朱古力噴泉，糖仔。蛋糕有綠茶，朱古力，檸檬tart。。。仲有6-8款Haagen Dazs雪糕雪芭。呢件叫做tiramisu 的野估唔到咁驚艷encore 左一次。佢有別於平時食開的，佢係mousse texture。但唔但甜，好好食呢件唔知係咪叫糖霜餅，甜到一個點，食完一啖都食唔落。佢只係有美麗的外表，無內在無下次

因為我地係會員，有生日優惠，可以二人同行一人價錢去食，所以我同媽咪一星期之前已經訂左位去食lunch buffet.我地揀左食第一輪，11點九開始。我地12點左右到左，全場已經差唔多滿座。一黎到，我地就即刻去拎海鮮！海鮮既種類好多，有生蠔，凍蝦，青口，龍蝦仔等等。生蠔雖然唔係即開，但味道好鮮甜！我地每人食左６、７隻！龍蝦仔都幾大隻同埋多肉！整體黎講真係唔錯！之後我就轉食d 芝士同cold cut，都幾多種唔同既選擇，用黎夾熱辣辣既牛角包一流！餐廳其實仲有好多熟食既選擇，但因為我地唔太好熟食，所以冇咩點試到...只係試左呢個海鮮雜燴同埋龍蝦湯，味道就一般，正正常常，冇咩特別....最後當然係甜品時間啦! 咁多種入面我最鍾意朱古力撻，好濃郁！又唔會太過甜！另外仲試左黑森林蛋糕，不過麻麻地，車厘子冇酒味，所以只係個普通既朱古力蛋糕...酒店供應既係H記雪糕，最驚喜既係竟然有期間限定既味道！就係薰衣草藍莓同埋櫻花櫻桃味！當然要試呢兩隻味道啦！加加埋埋食左６球雪糕！好滿足呀！整體黎講呢個價錢食酒店buffet都算幾抵食，我地兩個人加埋只係４百蚊多少少，食到呢個質素真係唔錯！之後有機會都一定會再黎

春夏交替之際去食自助餐應該是最好的時機, 因為此際就是大多數海鮮盛產豐收的時候。尖沙咀朗廷酒店的"The Food Gallery", 就以不同蟹類作為自助晚餐的主題: 螃蟹盛宴自助晚餐, 以蟹作招徠。星期一至四的Dinner Buffet 價錢為$598, 星期五、六、日及公眾假期則為$648, HSBC信用卡更有88折的優惠。價位於五星級酒店中屬中游位置, 尚算親民的可接受程度, 不過食物沒有因此而欺場, 除了主角的蟹外, 還有生蠔、龍蝦等海鮮, 更有鵝肝等較矜貴的食材。 身處老牌的酒店內, 走的還是華麗風格, 靠窗一旁的多為二人座, 同行多人的則安排於較正中位置, 相對地也靠近食物那邊, 周五晚上幾乎爆滿。 自助餐向來都是選擇甚多, 豐盛的程度敵不過胃納的有限, 精要的選取才是王道的吃法, 採取先遊走一圈視察再從中作出取捨的策略。 先是場面墟冚、非常貼題而選擇多多的海鮮區, 堆滿成小山丘般的海鮮成亮點, 冰鎮上的加拿大松葉蟹腳、加拿大石蟹、皇帝蟹、波士頓龍蝦、波士頓龍蝦鉗、紐西蘭青口、生蠔、翡翠螺、小龍蝦、凍蝦等, 精彩程度遠超想像, 十分目不暇給, 貨源從不短缺, 補貨添加的

很久已沒有跟一眾食友們食自助餐嘞！  難得有位食友作為今次飯局攪手，相約大家到位於尖沙咀北京道朗廷酒店的 The Food Gallery，嚐自助晚餐！ 可是，當晚下著雨，在途中，我發覺我對高跟鞋發出的聲響並非如此清脆！  於是，望一望鞋底，右鞋跟竟然甩掉，  我又恐怕天雨濕滑會跌親，還是去食自助餐前先解決鞋跟問題！尖沙咀地鐵站的鞋匠與餐廳也有一大段距離！由於，要立即維修鞋跟；最終，遲大到真深感抱歉！ 朗廷酒店正是北京道一號對面，一條馬路之隔！  相當方便易找！富麗堂皇的酒店大堂盡顯氣派！  而 The Food Gallery 是位於高層大堂。  自助晚餐：星期一至四 ~ 成人 $548/ 位 星期五至日、公眾假期及前夕 ~ $598/位(另收加一服務費)大家亦可 print out OpenRice coupon，可享 75 折優惠！ 當我一走入餐廳，先是吸引眼球的甜品區！   此外，還有沙律區、冷盤區、壽司區、海鮮區、熟食區、港式燒味區、燒物區、即煮湯麵、連印度美食區都有...真是應有盡有！  供應各式各樣的美食，口味已是多元化！ 這裡地方不大，加上樓底

復活節幾日假期，留港消費，咁多日要食，總想有一日要食得豪食得盡。朋友介紹了朗廷酒店自助餐，因為有生蠔、波士頓龍蝦等海鮮係佢地至愛，令到我都想試試。我地6點鐘到了，剛剛開始食，一入門口就見到甜品擺設，外表好吸引，好想試。一開始先試了海鮮冷盤，有生蠔、波士頓龍蝦，有大有細、青口、海蝦、刺身等等。生蠔：可以入口，有些海水味，不算腥臭，可以食好多都得，不錯！龍蝦：肉質新鮮，沒有腥臭味，又食了好多！三文魚刺身：刺身新鮮有魚油，不過唔算太出色、吸引，出面好多壽司店仲好食！熱食唔係好吸引，好普通，選擇唔算多，相比其他酒店真係好唔掂，不過樣樣都試下。印度咖哩：個咖哩好香，好好味，香料味好重，有重慶級數。但可惜個印度飯得個樣，食落去好鬼硬，好唔想食。燉椰子雞湯：成盅燉製，原汁原味，頭一輪食個燉湯好鬼正，又足料，但第二盅就好多雞油，湯料都無咁多！龍蝦伊麵：個伊麵好正，好甜，吸收晒龍蝦汁。其他都不值得評論，因為太普通！蒸魚：熱食最好食就係蒸魚，蒸得剛剛好！甜品選擇好少，係有一個放滿cup cake的地方擺放好靚，個個都影相，一食甜品就想試下，但結果係中伏了，真係得個樣吸引，一叉起個蛋糕就散晒，好乾呀！食落去