廣麪子

Open Now

Now Closed

環境4分：麵檔格局，比正常光猛同冇咁迫，卡位舒服，可以畀四分。衛生4分：樓面乾淨企理，枱櫈冇黐立立，都幾衛生。服務5分： 侍應生快手快腳，好有禮貌，上菜爽手，滿分。味道5分：1)    原條切魚片日日新鮮炸，一客有好多舊，厚切超爽超脆，尤其係個頭尾片頭部份。浸住湯夠哂熱辣。加埋祖傳選用十多種材料炮製嘅辣椒油食落去吊起個味，好香辣，正！2)    油菜嘅菜心好淋好新鮮。3)    淨撈粗麵豉油底撈得好勻循，麵條有𡁻口。4)    淨清湯沙爽腩連咗少少肥，第一份量足，夠幾個人食，完全冇蘇味，牛味好香濃，一份錢一份貨，Ｄ腩爽連少少肥先夠香口爽潤唔鞋，一定要食。5)    腩四寶撈粗麵乜都有Ｄ，魚蛋牛丸雲吞片頭加埋五個餸，非常豐富，賣相震撼，整體夠爽。6)    魚片撈粗都有六片魚片，好彈牙！雙拼炆腩魚蛋湯麵好淋好入味，依款炆腩唔同食法，好好味。抵食5分：幾十蚊食餐足料撈麵，主要食牛同魚片頭，非常抵食！

下雨天，總覺得個人好有無力感😩😩吾食好西絕對會對吾住自己呢間新開既麵店位於灣仔MTR站附近店舖新開感覺都好乾淨，環境光猛，坐得都幾舒服下我同朋友分別點左一碗招牌切腩四寶湯河，淨撈粗麵和鮮油奶多士切腩四寶湯河$58有主角 牛腩（推薦）絕對係水準之作，醒合埋少少秘製辣油，絕對係神來之筆。魚片頭（推薦）炸得非常爽口彈牙，無油溢味牛丸（可以一試）重牛味，彈牙，但欠缺肉汁魚蛋（一樣出色）有魚味吾苦都彈牙，但比魚片頭搶過風頭雲呑（各人喜好）我個人覺得雲呑遍甜一點，所以我個人就不太喜歡，但質素不過不失既。湯河 屬於比較幼身既河粉，入口都滑，吾錯淨撈粗麵$28水準之作，無鹼水味，麵身爽口，甚至比湯河更為出色鮮油奶多士$16（一般）多士夾住厚切牛油加煉奶如果多士可以熱返啲就更好同埋吾知點解牛油會有好大陣檸檬味秘製辣椒油＄0香、辣出色，配合牛腩一齊食，絕對可以再令牛腩昇華PS：吾食得辣就量力而為總結 的確係一個吾錯既麵店無論環境定食物質素都有一定水準希望遲下再黎幫襯吾洗排隊啦